|
|
 Re: نوبيو الشمال يرفضون التصرف في أراضٍ حدودية !!! (Re: Hatim Salih)
|
يا حاتم
سلامات
والله تعرف لو عايز تعرف ناس الجبهه ديل عايزين شنو يادوبك حا تتعب!!
شد حيلك وربنا يعينك!! ياخي ديل هم زاتم ما عارفين نفسهم عايزين شنو!!
مسكوا الجنوب حرب موت قالوا والله حانقيف في كيب تاون! لمان القصه ( حرت) قعدوا يغنوا جبنا السلام ورجل السلام والسلام خيار استراتيجي واستثنينا الجنوب من الشريعه ودكتور فرنق حليفنا والتجمع عنده افكار ايجابيه وخلوا شراب الجعه في اسمرا والحوار معاهم بناء، والحكومه تدعوهم للعوده. قبلوا علي دارفور دمروها في تلات سنوات! بعد شويه الجنجويد ديل ما بنعرفهم وما عندنا مانع نحاكمهم، والحركات المسلحه ( ما المتردين الخونه بتاعين اسرائيل) عندها قضيه سياسيه عادله والحكومه جاهزه لمفاوضات ابوجا والرئيس ابوسانجو دعاهم ويقوم بدور ايجابي! وفي وسط كل دا هجموا علي البجه كتلوا كم وعشرين قالوا عايزين يحرقوا بورتسودان وميناء يشائر، وتاني يوم، والله الشرق عنده قضيه والحكومه معترفه بيها وما عندها مانع يكون في منبر منفصل وهاك ياوزارة الماليه خصصي الاموال! ونسوا حكاية مؤتمر البجه العميل الشرط المصاحف في همشكوريب ( ارض القران) وبالمناسبه همشكوريب مازالت تحت سيطرة التجمع والحكومه ولا قاعده تسال منها خالص! مصر ، قاموا عليها فتره وحاولوا يكتلوا حسني مبارك، شالت منهم حلايب، قاموا عملوا معاها الحريات الاربعه ويصدروا ليها في اللحمه باسعار تفضيليه وعايزين يدوها أراضي ارقين ولسع الجيش المصري في حلايب!! امريكا قد دنا عزابها وعلي ان لاقيتها ضرابها وبعد شويه امريكا جنحت للسلم ( فجنحوا لها) وجات شهدت علي الاتفاقيه ومساعيها حميده ودوره ايجابي، مع انه امريكا لا تزال تتحدث عن العقوبات ومايزال السودان علي قائمة الارهاب!!!
والدكتور الترابي شيخهم رامنه ليك في السجن، ومتهم بالمحاولات التخريبيه و ( اثارة الفتنه ضد الدوله وتاجيج الكراهيه) واشعال النعرات العنصريه!!
فاهم حاجه...
يالله خليتك.. .. شد حيلك... وكان عرفت حاجه ادينا خبر!!!
والله سؤالك فعلا صعب!! ترانا زيك واحد واقعين في ( الغلوتيه) العجيبه دي!!
تحياتي
عسكوري
|
|
 
|
|
|
|
|
| العنوان |
الكاتب |
Date |
| نوبيو الشمال يرفضون التصرف في أراضٍ حدودية !!! | Asskouri | 02-15-05, 06:44 PM |
| Re: نوبيو الشمال يرفضون التصرف في أراضٍ حدودية !!! | Hatim Salih | 02-15-05, 06:52 PM |
| Re: نوبيو الشمال يرفضون التصرف في أراضٍ حدودية !!! | Asskouri | 02-15-05, 08:22 PM |
| Re: نوبيو الشمال يرفضون التصرف في أراضٍ حدودية !!! | MASSOUB | 02-15-05, 08:33 PM |
| Re: نوبيو الشمال يرفضون التصرف في أراضٍ حدودية !!! | Asskouri | 02-16-05, 03:38 AM |
| Re: نوبيو الشمال يرفضون التصرف في أراضٍ حدودية !!! | ابو جهينة | 02-16-05, 03:48 AM |
| Re: نوبيو الشمال يرفضون التصرف في أراضٍ حدودية !!! | Asskouri | 02-16-05, 04:22 AM |
| Re: نوبيو الشمال يرفضون التصرف في أراضٍ حدودية !!! | عماد شمت | 02-16-05, 01:44 PM |
| Re: نوبيو الشمال يرفضون التصرف في أراضٍ حدودية !!! | Asskouri | 02-16-05, 03:51 PM |
| Re: نوبيو الشمال يرفضون التصرف في أراضٍ حدودية !!! | Fadel Alhillo | 02-16-05, 04:21 PM |
| Re: نوبيو الشمال يرفضون التصرف في أراضٍ حدودية !!! | Asskouri | 02-18-05, 07:52 AM |
| Re: نوبيو الشمال يرفضون التصرف في أراضٍ حدودية !!! | manubia | 02-18-05, 09:47 AM |
| Re: نوبيو الشمال يرفضون التصرف في أراضٍ حدودية !!! | Asskouri | 02-18-05, 12:04 PM |
| Re: نوبيو الشمال يرفضون التصرف في أراضٍ حدودية !!! | Asskouri | 02-18-05, 12:09 PM |
|
| |
Asskouri
فيس بوك
تويتر
انستقرام
يوتيوب
بنتيريست