|
|
 Re: انتخابات مبكرة (Re: زول ساكت)
|
الأخ زول ساكت
ما هو شوف وزي ما إنت عارف إنو الكيزان ديل كلهم بتاعين مصالح شعبي على وطني.
اختلفوا في توزيع المغانم وانقسموا.
ناس الشعبي ديل طبعا باروا الترابي باعتبار إنو هو ياهو المعلم الكبير وعارفنو ما بيخلي السلطة ولو بعد حين( لكن
الظاهر عليهم دقسوا في الحتة دي) وعارفين القروش كلها برا باسم الترابي وخليفة مكاوي . ولمن شافوا الموضوع ماشي
قاموا لحركات الشفع دي وولعوها كمان في الغرب.
تخريمة (والله الكلمة دي عاجباتي جنس عجب)
"أمبارح شفت يس عمر الإمام مع بابكر حنين في برنامج كلام سوداني. والله تضحك لمن تامن ذاتو
الجماعة الكانوا دايرنها جاهزة وعارفين العساكر هم الأقوى قاموا مشوا مع البشير باعتبار إنو دا ياهو المضمون
(التوجه الحضاري والإسلام والحاجات دي ملحوقات بعدين، فالمهم الكرسي).
أها جماعة البشير ديل طبعا كتار لدرجةإنو أسي الماصب ذاتا بكترتها دي ما مكفياهم (وزير دولة، وزير مفوض، مساعد
رئيس جمهورية، مستشار رئيس جمهورية، مساعد حلة، مساعد ياي، وزير سياحة. إتخيل وزارة سياحة في بلد ما فيها لا موية
لا كهربا وطيارة واحدة لافة زي كلب الحر).
فالجماعة ديل بعد توقيع اتفاق السلام حتقوم المناصب تقل حتى الترضيات اللي كانت تتم بالرشاوي ماحيكون ما في ليها طريقة في السودان الجديد(يعني مع الشفافية (بلغة المثقفاتية) اللي حتكون موجودة).
طيب الجماعة ديل يمشوا وين بعد ما حزب المؤتمر يفكهم عكس الهوا
ما عندهم حل غير إنهم يكونوا حزب جديد وممكن يسموهو المؤتمر اللايص . ويقوموا هم كمان يعافروا يعافروا لمن كان
يلقوا ليهم انقلاب أو اي مصيبة تجبيهم راجعين لكرسي السجم دا.
تخريمة نمرة اتنين
عندي واحد قريبي كان ماعندو السجم مشى الجنوب (مجاهداً) انضرب في يدو. جابوهو السلاح الطبي. لمن يجوا أهلنا يشوفوهو يبكي ويحمد الله الذي أنجاهو. هو في بكاهو دا يشوف الكيزان جايين يقوم سريع يمسح دموعو ويهتف ويهلل ويكبر.
المهم زولك أسي مليونير ومتعهد تموين مليون حاجةومسؤول عن التعاونيانت على مستوى العاصمة.
ساوم ناس البشير بعد الانشقاق على منصب والي. فقالوا ليهو ياخي إنت ما الابتدائي ما تاميها فكيف تكون والي. قال ليهم
أها مش الشهادة دي بجيبا ليكم.
الآن يدرس بالجامعة المفتوحة (مش اسمها كدي)
وعلي اليمين لو اتفاق السلام دا ما اتوقع والزول دا اتخرج إلا نشوف لينا بلد.
تخريمة نمرة تلاتة
أمبارح لمن شفت يس عمر الإمام في التلفزيون اتذكرت نكتة المرحوم كال سينا معاهو
قالوا هم الاتنين قاعدين يلعبوا في الكشتينة قام كمال قال لياسين بالله أسي يا شيخنا إنتو القال ليكم تنقذونا منو؟ ما
كان تخلونا في حالتنا ديك.
قام يس قال ليهو والله لو نحن لو ما جينا وانقذناكم كان جون قرنق جاكم داخل الخرطوم (لاحظ إنو الناس ديل قاموا
بانقلابهم أساسا عشان يقطعوا الطريق على اتفاق الحكومة الديمقراطية مع قرنق. وولعوها حرب قضت على الأخضر واليابس
وكان قربت (بتشديد الراء) تلحق ناس أساسي أمات طه لمن مشوا يجاهدوا. وبعد دا كلو أسي جون قرنق جايي معززاً مكرما)
قام كمال قال ليهو والله بعد الشفناهو منكم دا إذا جون قرنق جانا حنستقبلو بي طلع البدر علينا من ثنيات الوداع.
طبعا الجماعة أسي حيجوني ناطين بعكاكيزهم باعتبار أنني شبهن سيدنا محمد (صلعم) بجون قرنق.
|
|
 
|
|
|
|
|
| العنوان |
الكاتب |
Date |
| انتخابات مبكرة | ودقاسم | 12-20-04, 01:48 AM |
| Re: انتخابات مبكرة | اساسي | 12-20-04, 02:14 AM |
| Re: انتخابات مبكرة | محمد صلاح | 12-20-04, 03:06 AM |
| Re: انتخابات مبكرة | وليد محمد المبارك | 12-20-04, 03:12 AM |
| Re: انتخابات مبكرة | زول ساكت | 12-20-04, 03:44 AM |
| Re: انتخابات مبكرة | ودقاسم | 12-21-04, 05:39 AM |
| Re: انتخابات مبكرة | زول ساكت | 12-22-04, 02:07 AM |
| Re: انتخابات مبكرة | ودقاسم | 12-21-04, 03:49 AM |
| Re: انتخابات مبكرة | ودقاسم | 12-21-04, 05:19 AM |
| Re: انتخابات مبكرة | ودقاسم | 12-20-04, 04:46 AM |
| Re: انتخابات مبكرة | زول ساكت | 12-21-04, 03:23 AM |
| Re: انتخابات مبكرة | shammashi | 12-21-04, 04:17 AM |
| Re: انتخابات مبكرة | زول ساكت | 12-21-04, 05:18 AM |
| Re: انتخابات مبكرة | shammashi | 12-22-04, 01:07 AM |
| Re: انتخابات مبكرة | ودقاسم | 12-22-04, 01:16 AM |
| Re: انتخابات مبكرة | أبو ساندرا | 12-22-04, 01:39 AM |
| Re: انتخابات مبكرة | shammashi | 12-22-04, 01:49 AM |
| Re: انتخابات مبكرة | زول ساكت | 12-27-04, 06:11 AM |
| Re: انتخابات مبكرة | عمران حسن صالح | 12-27-04, 10:45 AM |
| Re: انتخابات مبكرة | ودقاسم | 12-27-04, 11:07 PM |
 Re: انتخابات مبكرة | waleedi399 | 12-27-04, 11:29 AM |
|
| |
فيس بوك
تويتر
انستقرام
يوتيوب
بنتيريست