بركات (الشيخه تراجي) تبين في كمبيوتر( حسن مكاوي) يلا تعالوا( اتبركوا)!!

Quote: يعلم الله لم افعل له الا (حسبي الله ونعم الوكيل) ويتضح انها ماضيه جدا في نصرة الملظوم. ولعلمك بلغه احدهم ظلمني مرة مسكت له( حسب الله نعم الوكيل) والله ساعه بس احترق منزله امامي. لوم طبعا اتمنى ذلك ولكن هذه ارادة الله.فآخير تلم مني صعاليك المنبر ديل.

زنننننن


والله دا بوست الموسم ..
وين أعضاء جمعية الهوس الديني بالممبر العام صبري الشريف + مرتضى جعفر الزولة دي (عزمت) ليهم في ايقونة عفصوها وما قدرو يقرو الكلام الكاتباهو دا .. ؟
لالالالالالا والله دي مبالغة أ،ا الليلة ما بطلع نم البوست دا إلا (يبخروني) يا يجيبو لي عروق محبة
بلاي بتمسكي زمن كدا .. وبتحرقي البيوت .. (اب تو ديت) وقدام عينك كمان ..؟
طيب الصادق المهدي ليش ما ينور .. بالليل ؟
أقول ليك حاجة..؟
أنا القدامك دا مرات برضو قاعد (اولـــع) يعني يوم الخميس مرات قاعد اشتغل (جنريتر) عديل كدا يعني علشان الواحد ما قاعد يجيكم داخل البورد (مولع)؟؟
والله بي صراحة .. أنا ما قادر اصدق ..
الله يجيبك يا الخال سارة عيسى .. شابكنا عندي فكي في سوق ليبيا عندي فكي في سوق ليبيا ..
تعال شوف الليلة خالتك (اتبينت) عديل كدا ..

Quote: مسكت له( حسب الله نعم الوكيل)

حسب الله دا كان ترزي ستاتي جارنـا .. عمل حركة كدا ما دسيسة مع زولة من بنات الحلة أثناء ما كان بياخد في المقاسات ليها.. قام التيمان جو دقوهو ليك دق العيش .. لحدت ما (طــرش) الكلام دا كان زي الساعة عشرة ونص صباحا يعني بعد الفطور وقبلما يتهضم كويس .. غايتو دا الشئ الطاريهو من زمن الطفولة واول مرة في حياتي أعرف أنو في حاجة اسمها دق في الدنيا دي بعدما شفتها بي عيني
مسكتي ليهو حسب الله ونعم الوكيل .. ؟
طيب ياخ ما تعملي ليك (لالوبـة) (وسددي) في الويك إند يومي السبت والأحد من نهاية كل شهـر افرنجي .. اجردي ليك الفين بس .. ووزعيها على مجلس قيادة الثورة .. خمسين للبشير .. وخمسة وعشرين لي قوش .. وففتي ففتي لي نافع وعبد الرحيم حسين .. وادي نصو البحــر الباقي ليك كم ..؟
بلاي اجردي ليهم من حسب الله دا .. وورينا مواعيد الحريقة متين .. أنا بشيل كميرتي واللاب توب وبنزل السودان (بتكل) جمب المشتل الجمب القيادة العامة .. أول ما تولع كدا بنزل لي بوست ..
حسب الله يرحق القايده العامة بالريموت كنرتول .. توجد صورة
واخت ليهو ايقونة


بالمناسبة:
أنا تاني كان ما أخدت لي حقنة بنج عشرة سيسي في جلكوز وملح طعام .. ما بقدر اجي داخل البورد دا .. من شراب القهوة الكتيرة الواحد البنج زاتو بقى ما بمسك فوقو .. بلاي اعملي لي (بخـــرة) علشان البنج يمسك فيني