|
تِلّيشة على قبر الطيب......عبد الرحمن الغالي
|
تِلّيشة على قبر الطيب عبد الرحمن الغالي [email protected] بسم الله الرحمن الرحيم
(1)
شُوْيَم شدَّ قارحو.. تال البعجبو الراوي
من وَشَل القِبيْل.. غاويها شهّل ناوى
شاشتْ نفْسو شاقا.. قُرْب العقاب الضاوي
بشويْش يا الشّبندي.. فُرْقَكْ بحرِّق وشاوي
(2)
نعلَّكْ ما حِرِدْ .. من حال وِلاد التابا
تركوا السَّمْتة بتَّاً.. خمَّدوا التُّقّابة
الليلة ام نفايل.. هانوها قصُّوا رقابا
بعد العز قبيل ..عادْ عِدْمت الورتابة
سِيْد الحق مقمَّح.. جَسَرَنْ عليهو ضِيابة
البلد المِكُوْفِرْ سِيْدا.. مَكْتول عشوقا صبابة
ركُّوها وبِقتْ ..مِتْل التكِنّها غابة
زعلان فُتَّها.. أم حنّتْ عضاك لترابا
(3)
البلد الهَويْتُو.. بِتَعَرِفْ تُمامو وقرضو
ما خلّيت بكان.. شقّيتو طولو وعرْضو
تريان كدَادو ملبّك.. محلان جديب في بعضو
الهاجّي ورا السعية..والزَّاحْ يتيرب أرضو
أحييت التراث... كمّلت ناقص فرضو
(4)
ما وقّفك عتمور..يلمع يراري رهابو
ولاك هيّاب دَغَلْ..صُم الرجال بتهابو
ولا اتلجلحت في صيّاً تزازي ضبابو
جميع ساكن البلد... تعَرِفْ أصِلْ أنسابو
عِلْمَكْ فاض طمح.. غمر البلاد بي تسابو
أدب الشعب جَزَمْ... إيّاكَ فاتح بابو
(5)
البلد المشيتو.. هُويُو وصعيدو وشرقو
في عِز الهجير.. أوكات صَبِيْبُو وبرقو
في الشوك والقشولي.. ما خفت طعنو وحرقو
همَّك أمة واحدة.. ابناها لا ينفرقو
يات مَن كان قبيل.. جاك مفتخر بي عِرقو
قُتْ ليهو القبيل.. افتخرو مِتلك غِرقو
السودان هَضِيْم.. أبقولو سَنَدو ودَرَقو
وفي القول القديم.. الرصاص بِشِتْ غير مِرْقو
السودان دِرِكْ.. ألفوه لا تنسرقو
وزي قول المثل.. البتيخ بقوم في عرقو
(6)
يا المكْ أبْ بنونة.. عاشق المعالي تملّي
يا ذاكر رِقية.. أُختْ المِنْشَنِق مدّلّي
شغَبَة وبت مسيمس.. أوعاك مهيرة تخلّي
بِت عطوة القبيل.. راتبها يوت بتدّلّي
والغبشة البتول.. الماسكة درب الشبلي
سِيَر فاضلات.. النسا أبقيتا سافل وقبلي
(7)
يا صاحب (المسيد).. والخلوة و(الانداية)
حاشاكْ ما شِرِبْ.. شُغْلَكْ عمار ودواية
الغُنا والمديح.. هِيْلَكْ دراية رواية
حُجة مَرْجِعِنْ.. تدْراها شكلاً وآية
(8)
العاقْب النقر.. فوق الحبيب بي طارو
والحردلو جاب.. فوق القنيص مسدارو
وود ضيف الله دوّن.. شيِّقات أخبارو
ود سعد اللبيب.. ساحرات بنات أفكارو
والعبادي أسكر.. بي لذيذ أشعارو
الكاشِف صدح.. سَبَنْ العقول أوتارو
جاب عون الشريف.. قاموسو عالي منارو
والقرشي الأديب.. جلّا المديح وادوارو
ود بدري الفصيح.. شارح المثل للحارو
لا تنسى أبْ سليم.. محيي التراث وآثارو
عبد الله الفهيم.. شرح الكتاب واغوارو
وياتْ مَن أهل الصلاح.. في مسيدو تشلع نارو
والصادق الأمين.. في البقعة فاتح دارو
والمهدي البحر.. غمر التّمود غمّارو
وكلْ سوداني حُرْ.. نفع البلد بي عمارو
يغريك السلام.. ويهديكَ مِن مُشكارو
(9)
يالطيب أخوي.. ذكراكْ دوام في بالنا
ابواتنا القبيل.. لا تحدثم بي حالنا
راجين الكريم.. حنّان عطوف يرْتالنا
نعدِّل مايلا.. والحال عُقُب يصْفالنا
(10)
سلام الحق لكوك.. يغشاك يوت في نعيمو
وبي الكاس الوسيع.. يسقيك من تسنيمو
وبي جاه النبي.. سائلين تكون في ليمو
نَعَمِنَّك عديل.. حبّوب نداك تديمو
عفيف وحصيف هميم.. عِلْمَك منشِّر غيمو
صلاة الحق لكوك.. على النبي وتسليمو
والآل والصحاب.. والحاجّي قاصد ديمو
صلاة الحق لكوك.. على الدليل وحميمو
على الأحيا الشريعة.. وما ترك لقَديمو
وكل مَن قصّ دربو.. طابق قِديمو قِديمو
ينْجابا البلد.. يرجع يندّي هشيمو
عبد الرحمن الغالي
السبت 17 فبراير 2007
--------------------------------------------------------------------------------
|
|
|
|
|
|
|
العنوان |
الكاتب |
Date |
تِلّيشة على قبر الطيب......عبد الرحمن الغالي | munswor almophtah | 02-28-07, 09:09 AM |
Re: تِلّيشة على قبر الطيب......عبد الرحمن الغالي | munswor almophtah | 02-28-07, 02:41 PM |
Re: تِلّيشة على قبر الطيب......عبد الرحمن الغالي | munswor almophtah | 02-28-07, 07:03 PM |
Re: تِلّيشة على قبر الطيب......عبد الرحمن الغالي | Abd Alla Elhabib | 02-28-07, 09:47 PM |
Re: تِلّيشة على قبر الطيب......عبد الرحمن الغالي | ابوعسل السيد احمد | 03-01-07, 00:07 AM |
Re: تِلّيشة على قبر الطيب......عبد الرحمن الغالي | munswor almophtah | 03-01-07, 09:24 AM |
Re: تِلّيشة على قبر الطيب......عبد الرحمن الغالي | munswor almophtah | 03-01-07, 10:15 AM |
Re: تِلّيشة على قبر الطيب......عبد الرحمن الغالي | ابوعسل السيد احمد | 03-01-07, 02:06 PM |
Re: تِلّيشة على قبر الطيب......عبد الرحمن الغالي | munswor almophtah | 03-01-07, 07:20 PM |
Re: تِلّيشة على قبر الطيب......عبد الرحمن الغالي | munswor almophtah | 03-02-07, 09:25 AM |
Re: تِلّيشة على قبر الطيب......عبد الرحمن الغالي | محمد سنى دفع الله | 03-02-07, 09:30 AM |
Re: تِلّيشة على قبر الطيب......عبد الرحمن الغالي | munswor almophtah | 03-02-07, 06:56 PM |
Re: تِلّيشة على قبر الطيب......عبد الرحمن الغالي | Osman Musa | 03-03-07, 02:30 AM |
Re: تِلّيشة على قبر الطيب......عبد الرحمن الغالي | محمد المرتضى حامد | 03-03-07, 03:51 AM |
Re: تِلّيشة على قبر الطيب......عبد الرحمن الغالي | munswor almophtah | 03-03-07, 04:55 AM |
Re: تِلّيشة على قبر الطيب......عبد الرحمن الغالي | Osman Musa | 03-03-07, 05:50 AM |
Re: تِلّيشة على قبر الطيب......عبد الرحمن الغالي | محمد سنى دفع الله | 03-03-07, 08:14 AM |
Re: تِلّيشة على قبر الطيب......عبد الرحمن الغالي | munswor almophtah | 03-03-07, 08:28 AM |
Re: تِلّيشة على قبر الطيب......عبد الرحمن الغالي | munswor almophtah | 03-03-07, 08:13 AM |
Re: تِلّيشة على قبر الطيب......عبد الرحمن الغالي | munswor almophtah | 03-03-07, 06:34 PM |
Re: تِلّيشة على قبر الطيب......عبد الرحمن الغالي | munswor almophtah | 03-04-07, 11:31 PM |
Re: تِلّيشة على قبر الطيب......عبد الرحمن الغالي | munswor almophtah | 03-05-07, 08:39 AM |
Re: تِلّيشة على قبر الطيب......عبد الرحمن الغالي | Mohamed Abdelgaleel | 03-05-07, 02:34 PM |
Re: تِلّيشة على قبر الطيب......عبد الرحمن الغالي | munswor almophtah | 03-05-07, 10:25 PM |
Re: تِلّيشة على قبر الطيب......عبد الرحمن الغالي | munswor almophtah | 03-06-07, 07:21 AM |
Re: تِلّيشة على قبر الطيب......عبد الرحمن الغالي | Osman Musa | 03-06-07, 10:36 PM |
Re: تِلّيشة على قبر الطيب......عبد الرحمن الغالي | عصمت العالم | 03-06-07, 11:32 PM |
Re: تِلّيشة على قبر الطيب......عبد الرحمن الغالي | Osman Musa | 03-07-07, 02:44 PM |
Re: تِلّيشة على قبر الطيب......عبد الرحمن الغالي | munswor almophtah | 03-08-07, 08:02 AM |
Re: تِلّيشة على قبر الطيب......عبد الرحمن الغالي | munswor almophtah | 03-10-07, 10:41 AM |
Re: تِلّيشة على قبر الطيب......عبد الرحمن الغالي | munswor almophtah | 03-29-07, 06:16 AM |
|
|
|