مضغتم لبانة الطائفية حتى مسختموها

Quote: طيب نحن لا اولاد عرب ولا اولاد شيوخ ولا اولاد قبائل نمشئ وين كده وضح لينا, السودان للسودانيين بكل اختلافاته اما نحن اذا راقت لنا الفكرة لربما ننصب قرنق شيخ للطريقة المبيورية اولسنا احرار فيما نعتقد كما الاخرون احرارا فيما يعتقدونز أولا: يا ود قاسم ينصر دينك ودين والدينك ثانيا: يادكتور الصاوي انا رجعت.... وانت القال ليك اسرق الكلام من فمي واكتبه قبلي منو؟؟؟ يعني انا هسع اكتب اقول شنو ... ما انت كتلت الجدادة وخميت بيضها... ثالثا: ياود الجاك نحن رجرجة ودهماء ومانا مثقفين ولا بنفك الخط وبنحب ناس سيدي وبناخد منهم البركة وسيدي كان ارسل لينا نعالته قال صوتوا ليها بنسوّط ليها.... اها رايك شنو بنستحق الديمقراطية ولا ما بنستحقها ياود الجاك السودان للسودانيين دي قالها سيدي قبال ما المتثاقفين يقولوها ... شفت سيدي نظرته بعيدة كيف؟؟؟ منو القال انت ما ود قبايل ... هنالك قبايل اليسار وقبايل اليمين وقبيلة المريخ وقبيلة الهلال وهلم جرا وزي ما قال الانصاري السودان دا نصه هلالاب ونصه انصار ونحن انصار .. بالذمة يا جماعة الثقافة سمعتوا ليكم بواحد من الرجرجة والدهماء عمل إنقلاب؟ كل الإنقلابات من المتعلمين وأشباه المثقفين يا جماعة جيبوا لينا الإنتخابات الحرّة النزيهة بمراقبة الامم المتحدة ومنظمة الوحدة الافريقية سابقا-الأتحاد الافريقي حاليا- وجامعة الدول العربية...ونحن حندي اصواتنا لأسيادنا وسيطاننا لغيرهم ونشوف منو فينا البفوز ... كان فزنا نحن رجلكم فوق رقبتكم تتبعونا ... وكان فزتوا نحن معاكم تب لمن تغرفوا المركب والبسوي الله كله سمح وكان كلامي عوج عشان انا مع سيدي قولوا لي كلامك عوج من وين؟؟