إن شاء الله تراجي مصطفى كمان تتهكر..وما تقدر تشارك تاني في المنبر العام...عشان تريحنا وترتاح

Quote: ميدو بتي دي يا ناس خلوها مافي زول زيها..... يا ميدو يختي انا اليوم معنوياتي في السماءمرشحتي الاشتغلت لها(كريس شارلتون) فاتت الناس فوت...وهي من النوع البقولوا عليها (مره والناس وراء) نصر كاسح فوق ال 6000 صوت بينها وبين ثاني واحد في القائمه.... وصحبي الثاني ديفيد كريستفرسون شغل نضيف في دائرة وسط البلد وبرضوا زولي شغاله له من بيتي وناس وسط البلد كلهم كلمتهم يدوهوا صوتهم لانه كلهم خدمهم اي زول زوجته عبرت من مكتب القاهره الكريه وسنيح للسفاره الكنديه مرقها لينا ديفيد ده. وصاحبي الثاني عمنا بتاع هاملتون شرق(ستوني كريك) عفص لك حزب ناس شمس الدين السنوسي عفص الجن وفوق ال 4000 فرق. يعني اليوم..اقلبي الهوبه.....ما بسالكم. ثانيا يا حبيبه...حزبي ده لما دخلته كان بيجيب 12 مقعد...اليوم يختي جايب 38 مقعد شوفتي الشغل ده كيف؟؟؟ المحافظين ما هزمناهم.....لانه قوى اليسار مشتته برضوا زي معارضتنا السودانيه ومقسمه لكن برضو قصص ققصنا اجنحتهم بدخلوهم كحكومة اقليه وما بيقدروا يمرووا اي قرارت خطيره دون موافقة المعارضه. اها يا حبيبه.....فرصتك يا عشوشه اختك مزاجها رايق.....برطعي