هام لكل الاعضاء

Quote: يا هبه اصلك مسكينه لعلمك ثلاث ارباع الناس هنا بتوطد علاقاتها بالماسنجرات وكلام فارغ وكل يوم صباح الخير ومساء الخير ولك كم يوم ماظهر عسى المانع خير؟؟!ّ! وحكات زي دي وعينك ما تشوف الا النور زوار بوستاتك بيبقوا قدر زوار البيت الحرام ويحج الناس لبوستاتك حج.

Quote: سيبينا ممنهم الغالبيه لا موضع لها غير الونسه و القرقراب. وتابعي بنفسك واحكمي شوفي بوستات الونسه قدر شنو؟؟؟

إنت مالك ومال كدا .. ياخي مش عندك بورد كاااامل إنت والحرامي التاني داك .. ياخي داك بورد مافوقو اي ونسة .. وعايزين تبنو بيهو السودان الجديد مش كدا ..؟ طيب ما تمشي هناك المقعدك محل الونسة هنا دا شنو ..؟ واللا البورد ضرب قلتي تجي تتمي الونسة بي هنا .. البجيكم يتونس ترموهو بي بره .. وتجو تتونسو مع الناس هنا دا .. الأخ تمبس (يونس) يتعرض للاقصاء مرة ثانية من منبر السودان الجديد! .. هبه دي خليها لينا هنا دا عندنا معها ونسة لسه ما ابتدت .. إنت امشي لينا في بوستات الما ونسة .. وخليها تحكم بي نفسها .. والله نونسه ليك جنس ونسة .. وخليها بعداك هي ظاططا تحكم بي نفسها...

Quote: هنا للاسف اغلب زملائنا و الحمد لله ما كلهم لهم تنميطات محددة للمرأة,يا تعملي فيها ام الرقة و الرومانسيه وتقعدي تكتبي عن مشاعر الانثى وحيائها واشوقاها وقسوة الهجر وجمال اللقيا

من القال ليك ؟؟ ياخي هشام هباني دا مش مناضل كبير واي حاجة ..؟ عودو قال عود مرا في اي حاجة .. اقول ليك حاجة ..؟ الزول دا احتمال يكون عدو المرأة عديل كدا .. بعدين ما انت كمان كلك مشاعر وانثوية .. كتبتي لينا عن الزغاوي الذي احببتيه .. وعن نزار قباني .. وعن .. وعن .. شفتي ليك في زول جا يتحرش عليك .. غنت قايله التحرش دا ساكت يا تراجي هو من غير ميزانية ..؟ المرالعايزة تكتب في السياسة في زول حرمه ..؟ العايزه تكتب في الأدب في زول حرمة ..؟ العايزة تكتب بي وقاحة وقلة ادب ومهاجمة للناس في صمة خشمم تنبذ دا وتشتم دا في زول حرمه ..؟ الا لكن كعب الشوف والقرايه البدون فهم .. وزي ما قلت ليك قبل كدا .. إنت البتدوريهو بتحمريهو وتديهو قلبه .. والما بتدوريهو بتحمريهو وتديهو للكلبة .. (دا شعر سري طبعا) ..

Quote: يا كمان تعملي تقدميه وتدخلي في اللحم الحي اكثر وتمتبي بجرأة اكثر ولكن بنفس الخط...يعني يلظوا يتوقون للقراءة عن مشاعرنا و الجزء المخفي لهم عن النساء

يعني حسع دي انت عامله فيها تقديمة واللا تقديمة باصح ..؟ في لحم حي اكتر من ليمونتك الفاتحين ليك بيها بلاغ دي ..؟ غايتو الله اعلم انو هبه الماحي دي تكون من طينتك دي .. علي الاقل لو بقت من طينتك دي .. ما اظنها تكون حاقده بالطريقة بتاعتك دي وقلبها اسود .. بيضي قلبك دا شوية وبطلي حقد الدنيا دي ما فيها حاجة .. بكره القريبة دي يدخلوك جوه التابوت ... والله ناس كوستاوي البكتشفو ليك البسرقو ديل ما تلقي فيهم واحد .. تاكلي نارك براك .. اقول ليك حاجة ...؟ والله امنة مختار دي تتغابى فيك العرفه .. تقول ليك بررري .. بي جازه .. انا جني وجن نكير ..

Quote: يصنفوك بايخه ودمك بقري وكمان يلبدوا لك لجنس ده.

.. والله يحليلك النايمه على حيلك .. حسع دا من الصفحة كم من كتابك حق التصنيف ..؟ يعني همك كلو الصنف الجيد ..؟ يعني بعجبك الاوسكار والسعفه الذهبية .. وبتموتي في قرطاج وكدا ..؟ اها اقول ليك حاجة والله فنجرية كدا مني .. إنت الاولى .. اقول ليك حاجة ..؟ إنت سمسم هشام هباني .. ملكة ملكات جمال البورد .. إنت ملكة الجمال النسائي الليموني .. وهشام هباني جمال فرفور ... تهاا هاااي .. مش مضحك بلالاي ..؟

Quote: الناس ديل يا زولة ثاني ولا تردي على زول فيهم.اعتذرتي وخلاص.انتهى.

... ثــاني ..؟ ثاني اكسيد الكربون ..؟ ثاني شنو يا ليمونة ..؟ خليها ترد ليه ما ترد خشمك واللا خشمه ..؟
الزولة دي فاتحه بوست لكل الأعضاء .. إنت قايلاها زيك ..؟ دي زولة مليانه لحدي الآن ما شفنا منها شئ كدي .. اهو قدر الشفناهو دا جينا نواجبه ..
اعتذري ..؟
طيب دا كلام جميل .. كان اعتذرت على الاقل بتظهر فهم عالي جدا وراقي جدا وبيضمن ليها احترامه للناس الهنا ديل كلهم .. والمن ضمنهم اساسي الكتب الموضوع دا .. وتكون متوازنة مع نفسها ما لم يكون عندها تصور تاني .. برضو ملزمة تجي توضوحو لينا زي ما وضحت انو كانت بتستفز في الناس علشان تعرف مويتهم شنو ..
اهـا إنت بتعتذري متمين عن موضوع الصورة بتاعت الشافع في البوست داك ..
تخيلي الليلة هفت لي قلت اجيب البوست دا علشان عايز اشوفك بتعتذري واللا بتقومي جارية صوف تاني ..؟


اساسي ..
استلم يا بيض .. استلم الناشطة دي ..
والله يحليلك ويحليل ايامك .. مكنتك خفت بقيت ترد لي تراجي كمان ..
ياخي إنت زول مخضرم لمن الخضرمه عملت ليك سردبه .. تراجي دي خليها لينا نحن ديل.. خلينا نسخن بيهاونطرق بيها صباعاتنا ديل ..
حسع بلاي اقول لي اصحابي شنو ..؟
اقول ليهم اساسي صاحبي بقى يجليها ثابته ويرد رد لي ناس تراجي ..؟
إنت (ثــور) الله في برسيمو
..
اوعه بس يا اساسي تطلع كمان من مواليد برج ( الثــور ) .. الزولة دي فلكية ومبالغة جدا انا من مواليد برج الأسد .. اوعـه كمان تجي بي المكنة بتاعت فراج الطيب المركباها دي تجي تقول لي إنت من مواليد برج الليــث