|
التُّرَابَة التَّكْتَح ما عــــــندو
|
قالت أمي ردا على سؤالي عن عم علي ، نسيبنا الجديد الذي سيتزوج عمتي: والله يا ولدي التُّرَابَة التَّكْتَح دي ما عندو ،،، كان الجو ساعتها مكدّرا ، والغبار يغطي ما بين أرضنا والسماء دون أن نعلم سببا واحدا لكل هذا الكدر . وكانت أمي تستعد لإقامة عرس عمتي التي ترمّلت قبل أربع سنوات ، حين رحل زوجها الثري عنها وتركها دون ولد أو بنت ، وكان الناس يتهمونها بالعقم ، مما جعل عم علي يتقدم لخطبتها ، لأنه كان يريد امرأة لا تنجب ، بحكم أنّ له اثني عشر ولدا من زوجتيه السابقتين ... وأمي تقوم مقام أم العروس بحكم أنها بنت خال عمتي ، ولحقيقة أنّ عمتي يتيمة ، وهي تعيش في بيتنا منذ وفاة زوجها .. والله يا ولدي عمتك دي بت حلال ، بس ما بعرفو حظها مالو كدي ... شوف هسة نحن دايرن ننضف العيش عشان ده ونوديهو الطاحونة عشان نجهّز للعرس ، والكتّاحة دي ليها يومين تهب علينا ما دايرة تقيف ... قلت لأمي أن تلك مواسم وتارات تمر بأجوائنا وتتكرر كل عام ، ومن المؤكد أنها ستنتهي اللية أو صباح الغد ... لكني أعدت أمي لنقطة البداية ، لأتعرف على بعض الإمكانيات المادية لعم على ، حيث كان بي حزن شديد على عمتي التي ترملت من ذاك الرجل الثري ليحل محله رجل فقير مزواج مثل عم علي ... كانت أمي حانقة على عمي بخيت – شقيق والدي - الذي أضاع كل ما ورثته أخته من زوجها الراحل ، حين تآمر مع أحد اصدقائه ، ووضع خطة أصبح بموجبها وكيلا عن عمتي في إدارة أملاك زوجها الراحل . ولم تمر سنتين على وفاة الرجل حتى أفرغ عمي بخيت خزائن الرجل من كلّ أي مليم أحمر ... وقالت أمي في أسى واضح : والله يا ولدي هسة كان خلّوها من العرسة دي كان أخير ليها ... استغربت كثيرا قول أمي ، وقلت لها أنّني أذكر أن عم علي كان يملك ( حوّاشة ) ، وبضعة نعاج ... قالت : إن شاء الله نعاجو طايرات عليهو ،،، من يوم ما شاف الدنيا ونعاجو ديل ما زادن من الخمسة ... والحويويشة ، والله ما جايبالو العيش الياكلو في حنكو ... واللِّمة العندو دي ، والله يا ولدي ما يكفّيها غير الخالق . فكّرت كيف تعرف أمي كل هذه المعلومات ، وكيف هي مستاءة من هذه الزيجة ، وتتركها لتتم ،،، وتساءلت في داخلي ، لم لا تحاول أمي منع قيام هذه الزيجة ؟ ثم أبلغتها السؤال في تردد واضح خوفا من أنّ تكون رؤيتي للأمر في غير مصلحة عمتي ، أو أن يكون هذا الحوار محرضا لأمي لتتخذ موقفا حيال زواج عم على من عمتي ، وأنا حقيقة أرى أن في الزواج خيرا لها ... قالت أمي أنها ترى في هذا الزواج فرصة للذرية لعمتي ، وأن اي ذرية تنتج عن هذا الزواج ستكون سعادة لها في حاضرها ، وعضدا لها في كبرها ... إذن أمي لا تقول بعقم عمتي ، رغما عن أنّ كل القرية تقول بذلك ، وكدت أسأل أمي من اين تأتي الذرية وجميعنا نعلم أن عمتي عاقر ، وأنها تزوجت وبقيت مع زوجها الراحل عشر سنين دون أن تنجب ،،، ثم ترددت في طرح السؤال ، لتفاجئني أمي بالإجابة على تساؤلي دون أن أطرحه عليها ، ويبدو أنها قد عرفت ما يدور في خاطري ... والله يا ولدي ده سِرّاً كتمناهو أنا وعمتك العمر كلّو ... وقلنا أصلنا ما نقولو لي زول ، بس با ولدي شايفاك شايل الهم علي عمتك ، وأنا عارفاك بتريدا ، وهي كمان بتريدك ... صمتت أمي لدقيقة ، وأنا أنتظر بلهفة والتياع ، والدقيقة تمر ببطء لم أشهده من قبل ... أيوة يُمّة ، الحاصل شنو ؟ والله يا ولدي ، أنا ما كنت قايلة روحي بعيش وبقول ليك ، وعمتك مخسّماني النبي ما أكلم إنس ولا جنس ،،، ودسّينا الخبر ، وكنا دايرين ندخل بيهو القبر ، بس الليلة يا ولدي الله يغفر لي ، ما عارفة كيفن جبت ليك طاري الحكاية دي ،،، وإنت معلوقتك شينة ، كان عرفت شئ ما بتخليهو إلا توصّلو حدّو .... الليلة يا ربي يا سيدي ، تغفر لي ،،، والله ما في نيتي غير عمل الخير ... يُمّة الحاصل شنو ؟ ما تقولي ، أنا ولدك ، وإن شاء الله ما يطلع منّي أي خبر لأي زول في الدنيا دي ... شوف يا ولدي ، عمّتك دي يعميها لي الليلة ما شافت الرجال ... ........................؟ آي والله ، الله يغفر ليهو ويرحمو الراجل داك كان راجلا طيب ، وودناس ، وأخو أخوان ، بس الله يرحمو ويوسِّد راسو الجنة ،،، رجالتو مي تامة ... لم يستمر ذاك الغبار أكثر من نهار الغد ، ولم ينتظر عم علي أكثر من أسبوع ليدخل بعمتي ،،، وعاشا سويا بضع سنين ، فقراء ، مع ستر الحال ، أنجبا خلالها ولدين وبنت ... وسرّك في بئر أيها المرحوم ...
|
|
|
|
|
|
|
العنوان |
الكاتب |
Date |
التُّرَابَة التَّكْتَح ما عــــــندو | ودقاسم | 06-01-05, 05:45 AM |
Re: التُّرَابَة التَّكْتَح ما عــــــندو | Hussein Mallasi | 06-01-05, 05:57 AM |
Re: التُّرَابَة التَّكْتَح ما عــــــندو | ابو جهينة | 06-01-05, 06:20 AM |
Re: التُّرَابَة التَّكْتَح ما عــــــندو | ودقاسم | 06-01-05, 07:29 AM |
Re: التُّرَابَة التَّكْتَح ما عــــــندو | ودقاسم | 06-01-05, 06:26 AM |
Re: التُّرَابَة التَّكْتَح ما عــــــندو | jini | 06-03-05, 09:36 AM |
Re: التُّرَابَة التَّكْتَح ما عــــــندو | Tabaldina | 06-01-05, 06:07 AM |
Re: التُّرَابَة التَّكْتَح ما عــــــندو | ودقاسم | 06-01-05, 11:40 AM |
Re: التُّرَابَة التَّكْتَح ما عــــــندو | saadeldin abdelrahman | 06-01-05, 06:09 AM |
Re: التُّرَابَة التَّكْتَح ما عــــــندو | ودقاسم | 06-01-05, 11:58 PM |
Re: التُّرَابَة التَّكْتَح ما عــــــندو | almulaomar | 06-01-05, 06:10 AM |
Re: التُّرَابَة التَّكْتَح ما عــــــندو | Dr. Moiz Bakhiet | 06-01-05, 08:47 AM |
Re: التُّرَابَة التَّكْتَح ما عــــــندو | ودقاسم | 12-11-05, 01:31 AM |
Re: التُّرَابَة التَّكْتَح ما عــــــندو | ودقاسم | 06-02-05, 00:27 AM |
Re: التُّرَابَة التَّكْتَح ما عــــــندو | صديق الموج | 06-01-05, 05:11 PM |
Re: التُّرَابَة التَّكْتَح ما عــــــندو | سجيمان | 06-02-05, 00:09 AM |
Re: التُّرَابَة التَّكْتَح ما عــــــندو | ودقاسم | 06-02-05, 09:33 AM |
Re: التُّرَابَة التَّكْتَح ما عــــــندو | ودقاسم | 06-02-05, 01:03 AM |
Re: التُّرَابَة التَّكْتَح ما عــــــندو | waleedi399 | 06-02-05, 00:34 AM |
Re: التُّرَابَة التَّكْتَح ما عــــــندو | ودقاسم | 06-02-05, 09:55 AM |
Re: التُّرَابَة التَّكْتَح ما عــــــندو | المعتمد | 06-02-05, 03:18 AM |
Re: التُّرَابَة التَّكْتَح ما عــــــندو | ودقاسم | 06-02-05, 01:49 PM |
Re: التُّرَابَة التَّكْتَح ما عــــــندو | مريم بنت الحسين | 06-02-05, 02:31 PM |
Re: التُّرَابَة التَّكْتَح ما عــــــندو | ودقاسم | 06-03-05, 04:13 AM |
Re: التُّرَابَة التَّكْتَح ما عــــــندو | Adil Osman | 06-02-05, 02:43 PM |
Re: التُّرَابَة التَّكْتَح ما عــــــندو | ودقاسم | 06-04-05, 00:22 AM |
Re: التُّرَابَة التَّكْتَح ما عــــــندو | صديق الموج | 06-02-05, 04:08 PM |
Re: التُّرَابَة التَّكْتَح ما عــــــندو | مريم بنت الحسين | 06-03-05, 04:46 AM |
Re: التُّرَابَة التَّكْتَح ما عــــــندو | Osman M Salih | 06-03-05, 07:51 AM |
Re: التُّرَابَة التَّكْتَح ما عــــــندو | jini | 06-03-05, 08:18 AM |
Re: التُّرَابَة التَّكْتَح ما عــــــندو | Osman M Salih | 06-03-05, 08:24 AM |
Re: التُّرَابَة التَّكْتَح ما عــــــندو | Osman M Salih | 06-03-05, 08:26 AM |
Re: التُّرَابَة التَّكْتَح ما عــــــندو | munswor almophtah | 06-03-05, 10:06 AM |
Re: التُّرَابَة التَّكْتَح ما عــــــندو | ودقاسم | 06-04-05, 03:43 AM |
Re: التُّرَابَة التَّكْتَح ما عــــــندو | ودقاسم | 06-04-05, 01:25 AM |
Re: التُّرَابَة التَّكْتَح ما عــــــندو | مريم بنت الحسين | 06-04-05, 01:33 AM |
Re: التُّرَابَة التَّكْتَح ما عــــــندو | waleedi399 | 06-04-05, 03:35 AM |
Re: التُّرَابَة التَّكْتَح ما عــــــندو | ودقاسم | 06-04-05, 07:31 AM |
Re: التُّرَابَة التَّكْتَح ما عــــــندو | ودقاسم | 06-04-05, 05:53 AM |
Re: التُّرَابَة التَّكْتَح ما عــــــندو | مريم بنت الحسين | 06-04-05, 04:01 AM |
Re: التُّرَابَة التَّكْتَح ما عــــــندو | Osman M Salih | 06-04-05, 06:15 AM |
Re: التُّرَابَة التَّكْتَح ما عــــــندو | jini | 06-04-05, 11:09 AM |
Re: التُّرَابَة التَّكْتَح ما عــــــندو | ودقاسم | 06-05-05, 06:02 AM |
Re: التُّرَابَة التَّكْتَح ما عــــــندو | مريم بنت الحسين | 06-04-05, 04:46 PM |
Re: التُّرَابَة التَّكْتَح ما عــــــندو | ودقاسم | 06-07-05, 00:24 AM |
Re: التُّرَابَة التَّكْتَح ما عــــــندو | Al-Shaygi | 06-05-05, 02:53 AM |
Re: التُّرَابَة التَّكْتَح ما عــــــندو | ودقاسم | 12-11-05, 07:37 AM |
Re: التُّرَابَة التَّكْتَح ما عــــــندو | waleedi399 | 06-06-05, 10:24 AM |
|
|
|