|
|
 عشـــــــان نرجـــــــــــع ...!
|
عشان نرجع نتحكر فى الواطه ونتربع ...
نحسب الفات من الايام نعد اصبع فوق اصبع ...
نخت العشره جمب العشرة نعد نجمع ...
نقول للداير الرجعه صمدنا خلاص وما بنخضع ...
ونقول للتائه مع الدنيا كفايه طمع ... عشان نرجع نخر ساجدين نخر نركع ...
نسبح ديمه فى الرحمن وبى ايدينا نتضرع ...
نتوسد ليلنا صبر نتحزم نضم ايدينا نتشجع ...
بعد نرجع نشوف القمره يوم تطلع .. نجوم ساطعات لقاء عشاق لعب شفع ...
ضفاف النيل والخضره جمال الخالق الابدع ..
حبوبة تحجينا حكاوى السمحه من بلدى تتحلى بالصفات اجمع ...
وعن والدهميم وكريم يقوم باكريه يحش يزرع ...
وود حبوبه ديمه جسورلا يوم خاف ولا اتزعزع ..
وعن فارس دوام حارس لا دبابة لا مدفع ..
وبعد ارجع اكون سواح فى بلدى اشوف الكنت بيه بسمع ...
شرقنا سواكن الشامخه جمال سنكات ومصوع ..
وفى ضفاف القاش اقيف ارتاح وجبال توتيل هناك اروع ..
وسط بلدى جزيرة الخير عطاها وفير لا بتكل ولا بتقنع ..
وفى الخرطوم لقاء النيل زى عاشقين متعانقين من المنبع ..
شمال الفن من مروى منبع التاريخ والمرتع ..
حكاويهم شعر منسوج فى العايش والودع ..
غربنا جمال وراحة بال نطوف ونشوف ونستمتع ..
جنوبنا الحاضر الماضى بى خيراتو جاد ونفع وبعد أرجع اعانق بلدى بى لهفه عين تفرح وعين تدمع ..
عين تفرح وعين تدمع ....
عين تفرح وعين تدمع .....
*أسماء صديق الطيب الجنيد
|
|
 
|
|
|
|
|
| العنوان |
الكاتب |
Date |
| عشـــــــان نرجـــــــــــع ...! | humida | 05-07-04, 11:40 PM |
 Re: عشـــــــان نرجـــــــــــع ...! | zoro | 05-08-04, 00:54 AM |
| Re: عشـــــــان نرجـــــــــــع ...! | humida | 05-08-04, 00:59 AM |
 Re: عشـــــــان نرجـــــــــــع ...! | zoro | 05-08-04, 01:03 AM |
| Re: عشـــــــان نرجـــــــــــع ...! | humida | 05-08-04, 01:09 AM |
| Re: عشـــــــان نرجـــــــــــع ...! | zoro | 05-08-04, 01:31 AM |
 Re: عشـــــــان نرجـــــــــــع ...! | soma | 05-08-04, 09:01 AM |
| Re: عشـــــــان نرجـــــــــــع ...! | الطيب بشير | 05-08-04, 06:53 PM |
| Re: عشـــــــان نرجـــــــــــع ...! | humida | 05-11-04, 08:20 PM |
| Re: عشـــــــان نرجـــــــــــع ...! | humida | 05-11-04, 08:28 PM |
| Re: عشـــــــان نرجـــــــــــع ...! | zoro | 05-11-04, 11:08 PM |
| Re: عشـــــــان نرجـــــــــــع ...! | humida | 05-15-04, 09:20 AM |
|
| |
humida
فيس بوك
تويتر
انستقرام
يوتيوب
بنتيريست