|
Re: للمعارضين وجود خمسة مليون فلاح مصري (Re: aosman)
|
الاخ هشام دى خطرفة زولة ممكنونة كتبتها قبل سنتين فى جردة الخرطوم تحت عنوان (فياقة حريم ) ولمن لقيت الكلام عن الزراعة قلت النقول راى ولو(بايت ) لكن يبدو انه ما زال (فعال) اها الكلام قصرو ( يعنى ) زى ما بتقول حبوبة حليمة الله يرحما ويوسدا الباردة انحنا ناس ( ساكت )ما فينا فايدة ، قولو لى كيف ؟ ـ الزول وكتين يزرع بحصد ، وزمان واحد سال جون كنيدى لمن كان مترشح للرئاسة فى امريكا قال ليهو عملت لينا شنو ؟ فرد عليهو برضو بسؤال قال ليهو انت عملت شنو لامريكا ؟ دحين يعنى نحنا عملنا شنو للسودان ؟ فى زول سال نفسو السؤال دا ؟ سؤال صعب لكين الاجابة عليهو مفتوحة ، كان قلبك محدثك لمن تموت حتظل تسال السؤال دا المهم فى الكلام انو الزراعة دايرة عفش كتير وبكلام ناس الزراعة ذاتن مدخلات انتاج يعنى ناس تقاوى وتيراب والات زراعة وكلام كتير ، دحين يعنى الواطة عندنا حدادى مدادى حقت الحكومة ،والايد العاملة راقدة لمن غلط ، بعد دا كلو يعنى الحكومة تقوم تقسم الواطة الماعندها حد دى للخريجين من ناس الشهادة حقين كليات الزراعة وتديهم قدر ما تقدر من الحاجات القلناها ناس تقاوى وغيرو ،وما تستنى منهن التكتح اول موسم ، لمن الموسم التانى يهل بعد داك تشيل حقها من الناتج يسددوا العليهن وتعفيهن من خمة الضرايب البتوجع القلب دى ، كده بنكون حفزنا الشباب لانو بقى عندو مصدر دخل واعدنا ليهو الثقة بنفسو وخليناهو فاعل وبنكون قضينا على العطالة ، يعنى لمن الزول حق الاقتصاد يدخل على تجربة زى دى وزول الزراعة وزول التجارة وديل اعداد كبيرة ، يعنى ما افدنا البلد وخلينا الناس تفكر فى المستقبل بدل الزهج والقلق الما عندو آخر الحايم بين الشباب وبنكون قضينا على المجاعة جيهة ما قبلت ، وفى تجارب كتيرة فى الدنيا ممكن نستفيد من خبرات اهلها فى المجال دا ، تجربة الصين ومصر وغيرا وزمان الناس كانت بتزرع وبتحصد لكين الضرايب هى الخلت الناس تعتزل وتجى الخرتوم الما عندها حل لكل الناس لا سمعنا زول جاع ولا زول مات من مسغبه لا فى زول قدم اعانة من الخارج ولا فى زول بشحد من زول من بره ، لكين الضرايب هى السبب وضعف التمويل ونهب ناس البنوك من المزارعين طفش المزارع من واطاتو وخلاهو يبيع الموية فى الشوارع دحين يعنى بلدنا بى خيرا ، وخيرا ما عندو حد ، بس داير العيون تشوفو وتفتح فى دابو يعنى جنس الواطة الما عندها وجيع دى ما حاجة تمغص الزول ؟والسؤال متين بتم الاستثمار فيها ؟ لمن القيامة تقوم ؟ وهسى كان عاينا للناس البدونا الاعانات ديل ما كانوا متلنا فقرانين ، لكين دقوا سدورهن للعمل ونهضوا ، وعندنا مئات بل الاف الخريجين من كليات الزراعة من هنا فى السودان ومن البتعلمو خارج السودان ديل يعنى يحولوا كليات ادبية ولا كيف ؟ ودا غير ناس الاقتصاد والتجارة والهندسة الزراعية ، وناس علم البساتين ، والحكاية ما صعبة ن يعنى شوية دراسات جدوى حنلقى عندنا امل كبير فى الشباب وما فى غيرن ببنى البلد وحات ابو ادريس ياهن صباحو ومساهو ، هسى هن زعلانين وحاسين بعدم جدوى الحياة لانهم ما لاقين شغل اليوم البيبدو فيهو تعالو اسالوهن ، ، لمن نشوف الواطة عمرانة والمزارع شايلة الثمر والناس فى حالة نشوى ، والعيد دخل قلوبهن والحسرة بتموت ، وحتى الموية القبيل قلنا انها مشكلة لمن نبدا العمل الجد بتتحل مشكلتها لاننا حنجيب ناس الخبرة الحيقومو يورونا الوجع وين والكمدة بالرمدة ، وما تنسوا فى ناس قعدوا فى المهاجر دى بس داب البلد قروا واتعلموا الكتير برضو نستفيد من خبراتن ، والماهنا نرسل نجيبو ، والمابجى برسل بالتقنية الحديثة ابحاثو يعنى القصة ما صعبة الا كان دايرين نصعبا على رقبتنا والبلد بتستاهل التعب ، لانو ناس الجيولوجيا عارفين محل الموية وين وكيف حتطلع ومتين بس دايرين التمويل والتمويل عند الحكومة والحكومة التبقى جد مع الناس الناس بتبقى جد معاها ، وبدل ما الخريج مفنوس فى الشارع شايل ليهو مساويك ولا فرش اسنان نرجعو لمحل بجيب المال الجد ، وكان كلامى دا اعوج قولو لى ،ودعتكن الله وانشا الله نتلاقى فى ساعة زراعة وانتاج
|
|
|
|
|
|
|
العنوان |
الكاتب |
Date |
للمعارضين وجود خمسة مليون فلاح مصري | هشام مدنى | 05-27-08, 10:09 PM |
Re: للمعارضين وجود خمسة مليون فلاح مصري | هشام مدنى | 05-27-08, 10:17 PM |
Re: للمعارضين وجود خمسة مليون فلاح مصري | Hatim Salih | 05-27-08, 11:26 PM |
Re: للمعارضين وجود خمسة مليون فلاح مصري | هشام مدنى | 05-28-08, 10:03 AM |
Re: للمعارضين وجود خمسة مليون فلاح مصري | Bashasha | 05-28-08, 00:45 AM |
Re: للمعارضين وجود خمسة مليون فلاح مصري | حسن الجيلى سعيد | 05-28-08, 10:13 AM |
Re: للمعارضين وجود خمسة مليون فلاح مصري | هشام مدنى | 05-28-08, 10:10 PM |
Re: للمعارضين وجود خمسة مليون فلاح مصري | هشام مدنى | 05-28-08, 10:54 AM |
Re: للمعارضين وجود خمسة مليون فلاح مصري | Al-Shaygi | 05-30-08, 07:52 AM |
Re: للمعارضين وجود خمسة مليون فلاح مصري | هشام مدنى | 05-31-08, 10:17 AM |
Re: للمعارضين وجود خمسة مليون فلاح مصري | abookyassarra | 05-28-08, 11:38 AM |
Re: للمعارضين وجود خمسة مليون فلاح مصري | amir jabir | 05-28-08, 10:49 PM |
Re: للمعارضين وجود خمسة مليون فلاح مصري | amir jabir | 05-28-08, 10:57 PM |
Re: للمعارضين وجود خمسة مليون فلاح مصري | amir jabir | 05-28-08, 11:09 PM |
Re: للمعارضين وجود خمسة مليون فلاح مصري | amir jabir | 05-28-08, 11:16 PM |
Re: للمعارضين وجود خمسة مليون فلاح مصري | هشام مدنى | 06-05-08, 06:49 AM |
Re: للمعارضين وجود خمسة مليون فلاح مصري | هشام مدنى | 06-01-08, 07:32 AM |
Re: للمعارضين وجود خمسة مليون فلاح مصري | هشام مدنى | 05-30-08, 06:21 AM |
Re: للمعارضين وجود خمسة مليون فلاح مصري | هشام مدنى | 05-29-08, 08:14 AM |
Re: للمعارضين وجود خمسة مليون فلاح مصري | خالد عبد الله محمود | 05-28-08, 11:33 PM |
Re: للمعارضين وجود خمسة مليون فلاح مصري | adil amin | 05-29-08, 09:30 AM |
Re: للمعارضين وجود خمسة مليون فلاح مصري | هشام مدنى | 06-02-08, 07:57 AM |
Re: للمعارضين وجود خمسة مليون فلاح مصري | هشام مدنى | 05-29-08, 09:31 PM |
Re: للمعارضين وجود خمسة مليون فلاح مصري | aosman | 05-30-08, 08:51 AM |
Re: للمعارضين وجود خمسة مليون فلاح مصري | سلمى الشيخ سلامة | 05-31-08, 12:41 PM |
Re: للمعارضين وجود خمسة مليون فلاح مصري | nabielo | 05-31-08, 12:47 PM |
Re: للمعارضين وجود خمسة مليون فلاح مصري | عصام الجيلي | 06-03-08, 11:03 AM |
|
|
|