|
Re: امسكوا الخشب !! (Re: عبدالكريم الامين احمد)
|
يا سلام عليك يا عصام جبر الله و الله كيفتني كيف..ربنا يسعدك ويخلينا نفرح بالقايدات اليزك تنا لمكانها الطبيعي في بلادنا المشردة الكلفآت وقاعد يحكموها الطراطير:
Quote: يا م.ح.ج. و تابعه ملاسي مافي مزاج كتابة او نقاش , زول صاحبي لفت انتباهى للبوست ده وانو اسمى وارد فيهو.
قلنا ليكم الون/تو بتاعتكم بقت بايخة من كترت ما كررتوها, نوعو شوية.
نجيكم من الاخر عشان ننتهى من قصة كل يوم ناطى امسكو الخشب واسقو الشجر و فرشو الملايات, والكلام الجاى ده ما موقفي انا براى, ده موقف الاف من السودانيين والسودانيات, جوه وبره السودان.
1- يخش معاكم حزب الامة, الشيوعى او غيرهم, تشترو قيادات من هنا او هناك , وراق او نقد يبقو مؤتمر وطنى او بوب مارلى يقوم من قبرو ويغنى "اقسمت يا نفسي لتنزلن" او مايكل مور يخرج ليكم ساحات الفداء او رونالدينو يمسك ليكم اتحاد الكورة بدل شداد او ...او ...او ...او زى ما خيالكم و قروشكم و خبثكم و عفنكم واساليب المافيا حقتكم تسمح ليكم بافساد او اغراء او شراء او توريط او تخويف او ارهاب الناس ... ده ما بغير في الحقيقة البسيطة والواضحة والغائرة جوة تلافيف روحكم: انو في اغلبية من الناس رافضاكم , انو في ناس كتيرة لا تقبل بادنى حد من التعامل او الصلة او الارتباط بيكم, الناس دى ممتده و منتشرة في كل الاحزاب الموجودة (موش احزابكم الهوم ميد) و سبب رئيسي لبقاء عدد مقدر منهم في احزابهم دى هو تعطيل او ابطال او مقاومة محاولاتكم المستمرةو المستميتة والمتعددةالوسائل والاساليب للاحتواء الكامل والشامل للقوى السياسية والاجتماعية.
2- الهدف النهائي لمخطط "اعادة صياغة المجتمع والانسان السودانى" تدجين الناس - افراد ومجموعات - , كسر الاحساس بالكرامة والانسانية قتل اي روح للمقاومة والتغيير و اى نفاج امل و حلم. 3- للسبب ده بتزعجكم حتى ابسط اشكال التعبير البتحمل القيم دى، وبتحاولو تكسروها و تخربشوها بي نوع "امسكوا الخشب" دى .
4- عملية حركة العدل و المساواة الاخيرة الناس مختلفة حولها ـ الناس موش الانقاذ و كرورها ومختلفين حتى حول الموقف من الحركة نفسهاـ و ده شئ عادى ـ يا تمبس و جنى و غيره ـ لكن اهم واقيم حاجة افرزتها العملية دى مرمطة انفكم في التراب، انكم فزاعة كبيرة ، بو و جبناء رغم السلطة والاجهزة العلنية و "السرية". يا م.ح.ج. سالتك مرة منو الرساليين الاتخارجو يتدسو في البيوت الامنة من اول طلقة، ومنو الرسالى البحنس في المطار اى طيارة و لو يدفع مليون دولار؟ اها خليل ـ لو قاصد او ما قاصد ـ طلعكم قاعدين ام فكوووو .... الجايات واقعات، والجايين بينجضوا شغلهم احسن، والجايين ما بخشوا بي عربات علنا، لأ بلقطوكم واحد ورا تانى، قنص بي رواقة و صبر .. بانق ..بانق ، لا فيها مدنيين لا مرتزقة لا روس. الصبر كويس واتذكر كلامى ده.
5- بعدين انت من زمن بنتخلع لانو فلان او علان "قلب", من زمن الهادى بشري و مجموعتو باعو القصة ديك بقت الثقة الا في روحك و زولك الجربتو في حارة حقيقية، اكتر من كده زى ما قال متوكل توم بيثق في تلاتة ما بتغيروا تانى من مبادئهم: محمود محمد طه و عبدالخالق محجوب و مصطفي سيداحمد ( مثال لا الحصر).
6- اها المرحلة الجاية صعبة و مصيرية، لينا و ليكم، انحنا ما عندنا حاجة نخسرا اكتر من كده، البلد وانتو رقدتوها سلطة وبتبيعوا فيها بالقطاعى و علنا، انتو عندكم التخسروهو: السلطة و الثروة، رغم انو بيع الهلع الاخير و شراء البيوت المتعجل اخيرا و التحويلات الضخمة لي بره بتورى انو الخوفة دخلت العضم.
7- السلطة والثروة او العصا والجزرة اى واحدة فيهم ممكن تكسر ناس كتيرة و تخليها تنبرش، الاتنين مع بعض خطرات وانتو شغالين بيهم ما بطال ممشين حالكم، اها حتعملو شنو في الباقين العندهم مناعة ساااااكت كده من الله ضد الاتنين؟ وممكن ينقلو العدوى للباقين؟
8- انت زول مدرب يا م.ح.ج. و الجبهة من زمان انتقت كوادرها للحتات المناسبة ليها و دربتا كويس جدا لمهامها. احسن نلعب بالمفتوح الكلام الوهم داك قولو للطير خلي يفرحو بيهو و يشكروك على اخلاقك العالية و كاك واك. البقولو ليك: شغلك كويس والطشاش في بلد العمى شوف.
9- قصة الامن: كونك موظف في الامن دى تتحاجج فيها مع الفاضي للموضوع ده، المهم: مركزك "المستقل" ده والبتمولو بالاعلانات و من مرتبك و من تبرعات فاعلى الخير ده مركز تابع للامن والاستخبارات مباشرة، قالوها ليك اخوانك ناس المؤتمر الشعبي (الدافننها معاكم) في ندوة و/او مؤتمر صحفي علنى ... و لم تقاضيهم او تشتكى، نقطة سطر جديد. الاهم: اى عضو في تنظيم الجبهة الاسلامية زمان قبل السلطة كان مصدر للمعلومات للتنظيم. بعد الانقلاب صار التنظيم والسلطة حاجة واحدة. اى عضو في التنظيم هو مصدر لاجهزة امن السلطة، صحيح هناك من ده شغلو و وظيفتو، لكن لو م.ح.ج. "الما في الامن" لقا معلومة عن "برعى" المسكين ده لكنها مهمة حيوصلا للاجهزة: التنظيم/السلطة، ده غير انو استنتاج و فهم لى طريقة شغلكم (عبدالغفار الشريف كان مسئول الامن والمعلومات في زمنا وحينها كان الامين العام محمد عثمان حبيب الله و لو مغالط اسال ناصر احمد المصطفي و لو مسحتو لي شنبي بوريكم مصدر المعلومات) غير ده تجارب حقيقية لكيزان بلغو في اقرب الاقربين لهم و ادخلوهم بيوت الاشباح بكل ما فيها من تعذيب بشع. بالنسبة لى كوز منظم = التنظيم/السلطة/الامن. العاوز يبارى الوهمات على كيفو.
10- ملاسي شايف مصادرو مباشرة معاك او منك، بس قول ليهو يبطل العجلة ... فيها الندامة. يا تراجى ملاسي ما عندو حاجة مع او ضد خالد عويس او عصام جبرالله او غيرهم، ملاسي ما برتاح يشوف زول ما مجلبط زيو كده، ملاسي بحب كل الناس تتجلبط و تتمردغ تتردق، يعنى نوع من "العدل والمساواة" ممكن نقول. زى ما في علم النفس والامراض العصبية في اختلالات في الشخصية زى السادية والماسوشية، ناس بيكونو في احسن حالاتهم لما ياذوا او يتاذو او الاتنين، يضربو او ينضربو او الاتنين. ملاسي بيكون في احسن حالاتو لما يكون بيسوي في سواتو دى، بيكيف عديييييل كده وبتحس بالنشوة ناطة بين سطورو .... قسمة الله ما بناباها.
مبروك عليكم كل الصيد الحالى والقادم.... الى اجل و حين ..
بانق بانق
بره الموضوع :شكرا لمساعدتكم في تفريغ كثير من الغضب والحزن هنا |
لكه كلام زي اللوز...شفته يا جمعه يطبع معاكم كل التحف الاسمهم سياسين ما مهم حواء السودانيه والدة و الغالبيه عارفة محنكم.
الا ما قلت لي احصتكم وصلت لوين؟؟؟؟ قال انتخابات تجيبكم قال!! وحياتك حلم الجعان عيشة.
|
|
|
|
|
|
|
العنوان |
الكاتب |
Date |
امسكوا الخشب !! | محمد حامد جمعه | 05-28-08, 04:22 PM |
Re: امسكوا الخشب !! | Hussein Mallasi | 05-28-08, 04:32 PM |
Re: امسكوا الخشب !! | محمد حامد جمعه | 05-28-08, 04:36 PM |
Re: امسكوا الخشب !! | اساسي | 05-28-08, 04:38 PM |
Re: امسكوا الخشب !! | Tragie Mustafa | 05-28-08, 04:53 PM |
Re: امسكوا الخشب !! | مؤيد شريف | 05-28-08, 06:25 PM |
Re: امسكوا الخشب !! | محمد حامد جمعه | 05-29-08, 08:32 AM |
Re: امسكوا الخشب !! | خدر | 05-28-08, 06:31 PM |
Re: امسكوا الخشب !! | محمد حامد جمعه | 05-28-08, 08:08 PM |
Re: امسكوا الخشب !! | خدر | 05-28-08, 08:43 PM |
Re: امسكوا الخشب !! | محمد حامد جمعه | 05-28-08, 08:53 PM |
Re: امسكوا الخشب !! | خدر | 05-28-08, 09:24 PM |
Re: امسكوا الخشب !! | محمد حامد جمعه | 05-29-08, 08:48 AM |
Re: امسكوا الخشب !! | خدر | 05-29-08, 09:41 AM |
Re: امسكوا الخشب !! | محمد حامد جمعه | 05-29-08, 09:44 AM |
Re: امسكوا الخشب !! | فيصل نوبي | 05-28-08, 06:28 PM |
Re: امسكوا الخشب !! | Marouf Sanad | 05-28-08, 09:06 PM |
Re: امسكوا الخشب !! | BADRELDIN MAHMOUD | 05-28-08, 09:37 PM |
Re: امسكوا الخشب !! | esam gabralla | 05-28-08, 11:01 PM |
Re: امسكوا الخشب !! | Hussein Mallasi | 05-29-08, 07:26 AM |
Re: امسكوا الخشب !! | محمد حامد جمعه | 05-29-08, 10:32 AM |
Re: امسكوا الخشب !! | محمد حامد جمعه | 05-29-08, 10:36 AM |
Re: امسكوا الخشب !! | نادر | 05-29-08, 10:11 AM |
Re: امسكوا الخشب !! | Hussein Mallasi | 05-29-08, 10:26 AM |
Re: امسكوا الخشب !! | مجاهد عبدالله | 05-29-08, 10:12 AM |
Re: امسكوا الخشب !! | محمد حامد جمعه | 05-29-08, 10:40 AM |
Re: امسكوا الخشب !! | نصر الدين عثمان | 05-29-08, 10:42 AM |
Re: امسكوا الخشب !! | نادر | 05-29-08, 10:43 AM |
Re: امسكوا الخشب !! | المسافر | 05-29-08, 11:21 AM |
Re: امسكوا الخشب !! | نصر الدين عثمان | 05-29-08, 12:18 PM |
Re: امسكوا الخشب !! | محمد البشرى الخضر | 05-29-08, 12:39 PM |
Re: امسكوا الخشب !! | فيصل نوبي | 05-29-08, 12:48 PM |
Re: امسكوا الخشب !! | NGABY AJOOZ | 05-29-08, 12:59 PM |
Re: امسكوا الخشب !! | esam gabralla | 05-30-08, 11:02 AM |
Re: امسكوا الخشب !! | عبدالكريم الامين احمد | 05-30-08, 11:17 AM |
Re: امسكوا الخشب !! | Tragie Mustafa | 05-30-08, 04:20 PM |
Re: امسكوا الخشب !! | esam gabralla | 05-31-08, 09:36 AM |
Re: امسكوا الخشب !! | مجاهد عبدالله | 05-31-08, 10:01 AM |
Re: امسكوا الخشب !! | Emad Abdulla | 05-31-08, 10:53 AM |
Re: امسكوا الخشب !! | NGABY AJOOZ | 05-31-08, 03:07 PM |
Re: امسكوا الخشب !! | NGABY AJOOZ | 06-01-08, 11:09 AM |
Re: امسكوا الخشب !! | esam gabralla | 06-02-08, 06:20 AM |
Re: امسكوا الخشب !! | نادر | 06-02-08, 08:22 AM |
Re: امسكوا الخشب !! | محمد حامد جمعه | 06-02-08, 08:27 AM |
Re: امسكوا الخشب !! | مجاهد عبدالله | 06-02-08, 08:31 AM |
Re: امسكوا الخشب !! | NGABY AJOOZ | 06-02-08, 08:32 AM |
Re: امسكوا الخشب !! | A.Razek Althalib | 06-02-08, 09:17 AM |
Re: امسكوا الخشب !! | esam gabralla | 06-02-08, 09:22 AM |
Re: امسكوا الخشب !! | Amjad ibrahim | 06-02-08, 09:56 AM |
Re: امسكوا الخشب !! | محمد حامد جمعه | 06-02-08, 10:02 AM |
Re: امسكوا الخشب !! | NGABY AJOOZ | 06-02-08, 10:06 AM |
Re: امسكوا الخشب !! | NGABY AJOOZ | 06-02-08, 10:09 AM |
Re: امسكوا الخشب !! | محمد حسن العمدة | 06-02-08, 10:35 AM |
Re: امسكوا الخشب !! | محمد حامد جمعه | 06-02-08, 10:40 AM |
Re: امسكوا الخشب !! | A.Razek Althalib | 06-02-08, 11:16 AM |
Re: امسكوا الخشب !! | عبد اللطيف بكري أحمد | 06-02-08, 10:57 AM |
Re: امسكوا الخشب !! | خدر | 06-02-08, 11:15 AM |
Re: امسكوا الخشب !! | نادر | 06-02-08, 11:37 AM |
Re: امسكوا الخشب !! | A.Razek Althalib | 06-02-08, 12:21 PM |
|
|
|