معتز صباحي افضل من غني منذ ابو داؤود والي الأن .

Quote: الاخ عثمان عجبين تحياتي واحتراماتي وتقديري يا اخوي انا معاك شديد معتز ده غناي لدرجة الابداع سمعته كثيرا هنا في جدة ( حيث أنني صديق لوالده الاخ مرتضى صباحي وما زلت ) وانا من المعجبين بصوته بل ومنذ اكثر من 8 سنوات امتلكت له شريط كاسيت من حفلات جدة وكنت اسمعه يوميا معتز صباحي يحتاج لمن يصقل امكانياته الصوتية ويوظفها كفنان محترف معنز فنان جاء متأخرا فوجد الغناء والتطريب قد رحلا بعيدا فاصبح بين نارين نار التميز ونار كسب الجمهور (جمهور جلابية بيضة مكوية وهم الاكثرية الآن في السودان وخارجه ) معتز فنان لا ينقصه شيء سوى صقل صوته بالدراسة يا عثمان يا اخوي كل المعترضين في مداخلاتهم انا في راي هم من الشخصيات السودانية التقليدية السجاير - بنسون معجون الاسنان - سجنال العربية - كريسيدا مكنة طول الايسكريم - فانيلا الغنا - غنا زمان السياسة - ود المحجوب يعني نحن ماممكن نقبل تجديد يا اخوانا الغنا ده ما زي الألوان كل زول بلبس اللون البعجبو انا غايتو معجب بصوت معتز صباحي ده شديد واقول ليكم حاجة انتو ما سمعتو معتز صباحي وهو بعمل تطريب في العالي معتز ده لو غنى في سلم عالي وبالتطريب والله يفوت الكبار والقدرو يا ريت بس ناس التلفزيون يسجلو ليهو حلقة هو والفنان كمال ترباس عشان نطرب بحق وحقيقة انا معاك يا عثمان ومعتز ده هو الفنان الاول كصوت بين الشباب الآن وافتكر ده راي انا وما بنقص من راي الناس حاجة مع تشديدي على ان كل فنان من الجيل السابق له ميزة وبصمة تميزه عم الآخر جمال