موضوع (البيان) يا (باقيين)...بصراحة كترتوها و مسختوها!!

Quote: ما شاركت في بوستك لأنو الكلام اعم من محدودية بوستك! و ما قاصداك في شخصك لأنو انا اصلو ما حصل قصدت لي زول لا في المنبر لا براه، و الما بدورو بنزلو طوالي، اصلو ما حصل باريت لي زول مقاشراه ببوستات او تعليقات، مواقفي باتخذها من واقع الموجود امامي من مداخلة او بوست، ما عندها كتير شغلة بشخصية من يطرحها ان كان لي معاه سابق تداخل او عداء من عدمو!! و انا ما قلت يدينوا صاحب البوست عشان تفهم اني قاصداك، انا قلت يدينوا البوست لغة و فكرة، و كلام انو كترت و مسخت دا رايي من قبل ما تنزل انت البوست دا، و لأنها كترت و مسخت، حصل التمادي الكانت نتيجتو بوستك، و ما تقول لي وضحي انا شبهت منو و باساميهم، لأنو كلامي واضح، زي ما تشبيهك واضح، و لو كتبتو مراهن على محدودية ذكاء القاريء ،العادي زيي، يكون رهانك خسران!! و الما بيشوف من الغربال يبقى اعمى ، و لا شنو؟؟!!