سفر الجفا

Quote: شفت معظم انحاء السودان ، وكل اجزاء مصر ، والولايات المتحدة،وكثير من اقطار اوروبا )

والله بختك؛ الله يزيدك من نعيمو ما نسحرك


بسم الله ما شاءالله حصنتك بالذي لا يغفل ولا ينام

ما عندى مانع امشى اى حته
الا السعودية

مالا السعودية ما بلد من بلاد الله؛ وفيها كمان خير خلق الله

وبعدين يا بنتي يمكن تكون قسمتك فيها

ابن بطوطة ما كان بفرّز بين بلاد الله؛

ثمّ أيضاً كذلك

عندها علينا أفضال كتيرة؛ ولينا عليها أفضال كتيرة

والتاريخ بيشهد هجرة الناس ليها؛ وهجرة ناسا علينا

الجسور الجوية ديك؛ ومحفل الكعبة

القسمة ما معروفة وين

ما تختّي حواجز بينّا

أنا لو ما كان عندي بوست اسمو نفسي ألبس عمّة

كنت عملت بوست بي نفسي أمشي أمريكا وألاقي سلمى

مع إني مكجن اليانكي العامل لينا غلبة في كل حتّة

أها إلا دي يمكن أكون عرفت السبب

الحتّات القلتيها ديك كلها بتجدعي جواز سفرك في ركن الدولاب وتحومي زي ما انت دايرة ولا في زول بعتّر

ليك ولا بتتذكري جوازك ذاتو؛ وخصوصاً مصر والله قضيت فيها شهرين من دون ما أتذكر جواز السفر ذاته.

Quote: لانها مابعرف ما دخلت راسى هسى فاضل لى الحج بس امشى كيف ؟ الله اعلم

أها أمشي كيف دي بقى بيت القصيد وماك مجبورة وبي رغبتك إن شاء الله تزوري بيت الله وبيت الرسول

لكن مجبورين

وبالجد اصلا ما تمنيت ازورها من الحكايات البحكوها عنها

أهم حاجة تختّي النية وربنا بسهلها

والله يوفقك وينولك اللّي في مرادك

أها بعد الكلام الكتير دا كله

عندي سؤال محيرني مالك جاياني إيد ورا وإيد قدام وين حكاياتك

عن السفر وين انتاجك الأدبي والموسيقي والمسرحي البوست دا محتاج خبرة السفر الطويلة؛ طبعاً أنا ما

ضد السفر؛ أنا الكاتلني شي واحد اسمو سفر الجفا.

عليك الله أقدلي علينا جاي بي إبداعاتك وابن بطوطياتك وشعرك ونثرك ومسرحياتك.

التوب دا بتقدري تقشر بيه برة زي جوّة عندنا هناك غادي في ربوع سودانّا؛ دا بس سؤال!

سؤال تاني كان قصدتي في أول كلامك البن داير لي تفسير يفهمني.