تبيدي يا امنجي.... ارنب نططططططط....!!!

Quote: يجب ان لايتم التعامل مع وجود افراد من جهاز الامن السوداني (بصفته التي عرفناها عنه والتي اقر بها النظام على لسان مسؤليه) يجب ان لايتم التعامل معهم بتصالح وكأمر واقع زي ما المواطن السوداني بقى يتعامل مع كثير من مظالم نظام المؤتمر الوطني بنوع من الاعتيادية كونها امر واقع. ومالم يتم جرد حساب او على الاقل اعتذارات واضحة لكل الضحايا..فان اي تواطو او دعم لهؤلاء -ولو من قبيل والله كان زميلي في الجامعة- يظل في غير محلة واستهتار بي مشاعر الضحايا التي اقر بهم النظام نفسو.. لا علم لي بمجى صدق الادعاءات في حق المدعو تبيدي ولكن التسليم بانه كادر امني يجعل ذلك بينة ضده وعليه تبرئة نفسه من ذلك.. البينة على من ادعى ليست الانسب في حالة رجال الامن في عهد الانقاذ.. وانما البينة على المدعى عليه الى ان يثبت براءته.. انت في جهاز امن الانقاذ اذا انت مدان الى ان تثبت انك بري من اي ادعاء.. يحكي ان رجلا شاهد جماعة من الناس يركضون في خوف وهلع .. فركض مع الراكضين دون ان يعلم السبب ..وسال اقرب الراكضين اليه: - ياخينا الحاصل شنو ؟؟مالكم جاريين كده؟؟ - في ناس في اخر الشارع بقطعو بيضة من اي زول عندو تلاتة بيضات. الراجل قام وقف وشال نفسو وقال : ياخي انا عندي بيضتين بس مافي داعي اجري.. قام جا زول تاني جاري بي وراهو لكزو في كتفو وقال ليهو: ياخينا اجري جريك ساي الناس ديل بقطعو بعدين بعدو.. اهو دي حركات ناس امن الانقاذ تقبضك بعدين تفتش تبري نفسك لاحقاً.