الإضهاد الدينى للمسيحين فى السودان(المكسوت عنه)

Quote: برضو في نصوصهم الدينية عندهم الاخر دا برضو المفروض يقتلوه ممكن تمشي تشوف العهد القديم فيه شنو.. الحروب الصليبية قتلت من المسلمين اعداد مهولة باسم الكنيسة جلبو العبيد الى امريكا.. حيث عاشو كالانعام يبيعوا ويشتروا فيهم

يا دكتورة إنتى جنيتى ولا شنو غيرى و بدلى ياخى .. وأوعك تقومى كدة زى جهلاء المنبر ناس كيمو والما واثق من نفسو داك .. وتجيبى لى الحاجات المكتوبة من العهد القديم ..
الإنجيل بشقيه القديم والجديد ما دين .. ده تاريخ الخليقة بكل أمانة بسوءها وخيرها .. يعنى الأخبار من أدم الى ما بعد السيد المسيح .. نأخذ منها ونخرج بالحكمة ومعرفة سوءات الإنسان فينا مرورآ بكل الأنبياء .. لكن إذا كنتى تريدى أن تعرفى تعاليم المسيحية .. ومن هو السيد المسيح .. فعليك بالعهد الجديد ..

نحن ما الهُبل .. بتاعين خدك الأيمن والأيسر .. وما عارف من كان منكم بخطيئة .. ناس حبو أعداؤكم .. أغفروا للمسيئين إليكم .. عورا مش ؟؟
أهاااا .. عشان كدا بقينا حقيرتى بى بقيرتى .. حتى لما تتشاكلوا فى عقيدتكم فى بعض .. تسبونا نحن ..
والجاب الحروب الصليبية شنو ؟؟ أيام فساد الكنيسة وبطشها حلاكم منهم السييحين نفسهم .. إمكن نسيتى مارتن لوثر وحرب ميرى واليصابات ..

ومنو إستعمر منو !!! بستغرب لما أقرأ التحسر على سقوط الأندلس .. كأنه أخدا زول تانى .. ناس حرروا بلدهم من الإستعمار .. ولا أجيب الوثيقة العمرية ؟؟

ونرجع لموضوع البوست .. الجاب ناس أتبرا والمسالمة والقولد الزمان شنو ؟؟؟ بقول ليكى البشير ياخ .. قبلو المأفون نميرى والمائع الترابى وشوية الصعاليق الصحو الصباح قبال الناس وركبونا كلنا حمير ..

أفو يا بت مورا ..


يا بحر ياخ هم إضطهدونا برانا ياخ .. هم المسلمين سلموا منهم؟

لكن أرجع وأوافقك بإنو فى إضطهاد سافر .. بعد ما كان مغطى ..

وعن المسيحيين برضوا ما بقدر أغالطك .. فعلآ هم إتعلموا إنهم يعيشوا مواطنين درجة تانية .. وقبلوا بالنبز والإهانة فى الجامع والتلفزيون والراديو لامن بقى فى وشهم ومواطنتهم بقت نمرة دشليون ..
لكن يا بحر نحن ما قبيلة تحارب على حقوقا .. نحن سودانية وبس .. وبعدين البسب الدين بسب نفسو ويشيل شيلتوا قدام سيد الدين ..

الحقوق المدنية .......... الله فى ساكت ..

بس أتمنى ما تختنا شريحة .. نحن كيان .. والإضهاد عبادة يأتى بعده النصر .. والنصر نخت يدنا فى يد بعض .. زى يدك البيضاء دى ..

كتر خيرك ..

(عدل بواسطة رأفت ميلاد on 06-23-2008, 09:38 PM)