Quote: إنا لله وإنا إليه راجعون ولا حول ولا قوة إلا بالله ...
المكاشفي...
إبراهيم ده ود الإمتداد مربع 9 وجار عمي صلاح أحمد علي وخالتي كنينة أحمد الزبير...
ما عرفتو لما قولتو إنه ضابط بس - ولطول الزمن والغربة... وكنت فاكر إنو جيش...
ياخي ده كان صاحب عاصم صلاح إبن عمي وخالتي...
إتخرج مع الدفعة الأولي ضباط أمن وكان من المبرزين في دفعته...
آخر مرة شفتو فيها قبل 17 سنة لما إتعطلت عربيتي قدام باب بيتهم وكان هو جاي من شغلو فأصر يوصلني المكتب بعربيتو الجديدة... وكان بيضحك على عربيتي وأنا من الزعل قلت ليهو يا أخوي أنا ما بثق في سواقة ضابط مستجد!!!
تعرف إنو بنفس الضحكة قال ليا أنا أول واحد في الدفعة يباصي إمتحان السواقة في الكلية... أركب أنا عارف إنك مهم ومستعجل وأنا شغال من امبارح. وطبعا ده خوفني أكتر
المهم إنو وصلني بسواقة مهله وطول الطريق كان بيضحك بأدب... ودي كانت آخر مرة أشوف فيها الباسم إبراهيم
والله فقد عظيم لبطل نال أعظم شرف... هنيئا له... والبركة فيكم
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة