|
|
 Re: مثبت : استثمر مالك ونميه وانت تتصفح البورد (Re: HOPEFUL)
|
شلام هوبفل
اولا اذا فعلا انت بتدير حساب بي مليون واكثر، لا املك الا ان احني هامتي، تقدير وعرفا لي امكانيات كهذه، لانو حتي بي مقياس امريكا ده شئ كبير، ولو انو معرفتك النظرية بالمجال، حسب ما منشور هنا، لاتؤهلك للحصول علي الرخص المطلوبة في امريكا.
لانك لو بتدير الحساب بي صورة كاملة، فده بقع في خانة Money Manager اكثر من Brokerاللي فقط بنفذ تعليمات العميل، مقابل عمولة.
لاحظ هنا، معظم الIndependant Traders المامهم بالصنعة دايما اكبر بي كتير من الBroker اللي عايش علي العمولة فقط، او ما ليه دخل بي ربح او خسارة العميل.
لانو بيقبض اجرو حاف ومقدم. يعني لو سعر الRound Trip $30 مثلا، فهو حيتحصل علي ال30$ بتاعتو بغض النظر عن البحصل لل Order بتاعك، لانو ما مسؤليتوا!
عشان كده، الشركات دي بتبسط المسائل شديد، عشان ما يتحصلو علي اكبر عدد من الزبائن، زيهم او ذي اي كنتين!
كونو العميل راح فيها او حرق حسابو في يوم ولا شهرين، ماقضية، لانو مجرد رقم من مئات الارقام او الافها.
عشان كده، الزول الناقش ببعد بعيد من اي كلام بقولوا الBroker في شكل توصية، لتعارض المصالح ما بين العميل والبروكر الكسبو قايم علي عدد العمليات او ال Ordersبغض النظر عن الربح!
من جانب اخر، ممكن البروكر يكون لاعب التوصية بتاعتو، بالذات في سوق الاسهم، حيث بعض الشركات بتدفع تحت التربيزة للبروكر، عشان ما يسوق اسهم شركة معينة!
للاسباب دي او غيرو، ومع تقدم التكنلوجيا بالذات الانترنت، الناقشين ابتدأو يشاركو في السوق مباشرة ومن دون وسيط عن طريق الكمبيوتر.
لهذا السبب مهنة الوسيط في اتجاها للانغراض في مريكا، لانو الاسعار من 100$ مثلا يوم الايام، للOrder الان نزل لي Cent واحد للسهم، مايعادل فقط 1$ واحد، لل100 سهم، الكانوا بكلفو 100$!!!!!!!
فانت ياعزيزي جمال، كBroker لو ده عنوان وظيفتك، من مصلحتك تبسط المسألة شديد، وانا بقول الحقيقة كماهي:
الموضوع ده في غاية الصعوبة، يل تعتبر اصعب مهنة علي الاطلاق، حسب كلام الFloor Traders. ديل هم الMarket Makersالبشتغلو جو ال Exchange منفزين لي ملايين الطلبات البتجي من كل انحاء المعمورة، سوي من بروكرز ولا افراد ولا مؤسسات عملاقة.
اي وقت انا ولا انت من ناس قريعتي راحت، يبيع ولا يشتري، بكون لاعب راس مع عمالقة وعباقرة ذي ديل، لانو مكسبك "نظريا" خسارة ليهم، وخسارتك، مكسب ليهم!
كده حتعرف ليه 9 من 10 بخسرو، وبالذات في سوق العملة، او الFuture Market بصفة عامة!
هو اصلا السوق ده كان اسمو Commudity Market ولانو اشتهر بي خطورتو الماحقة، غيروا اسمو لي Future Market!
لو عايز تعرف الكلام ده، كده قول لي امريكي "متعلم" انا بتاجر في الCommudities Market او شوف رد فعلوا كيف!
عشان كده بنقول سوق الاسهم اقل خطورة، بشهادة ملايين الناس، داخل امريكا وحدها، البستثمروا فيه!
لاحظ انا قلت بستثمروا او ما قلت بتاجرو.
فرق السما من الارض بين الاتنين!
المستثمر عادة بفتش لي شركة تمتاز باشياء معينة ليشتري اسهم فيها وينتظر اقلاهو سنة، قبل ما يبيع اسهمو، او طبعا الشركة كمساهم حتدفع ليه نسبة من الارباح السنوية!
اما المتاجر او ال Trader فدا زول بخش او بطلع في فترة زمنية تتراوح مابين ثواني فقط "اقل من دقيقة" لي شهر كحد اقصي!
لكل فترة زمنية اسم محدد بيطلق علي ذلك النوع من الممارسة كالاتي:
* Day Trader
من ثواني كحد ادني لي يوم كحد اقصي.
السواد الاعظم بيشتري ويبيع نفس اليوم.
ده اصعب واخطر انواع اساليب التجارة، بعد تكرار حوادث الانتحار، الجهات الرسمية ادخلت ووضعت قوانين صارمة بالذات في سوق الاسهم.
مؤهلات الناجحين في المجال ده، اقرب لي مؤهلات ال Floor Traders البجيبوهم في تلفزيونات العالم عند افتتاح البورصة، ذي New York Stock Exchange.
الحد الادني عشان ما تكون Day Trader في سوق الاسهم 25,000.00$. لاحظ في الفيوتشر ماركت البشمل العملة، مافي متطلبات ذي دي، ليه؟
لانو الغالبية العظمي من سواد الناس، بشارك في سوق الاسهم، ولذلك في تشديد لحمايتهم، بينما العملة غالبية المشاركين مؤسسات وبنوك بل حكومات بي حالها..
نواصل الانواع الاخري..قريب.
|
|
 
|
|
|
|
|
| العنوان |
الكاتب |
Date |
 مثبت : استثمر مالك ونميه وانت تتصفح البورد | HOPEFUL | 05-12-04, 01:56 PM |
| Re: مثبت : استثمر مالك ونميه وانت تتصفح البورد | HOPEFUL | 05-12-04, 02:00 PM |
| Re: مثبت : استثمر مالك ونميه وانت تتصفح البورد | HOPEFUL | 05-12-04, 02:15 PM |
| Re: مثبت : استثمر مالك ونميه وانت تتصفح البورد | HOPEFUL | 05-12-04, 02:30 PM |
 Re: مثبت : استثمر مالك ونميه وانت تتصفح البورد | Rawia | 05-12-04, 03:17 PM |
| Re: مثبت : استثمر مالك ونميه وانت تتصفح البورد | HOPEFUL | 05-12-04, 06:00 PM |
| Re: مثبت : استثمر مالك ونميه وانت تتصفح البورد | HOPEFUL | 05-13-04, 00:53 AM |
| Re: مثبت : استثمر مالك ونميه وانت تتصفح البورد | HOPEFUL | 05-13-04, 01:17 AM |
 Re: مثبت : استثمر مالك ونميه وانت تتصفح البورد | ASAAD IBRAHIM | 05-13-04, 02:03 AM |
| Re: مثبت : استثمر مالك ونميه وانت تتصفح البورد | مريم بنت الحسين | 05-13-04, 01:08 AM |
| Re: مثبت : استثمر مالك ونميه وانت تتصفح البورد | Ahmed Alrayah | 05-13-04, 01:24 AM |
| Re: مثبت : استثمر مالك ونميه وانت تتصفح البورد | HOPEFUL | 05-13-04, 01:41 AM |
| Re: مثبت : استثمر مالك ونميه وانت تتصفح البورد | HOPEFUL | 05-13-04, 01:28 AM |
| Re: مثبت : استثمر مالك ونميه وانت تتصفح البورد | HOPEFUL | 05-13-04, 02:35 AM |
| Re: مثبت : استثمر مالك ونميه وانت تتصفح البورد | WaD OmI | 05-13-04, 05:02 AM |
| Re: مثبت : استثمر مالك ونميه وانت تتصفح البورد | HOPEFUL | 05-13-04, 08:45 AM |
| Re: مثبت : استثمر مالك ونميه وانت تتصفح البورد | HOPEFUL | 05-13-04, 09:04 AM |
| Re: مثبت : استثمر مالك ونميه وانت تتصفح البورد | HOPEFUL | 05-13-04, 02:30 PM |
| Re: مثبت : استثمر مالك ونميه وانت تتصفح البورد | siddieg derar | 05-14-04, 10:20 AM |
| Re: مثبت : استثمر مالك ونميه وانت تتصفح البورد | HOPEFUL | 05-17-04, 02:11 PM |
| Re: مثبت : استثمر مالك ونميه وانت تتصفح البورد | HOPEFUL | 05-17-04, 07:13 PM |
| Re: مثبت : استثمر مالك ونميه وانت تتصفح البورد | محمود الدقم | 05-18-04, 05:29 PM |
| Re: مثبت : استثمر مالك ونميه وانت تتصفح البورد | HOPEFUL | 05-18-04, 07:23 PM |
| Re: مثبت : استثمر مالك ونميه وانت تتصفح البورد | Frankly | 05-19-04, 07:31 PM |
| Re: مثبت : استثمر مالك ونميه وانت تتصفح البورد | HOPEFUL | 05-20-04, 12:21 PM |
| Re: مثبت : استثمر مالك ونميه وانت تتصفح البورد | WaD OmI | 05-21-04, 03:58 AM |
| Re: مثبت : استثمر مالك ونميه وانت تتصفح البورد | HOPEFUL | 05-21-04, 02:14 PM |
| Re: مثبت : استثمر مالك ونميه وانت تتصفح البورد | Bashasha | 05-21-04, 06:52 AM |
| Re: مثبت : استثمر مالك ونميه وانت تتصفح البورد | manubia | 05-21-04, 09:42 AM |
| Re: مثبت : استثمر مالك ونميه وانت تتصفح البورد | صديق الموج | 05-21-04, 10:56 AM |
| Re: مثبت : استثمر مالك ونميه وانت تتصفح البورد | Frankly | 05-21-04, 12:14 PM |
| Re: مثبت : استثمر مالك ونميه وانت تتصفح البورد | HOPEFUL | 05-21-04, 03:29 PM |
| Re: مثبت : استثمر مالك ونميه وانت تتصفح البورد | HOPEFUL | 05-21-04, 03:27 PM |
| Re: مثبت : استثمر مالك ونميه وانت تتصفح البورد | HOPEFUL | 05-21-04, 03:22 PM |
| Re: مثبت : استثمر مالك ونميه وانت تتصفح البورد | HOPEFUL | 05-21-04, 02:59 PM |
| Re: مثبت : استثمر مالك ونميه وانت تتصفح البورد | Bashasha | 05-21-04, 09:56 PM |
| Re: مثبت : استثمر مالك ونميه وانت تتصفح البورد | Shinteer | 05-21-04, 10:05 PM |
| Re: مثبت : استثمر مالك ونميه وانت تتصفح البورد | Bashasha | 05-21-04, 11:57 PM |
| Re: مثبت : استثمر مالك ونميه وانت تتصفح البورد | محمود الدقم | 05-22-04, 05:46 AM |
| Re: مثبت : استثمر مالك ونميه وانت تتصفح البورد | Frankly | 05-22-04, 12:39 PM |
|
| |
Bashasha
فيس بوك
تويتر
انستقرام
يوتيوب
بنتيريست