أدمنت تقبيل قدمــــــــيها
يا أخي أنا أفتكر كلمتك كتير ، إنت مش مستواى ، إنت تمشي تشوف مقاسك وتلبسو ، ما في داعي تفكر في حاجات أكبر منك بكتير ،، قالت كلامها هذا ، وانسحبت غير مبالية بمشاعره ، ولا بفيض الحب الذي يحمله تجاهها ،، وتركته يغرق في بحر من الحرمان لا ساحل له ،، لم يفعل أكثر من أنه عاد إلى أصابعه يضغط عليها ويطقّها ويشبّكها في بعضها بطريقة عصبية وكأنها هي التي أوردته هذا المورد ،، وفجأة انطلق في داخله شيطان مارد يحرضه على الانتقام منها ، فهو منذ فترة يحس بجرح الإهانة العميق ، لكن أمله في الاقتراب منها ظلّ يباعد بينه وبين فكرة الانتقام . هذه المرة سأنتقم . قالها وكأنها تنبعث من داخله كحمم بركانية تقذف حرّها فوق رؤوس الذين يقفون في طريقها ،، لكن كيف ينتقم ؟ بائ وسيلة ؟ وهل سيكون الانتقام أذي للآخر ، أم انتصارا للحب ؟ البداية كانت تهديدا علنيا بالانتقام ، لكنها وبكل تحد قالتها دون تردد : أعلى ما في خيلك أركبو ،، سوي الدّاير تسويه ، والله في النهاية حا تلاقي إنك بتضرب راسك بالحيطة ،، رد عليها بنظرة أحست أنها نظرة تحدّ ، فلم تستطع الصمود أمام شرر عينيه ، وتوارى وجهها وسط غيوم انكسارها الأنثوي ، لكن التحدي الساكن في داخلها لم يتراجع ،، - إنتي فاكرة نفسك شنو ؟ إنتي متخيلة إنك حتكوني مركز اهتمام بدون ما تقدمي أي نوع من التنازلات ؟ - ومين قال ليك أنا عايزة أكون مركز اهتمام لي واحد زيّك ؟ - أنا شايف أحسن تتراجعي ، وأحسن ليك ما تتعززي عليّ أكتر من اللازم ،، أنا لو خليتك والله ما في زول يقبّل عليك ،، - يا سلام ! روح في ستين داهية ، أنا والله ألأف من يتمناني .. - تعرفي ، علاجك عندي ، بس أنا داخرو لي يومو ،، - ويومو ده بيجي متين ؟ - قرّب ، ما تخافي .. - يا أخي إنت ممكن تقول لي داير مني شنو ؟ - مية مرة أنا قلت ليك داير منّك شنو ،، أنا بحبك ، وداير أعرّسك .. - أيوة بس أنا ما دايرة ،، هي بالقوة ،، وللا بالقوة ؟؟ - طيب ممكن تقولي لي ما دايرة مالك ؟ - يا أخي المسألة دي مسألة بتاعة حب ، والحب ينتج عن تقارب ، والتقارب عندو أسس ، والأسس دي مفقودة بيني وبينك .. فهمت ؟ - بس أنا شايف غير كده .. - وإذا كان شوفك طشاش أنا أسوي ليك شنو ؟؟ - على كل حال إنتي هسة معصّبة ، خلينا نتكلم في وكت تاني .. - لا تاني ولا تالت ، دي آخر مرة نتقابل فيها .. - خلاص ما في مشكلة ،، أمشي ارتاحي ،، انصرفت وهي تردد في نفسها : والله يا أخوانا حاجات غريبة ، في ناس في الدنيا دي غريبين جدا ، بيفتكروا إنو الامور بتمشي زي ما عايزين هم ،، وإنو الباقين ما ليهم أي رأي ،، ظل يكمن لها يوميا عند محطة المواصلات ، لكنها لم تعره انتباها ، أو كذلك ادّعت ، فكلما حاول لفت نظرها تمنعت محاولة إظهار إنشغالها بأمر آخر ،، لكن أمرا ما في داخله يحرّكه باستمرار ويدعوه لمواصلة المشوار حتى نهايته ،، يا جبت المال وبقيت سعيد يا متّ وقالوا عليّ شهيد صديقتها القريبة أتته بنصيحة غالية ، لكنها مكلفة ،، قالت له إنها تحب الفخر فاجعل لها فخرا ،، قال وما فخرها ؟ قالت : قبل قدميها على مرأى من البنات ،، فهي كانت قد أعلنت أنك تحبها لدرجة السجود إلى قدميها ،، قال : هذا كثير . قالت : هو مهرها الذي تريد ،، إما أن تدفعه ، وإما أن تهجرك إلى الأبد .. قال : لكن الحبيبة لا تذل حبيبها .. قالت : لا مذلة في الحب ، ولا كبرياء للمحبين ،، قال : ولكن هذا سجود لغير الله . قالت : ذاك مستوى من السجود ، وهذا مستوى آخر .. قال : فجعلت لها هذا الفخر ،، فاستجابت ،، وأحبتني بعدها حبا جعلني أقبّل قدميها كل يوم .. حتى أدمنت .. (عدل بواسطة ودقاسم on 07-05-2004, 00:56 AM)

العنوان	الكاتب	Date
أدمنت تقبيل قدمــــــــيها	ودقاسم	07-05-04, 00:48 AM
Re: أدمنت تقبيل قدمــــــــيها	degna	07-05-04, 01:01 AM
Re: أدمنت تقبيل قدمــــــــيها	ودقاسم	07-05-04, 05:12 AM
Re: أدمنت تقبيل قدمــــــــيها	قرشـــو	07-05-04, 01:29 AM
Re: أدمنت تقبيل قدمــــــــيها	ودقاسم	07-06-04, 01:32 AM
Re: أدمنت تقبيل قدمــــــــيها	مريم بنت الحسين	07-05-04, 10:51 AM
Re: أدمنت تقبيل قدمــــــــيها	ودقاسم	07-06-04, 04:55 AM
Re: أدمنت تقبيل قدمــــــــيها	tmbis	07-06-04, 10:33 AM
Re: أدمنت تقبيل قدمــــــــيها	معتصم دفع الله	07-06-04, 01:11 PM
Re: أدمنت تقبيل قدمــــــــيها	ودقاسم	07-07-04, 03:30 AM
Re: أدمنت تقبيل قدمــــــــيها	ودقاسم	07-06-04, 10:37 PM
Re: أدمنت تقبيل قدمــــــــيها	Hani Abuelgasim	07-06-04, 05:44 PM
Re: أدمنت تقبيل قدمــــــــيها	ودقاسم	07-07-04, 04:21 AM
Re: أدمنت تقبيل قدمــــــــيها	عبد الباقي الجيلي	07-07-04, 01:18 AM
Re: أدمنت تقبيل قدمــــــــيها	ودقاسم	07-07-04, 04:50 AM
Re: أدمنت تقبيل قدمــــــــيها	essam&amal	07-07-04, 02:38 AM
Re: أدمنت تقبيل قدمــــــــيها	صديق الموج	07-07-04, 03:55 AM
Re: أدمنت تقبيل قدمــــــــيها	ابو جهينة	07-07-04, 04:00 AM
Re: أدمنت تقبيل قدمــــــــيها	ودقاسم	07-08-04, 01:27 AM
Re: أدمنت تقبيل قدمــــــــيها	ودقاسم	07-08-04, 00:53 AM
Re: أدمنت تقبيل قدمــــــــيها	ودقاسم	07-07-04, 05:23 AM
Re: أدمنت تقبيل قدمــــــــيها	شتات	07-07-04, 04:07 PM
Re: أدمنت تقبيل قدمــــــــيها	ودقاسم	07-08-04, 01:33 AM
Re: أدمنت تقبيل قدمــــــــيها	ود الشيخ	07-07-04, 08:23 PM
Re: أدمنت تقبيل قدمــــــــيها	degna	07-08-04, 01:14 AM

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]