8 مليون جنيه سوداني هي المطلوبة لدخول طلاب دارفور مستشفى خاص!!

Quote: ورب الكعبة ما تاخذيها منـو..؟ إنت الظاهر لي بتودي القروش دي جيبك ... ما تأخذيها منـو ..؟ إنت يعني مفترض تشيلي التمنية مليون دي علشان تفتحي بيها بوتيك واللا الفهم شنـو..؟ الفلوس دي مفترض انها ماشه لي طلاب قليلين الحيلة .. ودي حاجة انسانية مفترض ترفعي يدك منها في الحـال .. لانو الكلام الفارغ البتكتبي فيهو دا عبط منقطع النظير .. ومن اول ما فتحتي البوست دا انا عرفت انو الموضوع دا خلاص ببح .. والزاد الطين عجين .. كمان جاي من خلفك السيد استيف .. تفتكروا بعد اساميكم الاتنين دي . منو البتعاطف مع الشباب ديل ..؟ بعد سيرتكم الزي وشكم دي هنا دا وطول لسانكم وتضييعكم لي مشكلة دارفور من خلق عداوات لي بطولات زائفه لي استعراض نجومية .. لي طول لسان .. تفتكري منو البطلع ليهو فلس علشان يجي يدفعوا ليك هنا البقدر يساهم .. بيساهم .. لكن صدقيني عن طريقك إنت أو محمد الفاتح استيف .. كان اتدفع ليكم قرش احمر تعالوا قابلوني .. تمنية مليون دي صعبة عليكم ؟؟ صعبة على استيف ..؟ صعبة على العاملين فيها مناضلين وبتكلموا بي اسم دارفور وبيشتموا في الناس ديل هنا دا ؟؟ ما عاملين فيه ابطال .. وعاملين فيها دارفور دي حقتكم براكم .. منو فيكم البقدر يدق سدروا هنا دا ويدفع .. رسلي إنت حق الزبيب والبناتي .. والتين والزيتون .. والتانج .. وخلي استيف يتلحلح يرسل التمنية مليون دي .. هي كلها كمها ..؟ فاتحة ليك بوست وبتطولي في لسانك على الناس وبتستعرضي في مهارات الوقاحة العندك على حساب ناس دمها بينزف واطرافه بتتقطع .. وعلشان ما تتفاصحي .. مافي حد ملزم أنو يدفع لي اي حد من حـر مالو .. الاعمال الانسانية دي مسالة تقديرية .. واولاد دارفور ما تفتكري انهم حالة خاصة والقروش العند الناس في جيوبهم ليهم حق فيها .. حسب نظرية استيف .. اطلعي منها علشان البقت فيهو شوية بتاعت ذرة من التعاطف .. يقدر يعمل حاجة .. وبدل ما تفتشي عن بورداب الخرطوم القلتي لبدو .. ليه ما فتشتي عن ربعك الهنا دا .. من زغاوة لي فور .. لي جلابة لي نوبة ؟ وين الشابكانا دا شمالي ودا ما جلابي .. ودا زغاوي .. ودا هندي .. وين بشاشا ..؟ وين الكورجة بتاعت الهتيفه بتاعنك من كرور الواحد فيهم ما قادر يدفع حق البامبرز لي عيالو وما قادر يجي خاشي البيت شايل ليهو بطيخة إن شاء الله بطيخه شتوي .. وجاي يقل ادبو على الناس البتطلع اللقمة من خشمه علشان تقسمه مع غيره .. وين الامريكـان بتاعنك ديل والمتأمركين .. والخاتي ليهو صورة لي جورج بوش والخاتي صورة لي لويس الكم وعشرين ما عارف .. لو في تعاطف .. ح يكون نفس الوجوه ونفس الاسماء الجلابية والجلابيات الكل يوم وكل حادث بتدفع .. وكل عمل خيري بتعمل وبتساهم في الخفاء .. وبتنفق بي يمينه من غير ما تعلم يساره .. خليتو شنو إنتو يا كرور للناس علشان تتعاطف تاني ..؟ حملة دارفور .. مطلعين الناس حرامية ونصابين .. وطولتوا لسانكم مترين .. إنت والتمرجي وابراهيم بقال .. وباقي الوهم المعاكم .. حسع بالواضح .. اي فلس يتدفع تنزلوا لينا الاياصلات حقتو هنا دا .. مش عايزين حساب .. الحساب ولد بعد كدا .. أمـا لو عايزين تشتغلوها بي تحت تحت .. اعملي ليك لسته هنا واكتبيها لينا ورقيمها.. 1/ ....... 2/ ..... إلخ .. وورينا منو في الكرور الهنا ديل قاعد يساهم حتى ولو بي كلمة طيبة .. يمنع بيها (ازية) أو يحسس الآخـر انو الهدف واحد ياتو يوم إنت تحديداً .. وياتو يوم استيف .. وياتو يوم بشاشا .. وياتو يوم أي واحد من الوهم الماليين المكان دا كواريك طلعوا ليهم (سنت) واحد ساعدوا بيهو مريض يا قضوا بيهو حاجة لي محتاج .. أرفع يا بكري البوست دا فوووق .. علشان الناس دي تشوف الفلهمة العوراء وضوء الرتينة في القمرا .. أرفع البوست علشان يجي بشاشا واستيف والاسمو الباقر عثمان داك وصبري الشريف .. إلخ وباقي الكرور الهنا ديل .. ويوم واحد من ايام الله السبعة يبقوا زيهم وزي الناس يقيفوا ليهم موقف بطولي حقيقي .. يللا دي حوبتكم يا ابطــال الديجيتال .. تعالوا. لانو الجلابة بتاعين الخرطوم ديل .. وجلابة المنبر شايفم ما شغالين بالنداء الانساني دا .. لانو فعلا جلابة ما عندهم اصل غير انهم يكتلوا الناس بطيرات الانتينوف ويستعبدوا الناس ما بيعرفوا حاجة تاني .. تحذير لي اي وهم: الدنيا صباح .. لسه ما صبحت كويس زاتو