|
Re: نمازج من شعراء الدوبيت في بادية الكبابيش//عبيد الطيب (ودالمقدم) (Re: munswor almophtah)
|
تابع حنفي
محمد ود المصايد العطوي الكباشي جاورنا بمنطقة ام سنطة قادما من منطقة الوخايم في اقصي الشمال الغربي حيث حدودنا مع تشاد وكان ود المصايد في السبعين من عمره اعجب بفتاة صاحبة مقهي (محل شاي) ياتي يوميا لتناول كوب شاي حيث يتمتع بمسارقة النظر اليها لانها تشبه خطيبته سابقا كما يقول وقد كان يمتعها بشعره الجميل وكنا شخصي والاخ حنفي نستدرجه ونستضيفه علي فنجان قهوة ليمتعنا بشعره الجميل والحق يقال بالرغم من معرفتي لود المصايد قبل الاخ حنفي حيث كان ياتيني يوميا بالمدرسه الاّ ان الاخ حنفي بشفافيته وشاعريته وجمال روحه استطاع ان يخرج من دواخله درر وجواهر بامتياز( وبالمناسبة كتب حنفي مقال رائع عن هذا الشاعر الجميل بجريدة الوان). الشاهد في الامر في احدي الايام و زات اصيل ونحن نتناول فنجان القهوة بصحبة ود المصايد سأله حنفي قائلا: الدرفونه دي قلت فيها شنو ...دي قلت فيها:
نمرة واحد الفي سوق وقف زابونك
والجيل المدايف كلوُّ قصَّر دونك
عنافية ابو روف الرقيق شنشونك
بيض القوق سنونك والملاقي عيونك
ثم بدأ في سرد قصة الفتاة التي احبها وكان يريد الزواج منها ولكنه في احدي رحلات الجزو المشؤمة كا يقول عندما عاد وجده اهلها زوجوها الي ابن عمها ليقول:
لولا قبيل ما كنت مجانسلك
وقصدي يا ام صوادق من عريسك اقسمك
يا ماسورة ام تاج والنو ر ببق من جسمك
ومن الميم وحرف الكاف معظَّم اسمك
(وكان اسمها مكة)
لو كنت قبيل حضرتك قبال الصفاح والحايط
ما كنت بحجنك آ عنز الدباق ام نايط
نقدم شكوي يا الصورة الملاني زبايط
ونستلم القضية ونبقا فيها عبايط
انا ليش يا ام عروض بضوَّح
وما ساسقت في دربك عملت تنوَّح
ماتفيديني يا بكيرة الحزمهن وروَّح
ما تبقيلي زي مطراً صبيبو شلوَّح
عندما قال ود المصايد المقطع الاخير صبيبو شلوّح صاح حنفي اقيف هني يا ود المصايد وطلب فنجان قهوة اخر وعندما غادرنا السوق وفي طريقنا الي فرقاننا اصبح حنفي يردد وعلي طول الطريق ما تبقيلي زي مطراً صبيبو شلوّح ......ويخاطبني قائلا الشعراء عندهم شياطين عندهم شياطين من الذي اخبر ود المصايد البدوي الامي عن شعر كثير عزة
اني وتهيامي بعزة بعد ما تخليت عن مابنا وتخلَّتِ
لكالمرتجي ظل القمامة كل ماتبوأَ منها للمقيل اطمحلَّتِ
وحنفي كل يوم مسكون بمقطع الصبيبو شلوّح الي ان كتب درر من درر الدوبيت:-
سمحة سماح وناجحه نجـــاح وكتفك من خروسك كان ضراعين صاح
وجهك فى تماتيل القمر وضـــّاح
وصدرك فيهو جوز من أروع التفـــاح
وقادر ربنا الوزّع مقاســـك صـــاح
كفيل الدابو قــــوّاد بى اللجام ما أنلاح
وقالب الفدوه بقرن فى الضمير مرتاح
وضى البسمه كيف برق أم رويق اللاح
ولى عند الفنايد ديسك المـــوّاح
وما خلانى أقعد عطرك الفـــوّاح
إتى متلابة الموارك لى نشل طوطاح
وأمــّاتك بجن من العصر مرواح
ولاّ حميلة البهجع مع البــــّواح
معشوقك فقد عقلو وصبح مـــدّاح
والزاروهو ما طارين عليهن نصـــاح
جودى وحــنّى ما تقوليلو حقك راح
وماتبقيلو زى مطراًالبطين شلواح
من غيبتها لامن ديكى جاتنى صباح
بقــلّب فوق هموم الحــيّرتنى سماح
صيدها لقيتو بى سافل الكريبه مــراح
ســلم من طلقتى وشــــبع كلابى قمــــاح(محمد الطيب حنفي )
شوف ود المصائد قال ما تبقيلي زي مطرا صبيبو شلوَّح وحنفي قال وما جودي وحنِّي ما تقوليلي حقك راح وما تبقيلي زي مطر البطين شلواح والبطين احدي عين الصيف
ما كان فى خيالى جفاكى
حايخلينى يوم من الايام أنساكى
غنيت ليك أنا ويبــــّـس لهاتى غناكى
ناديت ليكى لاكين الغرور أعماكى
صــيّاد النجوم حاكيتو جارى وراكى
والنافر طبيعتو بهبل الشراكى
شديرة الهمبك الشايل صباحى نداكى
عـــز البرده ليه حارمانى منو ضراكى ؟
عطشان جيتا كايس لى موارد ماكى
غشّانى السراب دفــّقـت ريــّى وراكى
وأبيتى وما سقيتى وبرضو ما همــّاكى
أنا إنغشيتا يوم عشقن نجومى سماكى
ويومى القلت ليك يا السمحه بترجاكى
وبشفع لى قدام البلومنى هــواكى
ياريت كان قبيل مرسالى تب ما جاكى
وياريت كان قبيل ريداّ صبانى صباكى
يا الفرهدتى جلــّت قدرتو السواكى
عارف حظى عاكس وتانى ما بلقاكى
وخلاص يا الحلوه ما يهمك غنايا الباكى
وأعتبرينى ذكرى عزيزه فى دنياكى
محمد الطيب حنفي
|
|
|
|
|
|
|
العنوان |
الكاتب |
Date |
نمازج من شعراء الدوبيت في بادية الكبابيش//عبيد الطيب (ودالمقدم) | munswor almophtah | 07-04-12, 00:55 AM |
Re: نمازج من شعراء الدوبيت في بادية الكبابيش//عبيد الطيب (ودالمقدم) | سجيمان | 07-04-12, 06:29 AM |
Re: نمازج من شعراء الدوبيت في بادية الكبابيش//عبيد الطيب (ودالمقدم) | munswor almophtah | 07-04-12, 11:10 AM |
Re: نمازج من شعراء الدوبيت في بادية الكبابيش//عبيد الطيب (ودالمقدم) | حاتم محمود الجاك | 07-04-12, 06:40 AM |
Re: نمازج من شعراء الدوبيت في بادية الكبابيش//عبيد الطيب (ودالمقدم) | محمد امين مبروك | 07-04-12, 11:47 AM |
Re: نمازج من شعراء الدوبيت في بادية الكبابيش//عبيد الطيب (ودالمقدم) | بريمة محمد | 07-04-12, 12:32 PM |
Re: نمازج من شعراء الدوبيت في بادية الكبابيش//عبيد الطيب (ودالمقدم) | محمد امين مبروك | 07-04-12, 05:07 PM |
Re: نمازج من شعراء الدوبيت في بادية الكبابيش//عبيد الطيب (ودالمقدم) | صديق عيسى صالح | 07-04-12, 06:16 PM |
Re: نمازج من شعراء الدوبيت في بادية الكبابيش//عبيد الطيب (ودالمقدم) | munswor almophtah | 07-04-12, 09:24 PM |
Re: نمازج من شعراء الدوبيت في بادية الكبابيش//عبيد الطيب (ودالمقدم) | munswor almophtah | 07-05-12, 11:24 AM |
Re: نمازج من شعراء الدوبيت في بادية الكبابيش//عبيد الطيب (ودالمقدم) | munswor almophtah | 07-06-12, 11:12 PM |
Re: نمازج من شعراء الدوبيت في بادية الكبابيش//عبيد الطيب (ودالمقدم) | munswor almophtah | 07-18-12, 02:59 AM |
Re: نمازج من شعراء الدوبيت في بادية الكبابيش//عبيد الطيب (ودالمقدم) | munswor almophtah | 07-18-12, 05:05 PM |
Re: نمازج من شعراء الدوبيت في بادية الكبابيش//عبيد الطيب (ودالمقدم) | munswor almophtah | 07-19-12, 10:01 PM |
Re: نمازج من شعراء الدوبيت في بادية الكبابيش//عبيد الطيب (ودالمقدم) | munswor almophtah | 07-25-12, 06:40 AM |
Re: نمازج من شعراء الدوبيت في بادية الكبابيش//عبيد الطيب (ودالمقدم) | munswor almophtah | 07-25-12, 10:26 PM |
|
|
|