سأعلن عليك عليك الحب يا بكري ... ولا عذر لمن أنذر !!!

Quote: بسم الله الرحمن الرحيم !!حب شنو يا ناسي ؟ العالم دي مالها ؟ جرى لعقلها حاجة ولا شنو ؟ أكيد رايح ليها حنان !! سوري يابكري أوعى تكون السيدة الأولى بتاعتكم قرت العنوان دة ؟ و إنشاء ماتكون عارفة سودانيز أون لاين ! ولا تكون كمان ونستها بالحاجة دي .. أوعك يا بكري تحدثها عشان في مواضيع في المنبر دة بتجيب ليك الهوى وبتجيب ليها الجلطة .. أنا غايتو يا بكري بيني وبينك شايفة الأيامات دي الزوجة آخر من يعلم !! وحات نظري بعرف لي تلاتة رجال متزوجين بالسر وأولادهم من الزوجة التانية دخلوا الجامعة ومع ذلك الأولى آخر من يعلم ( نايمة في العسل ) نوم الهنا!!! عموما يابيبو أنا بقصد سأعلن عليك الحرب إذا غرضي ما انقضى وإنت طبعا عارف الحروب الأيامات دي بقت أنواع .. حرب كمياوية .. (أوعك من حسن المجيد ) وحرب بيولوجية ,, وحرب جرثومية ,, وحرب معنوية,, وحرب عاطفية ,, وحرب أدبية وثقافية ,, وكمان في حرب باردة وساخنة وما عليك إلا تختار نوع الحرب العايزة !! شوف يا بكري أجيك من الآخر أنا عندي إخوان إتنين عزيزين علي بلحليل منهم الباشمنهدس عمر عثمان (خمسة وخميسة)والمحاسب القانوني حسن مضوي ( حصوة في عين اللي شاف وما صلاش عالنبي ) شفت الاتنين ديل يا بكري كتابين كتابة لمن غلط ,, عشان كدة ما عليك إلا تسلمهم الباسورد وعينك ما تشوف إلا النور .. خسوساالأيامات دي أنا شايفة في انفراج في سوق الباسوردات الدولي .. أها يا جماعة رايكم شنو في الكلام دة ؟ غايتو البحبونا يجوا يساندونا والبكرهونا من شرهم يكفونا ورأصني يا جدع !!! بكري قدامك حلين ما فيش غيرهم الباسورد,, ولا الحرب ؟ ولا عذر لمن أنذر .. المخلصة للمنبر : عواطف بت أم كلثوم بن بشير أمدرمان - الثورة الحارة العاشرة جوار بقالة السعادة ( الدين ممنوع والزعل مرفوع )