يا مزمل كدا بلاي روووق .. دجاج شنو وعنبلوق منو ..؟

Quote: ما عارف الباقين بطردوا الجداد اللافي ساي كيف ..؟

حاووو حش).
غايتو بتدخلو نفسكم في حتات بايخه خلاص ..
المسكين طلحـة .. قلت لي اخير تجيب جدادك قبال ما الشباب يمعطو ليك ريشك هنا..
اقعدوا تابعو لي مزمل دا .. كان ما طرتووو .. فرررر انا ما تمبس ..
وما لحمام ميت بطيران
المهـم:
تحضرني جلكسة لطيفة جدا للاستاذ محمد سليمان .. بتاع (*دربوكه دبنقا) وهو (اسخـر) من يمشي على الأرض .. يمتعني دائما في تجلياته ..
في برنامجه التلفزيوني بتاع المسابقات .. استضاف طلبة احدى الجامعات وبدا في طرح الاسئلة .. كان من ضمن الاسئلة .. سؤال عن كيف انو (الجدادة) (بتبيض) في اليوم مرتين (ودي انا لحدي الآن ما متأكد منها)
المهم:
الناس دي كلها لتت وعجنت في الموضوع .. قام واحد شليق جدا زي مزمل دا رافع يديو فوووق ..
اقول ليك حاجة:
رافع يدينو الاتنين عديل كدا .. طبعا بفهم انو ناقش الحركة دي .. وكاتل (الجدادة) وخامي بيضه .. قام قال ليهو محمد سليمان:
اهـا يا خونا تعال ورينا.. قام الزول دا يلف ويدور يطلع ويمرق في حته واحده .. أول مرة اشوف محمد سليمان ضغطو يترفع بالجد كدا .. ومستمر صاحبنا في التنظير .. ومحمد سليمان يتلفت شمال ويمين .. ومستمر صاحبنا آخـر حاجة محمد سليمان حسم الأمر ,, بسخريتو طبعا .. قال ليهو..
يا ولدي امشي اقعد مكانك
وطبعا صاري ليهو المسالة ودافنه ليهو لليوم (الابيض )..
بعدما قنع محمد سليمان من الاجابات الصحيحة وقبلما يفسر المسالة .. رفعت واحدة من الطالبات يدها .. قام ناداها ..
قامت .. طق . طرق واحد اتنين تلاتة جاوبت النظرية بتاعت (البيض) دي .. بشكل صحيح مية المية ..
صفق ليها محمد سليمان كما لم يصفق من قبل .. على الاقل بردت ليهو بطنو .. ونكاية في (مزمل) القبيل كرهو عيشتو دا ..
قال ليها يا بتي احسنتي .. شيلي ليك صندوقين من التربيزة القدامي دي .. واقيفي قدام المايك دا
واستمر يشكر ويمدح في الزولة دي لمسافة طويلة .. وخالص ما اشار لي (مزمل) القبيل . وما زال دافنه ليهو ..
المهم:
بعدما خلص مدح للزولة دي وقال ليها امشي اقعدي مكانك .. قال يا جماعة والله في ناس الواحد من رفعت ايدو بتعرفو انو ح يجاوب صاح .. وفي ناس الواحد عايز يجي هنا يقيف ويظهر علشان اهلو يشوفوهو في التلفزيون .. اثناء الكلام دا قام قال لي (مزمل) القبيل داك..
مش كدا يا بتـاع (الجداد) .. ـ طبعا انا ضحكت لمن نفسي اتكتم وعملوا لي تنفس صناعي ..

غايتو يا مسكين .. تاني لما تجيب اي كلام لي (مزمل) .. بجي بقول ليك بتاع الجداد ..
الكلام دا قولو لي مزمل ..
اها حسع دي من مسكين صغير بقيت كمان بتاع جداد ..





يا بتاع الجداد