6أبريل الإنتفاضه المصريه-قمع أحداث عمال المحله بالصور(بعضها بشع)

Quote: at 4:19pm الوضع حاليا مستقر لكن اعداد الامن كبيرة جدا فى المحلة و سيارات ملاكى قاهرة و جيزة - متفيمة اسود - عمالة تلف فى المحلة و مجلس المدينة بيقول ان التلفيات فى الشارع نتيجة اضطرابات امس - علشان طبعا الميزانية اللى ضاعت من ميزانية الرصف اللى اخدها من شركة الغاز الطبيعى من سنة و نص و باعوا الردم at 4:22pm الاصابات كعدد غير محددة لأن مافيش محاضر اتعملت للناس اللى اتصابت فى المستشفيات و الامن كان بياخد الرصاص اللى بيتم استخراجه منهم اول بأول و الخساير زى ما قلت قبل كده بس ضيف تكسير واجهات بنكى القاهرة و مصر و سيارة اسعاف و سيارة ملاكى كانوا متواجدين اسفل الكوبرى السفلى لما الناس طلعت كسرت و ولعت فى لافتات مبارك و فيه اربع سيارات شفتها متكسرين فى اماكن مختلفة و سيارة شفتها فى الفيديوهات اتحرقت لكن ملقيتهاش فى المكان اللى الفيديو اتصور فيه امبارح at 4:25pm احنا مستنيين المحاميين يخلصوا علشان نقدر نشوف اسامى الناس اللى اتوجهلها اتهام و الناس اللى اتقبض عليهم و فيه كلام ان المحاميين نفسهم متوجه ليهم تهم و علشان كده منتظر اننا نعانى عجزر فى عدد المحامين خصوصا ان العدد المعلن للمتهمين هو 300 و اللى اتوجه ليهم التهم 150 حتى الآن at 4:26pm على حسب تقرير مدونة منفى من مستشفى الطوارىء فى المنصورة فان المصابين متعملش ليهم محضر بالاصابة و متمش تحريز الرصاص فهيبقى صعب تحديد عدد الاصابات بشكل حقيقى غير ان فيه وفيات ممكن يطلعلها تصريح دفن من غير ما ينكشف عليها فاحنا لسه مستنيين التأكيدات و بنحاول نرصدها