بعد الصعود الى هاوية الجنون وقبل الموت والرحيل اكتب!!

Quote: ثم اتصلت بها امس السبت, انه يوم اجازه ولكن لا عقلى ولا قلبى استطاعا ان يهجسا, لم استطيع النوم, جاءنى صوتها رهابا, Mama, I need to talk to you نسمة كانت فرحتى, اذن ساتتخلص من جبالها, موعدى معها اليوم ياهدير, دعواتك ان تستوى قامتها وتنهض وتنظر للحياة بامل, كما منحتنى القدرة لاقول الحمد لله, فغيرى يقاسى اكثر

يا الله يا إشراقتنا !!!!
أنا ما قلت ليك ... أحسك في حنايا روحي؟!
أعرف أنك تنوؤين بحمل الكثير،
بس كمان مرات فصل العام عن الخاص ضروري


يا إشراقة عندي ليك كتاب حيرني في حناني إسمو A new Earth
وهي أشبه برحلة روحانية يقودك ليها الكاتب الكبير Ekhart Tolle ..
الكتاب دا حقيقة غيرني وغير حياتي. لأني كنت سريعة التأثر ومغرقة
في الحساسية زيك كدا. الكتاب دا أعادني باك أون تراك (زي ما بقولو)
لازم نقراهو سوا وتدرسيهو لبنياتك ديل لأنهم في حوجة لسند روحاني.
الكتاب بالإنجليزي، من إنبهاري بيهو كنت عايزة أترجمو للعربية
للفايدة العامة، لكن للأسف ما لقيت لي وكت. لو عندك وكت مع
مشغولياتك الكتيرة حاولي أقريهو عشان نناقشو سوا وحا أنزل ليك
رابط عشان تعملي ليهو داون لود. ويا حبذا لو لقيتي نسخة منو
من مكتبة قريبة ليك.


سعيدة بعودتك القوية وسعيدة بردك الوافي اللي طمني عليك
وسعيدة كون أغنية وتني أعجبتك وصديقتك الصغيرة ..
حاولي أسمعيها بصوت عالي من اليوتيوب .. حاجة ما تخلص!
والعجب كان أخدتي ليك معاها تنويحة حااارة كدا
بعدها بتلقي جواك فاااااضي.


طالما هذه الأم الصغيرة أصبحت بين يديك فهي في أيدي
شافية وأمينة .. لك ولها الأمنيات الطيبات ..
وتحاياي الكثيرة لها