|
Re: تعال نبكي معا فخامة الرئيس (Re: توفيق عبد المجيد)
|
الأقرع
نبكي منو ؟؟
نبكي شنو ؟ والا شنو؟؟؟
نبكي الصحة ؟ والا التعليم ؟ والا الأمن ؟ والا نبكي ظُلم العباد في بلد المشروع الإسلامي الحضاري!
والا نبكي على نسيجنا الإجتماعي الذي تحلل وتفرق بين الفقر والجوع والمرض !!
مرات كتيرة بيجينا شيء من المغص والزعل لمن عروقك تقرب تطرقش ! زي الفساد والسوء في الإدارة وحال الناس المتزايد فقر وجوع ومرض وذلة ومهانة !!!
الرئيس مفروض ما تنام ليهو عين - ما لم يتأكد انو كل فرد من شعبو وأهلو في كل ربوع الوطن عايش بكرامة وعزة نفس ! لكن البره والجوة في ذلة تديها وتدردقها للعدو.
ما عاوزين الرئيس يمشي كل يوم بيت ناس ويسأل زي عمر بن الخطاب !! بس عاوزينو يولي علينا من يخاف الله ويصلح ويعمل جاهداً لإصلاح حال العباد !
فساد في وزارة الصحة !
فساد في وزارة الداخلية ! (ساجده)
فساد في جامعة الخرطوم ! (كلية الإنتاج الحيواني )
فساد في وزارة العدل وهي أساس وعماد الصلاح في الحكومة !
فساد في وزارة ..... فساد و فساد وفساد ...... !
أما إنعدام الأمن فما في دارفور والا في الجنوب ! في قلب الخرطوم الكل يتحرك وفي صحبته سلاح أقله (مسدس) وكان الحرامية جوك وشالوا منك حاجة تجيب ناس المباحث تصرف عليهم دم قلبك وبعد تقنع براك يفارقوك (ويمشوا محل موجود مسروقاتك يتقاسموها مع من سرقها منك!) ولو جاك زائر الليل أديهو المفتاح وإرتاح ! كل دي وتقول لي نبكي مع الرئيس! والا هو يجي يبكي معانا!! والله هو لو جاء وشاف حال العباد يقول : البلد وين رئيسها؟
كل يوم فساد في مكان ! والرئيس في رقيصه وحله وترحاله. وكأن السودان صار في قمة الدول رفعة ومنعه!
صدقني دعوتك بالبكاء كانت تستجاب لو كان الرئيس متذكر يوم لا ينفع مال ولا بنون ! أو حتى أوحى لنا بذلك.
تعال نبكي نحنا حال الوطن المايل (سبلوقة) هذا إذا لم يكن وقع فعلاً !
ما تزعل يا هجو ! بس دي حقائق كضوء الشمس لا تستطيع العين نكرانه ...
هشام
|
|
|
|
|
|
|
العنوان |
الكاتب |
Date |
تعال نبكي معا فخامة الرئيس | هجو الأقرع | 04-05-08, 06:47 PM |
Re: تعال نبكي معا فخامة الرئيس | ALGARADABI | 04-05-08, 06:54 PM |
Re: تعال نبكي معا فخامة الرئيس | عبدالكريم الامين احمد | 04-05-08, 07:01 PM |
Re: تعال نبكي معا فخامة الرئيس | هجو الأقرع | 04-06-08, 04:34 AM |
Re: تعال نبكي معا فخامة الرئيس | هجو الأقرع | 04-05-08, 06:57 PM |
Re: تعال نبكي معا فخامة الرئيس | هجو الأقرع | 04-05-08, 07:09 PM |
Re: تعال نبكي معا فخامة الرئيس | Murtada Gafar | 04-06-08, 04:51 AM |
Re: تعال نبكي معا فخامة الرئيس | هجو الأقرع | 04-06-08, 05:37 AM |
Re: تعال نبكي معا فخامة الرئيس | Murtada Gafar | 04-06-08, 06:24 AM |
Re: تعال نبكي معا فخامة الرئيس | عبدالله احيمر | 04-06-08, 07:43 AM |
Re: تعال نبكي معا فخامة الرئيس | عبدالله احيمر | 04-06-08, 07:53 AM |
Re: تعال نبكي معا فخامة الرئيس | عبدالرازق نقد | 04-06-08, 08:01 AM |
Re: تعال نبكي معا فخامة الرئيس | هجو الأقرع | 04-06-08, 11:42 AM |
Re: تعال نبكي معا فخامة الرئيس | هجو الأقرع | 04-06-08, 11:46 AM |
Re: تعال نبكي معا فخامة الرئيس | Sabri Elshareef | 04-06-08, 12:26 PM |
Re: تعال نبكي معا فخامة الرئيس | توفيق عبد المجيد | 04-06-08, 12:51 PM |
Re: تعال نبكي معا فخامة الرئيس | Hisham Ibrahim | 04-06-08, 01:25 PM |
Re: تعال نبكي معا فخامة الرئيس | هجو الأقرع | 04-06-08, 10:15 PM |
Re: تعال نبكي معا فخامة الرئيس | هجو الأقرع | 04-06-08, 10:12 PM |
Re: تعال نبكي معا فخامة الرئيس | هجو الأقرع | 04-06-08, 10:06 PM |
Re: تعال نبكي معا فخامة الرئيس | Sabri Elshareef | 04-06-08, 12:56 PM |
|
|
|