|
Re: أدب الرسائل زمان (Re: Muna Khugali)
|
كنت قد كتبت بوستا فى هذا الخصوص ربما كان اسمه (الجواب الجانا من كسلا قالو من وين دا قلنا من مدنى ) ربما لكننى كنت احد الذين اهيم بكتابة الخطابات لامى رحمها الله عشرات الرسائل بحوزتى كلما سافرت الى اى مكان كانت ترسل الى بخطاباتها وكذا كان يفعل والدى عليه الرحمة كل اخوتى واخواتى مغرمون بكتابة الرسائل وكذا اصدقائى اجمل رسائل كانت تردنى من صديقى عليه الرحمة زهاء الطاهر (وليمة لاعشاب الحب ) اما الخال صلاح احمد ابراهيم فقد كانت له رسائل افتقدها الان لكن اطرف رسائل كانت تردنى فهى من صديقى الجميل للاسف ايضا الراحل دكتور محمد سعيد القدال وهى محفوظة لدى لكنها لم يحن بعد وقت نشرها فالبريد كان وسيلتنا للتواصل بل اننا كنا ننتظر ساعى البريد فى (خشم الباب) كنت قد كتبت فى صحيفة الخرطوم حول امر الخطابات هذه الخواطر البريد والبوسته حلم بالعودة كل ما اشوف عربية البوسته ازعل جنس زعل ، هنا (معليش اقول امريكا) لكين البوسته دى اهم شى نعمنو الزول كا ن ماشاف بريدو بتجيهو كوفارة ، وبتقريف لمن يفتح البريد وهو عارف غير الفواتير مافى شى مافى زول برسل ليك نعمننا ما عندنا بريد شان اهلك يرسلو ليك بيو وتغنى مع الجواب (جانى جوابكم جانى قريتو عرفت الفيهو وحالا رديت ) وانت ماشى على البريد برضو بتغنى( خطابك الجانى افرحنى وسرانى ) وكان اتاخر الجواب فى الرد طوالى تهاجم بتاع البريد( امكن زول البريد عجبو الكلام نايم عمل ) وغيرا من الاغانى الارتبطت بالبريد زمان كان فى زول بوزع البريد بالعجلة تشوفو من بعيد قايم سدارى ولمن يقيف قدام الباب تجرى جرى وتشيل الجواب وتفتحو لانو من زولا عزيز ، وكنا فى المدرسة الثانوية كان الزول ما جاهو جواب من اهلو البكا والهلولة والقلب يودى ويجيب ، نعمنو لا كان فى تلفون ولا موبايل ، بس ياهو البريد كان من الاهل ولا الخطيب ، والخطيب دا اهم مرات لانو جوابو فيهو الحاجات وال محتاجات كان كلام ريدة ولا طلبات ، ومرات لمن اتاخر جواب الحوالة ودا مهم جدا للبنات فى الداخلية الجرسة والبكا و(هسى انا اسوى شنو ؟ دايرة صابون الغسيل ، والحمام ، والمصاريف ) ولمن تمشى يوم الخميس السينما والبنات يخلوها براها فى الداخلية البكية تشيع جنازة ، يعنى البريد كان مهم شديد، وطبعا فى اغنية مشهورة على ايام الدراسة ( البريدو مالو اتاخر بريدو )و الطلبات ذاتا ما كتيرة لا فيها سعد قشرة ولا هم يحزنون يا داب سوق ابجهل ولا ود عكيفة والحكاية انتهت (مشاكل بسيطة وناس بسيطة ) اقصى حاجة كان ما عند الواحدة معجون اسنان اقرب فرع نيم بحل المشكلة ، لكين البوسته كان ليها قوانين فى المدرسة لازم المشرفة تفتح الجواب ،جوابات سنه اولى بفتحوها ، لكين جوابات ناس (ورناحة ، وقنحة ام سير ) مافى زول بقدر يفتحا وديل بنات تالته ورابعة ، والله يقدر المشرفة تفتح جواب ، بعد داك حتى جوابات بتاعة سنه اولى بقت ما بتنفتح ، ويوم البريد يجى كان بجى فى يوم وبفط يوم ، مشرفات الداخلية من الطالبات بشيلو الجوابات وبوزعوها على العنابر او الفصول وغالبا العنابر لانه بتجى بعد نهاية اليوم الدراسى ، ولمن تسمع الكواريك اعرف فى حاجة كبيرة حصلت ، يا واحد رسل لى خطيبتو (انهاء فترة الخدمة) او انذار ، ولا فى زول مات لانو مرات بتجى تلغرافات للبنات ودى بتجيبا ( سكينة ام كضم ) زى ما كنا بنسمى مشرفة الداخلية من المدرسات البتكون شريرة وحاقدة ، ولا سمعنا الزغاريد ( فلانه عقدوا ليها فى الحلة ) معظم الطالبات كن من القرى او الحلال او حتى المدن البعيدة ( نيالا ، الفاشر ، الجنينة ، تندلتى ، الرهد ، ملكال ، بارا ، كوستى ،الدلنج ، كادقلى ، جوبا ، النهود، الابيض ، ودعشانا ، السميح ، ام روابة ) وغيرها من المدن ، المهم ان البريد كان فاكهة الحياة فى الداخلية ، وكان كلما جاء خطاب لواحدة من جانب خطيبها بتكاوينا نحن ( البايرات ) الماعندنا خطيب وتقرا الجواب بصوت عالى خاصة لو كانت (غناية ) طوالى بتدور الجواب اغنية ، ونحنا نتفرج فى القصص والحكاوى ، عليكن الله البريد ما سمح ؟ دا غير هواة المراسلة ديل جواباتن كوم تانى لانها فيها تسلية ومواضيع مشتركة ، وفى المكتبة تلقى الواحد حاضنة الجواب مع الكتاب وتكتب فى الرد وتجيب الريحة وتريح الجواب وتلون الصفحة وترسم الخطوط والورود والقلوب تتطاقش ، ونحنا نبلع فى الريق يا ريت ، قولو امين يرجع البريد والبرق والطوابع تملا صفحات الجوابات والورود والحب للجميع ، وتعود من تانى ( حملتك خطابى يا ساعى البريد للسافر وطول فى البلد البعيد)و تغنى البت (الشترا) الجواب الجانا من كسلا سالنا من وين دا قالو من مدنى وين يا انت
|
|
|
|
|
|
|
العنوان |
الكاتب |
Date |
أدب الرسائل زمان | Mohamed Abdelgaleel | 04-03-08, 11:24 AM |
Re: أدب الرسائل زمان | عادل جبارة | 04-03-08, 11:54 AM |
Re: أدب الرسائل زمان | Mohamed Abdelgaleel | 04-03-08, 12:16 PM |
Re: أدب الرسائل زمان | Mohamed Abdelgaleel | 04-03-08, 12:33 PM |
Re: أدب الرسائل زمان | Mohamed Abdelgaleel | 04-05-08, 07:27 AM |
Re: أدب الرسائل زمان | abdulhalim altilib | 04-05-08, 07:59 AM |
Re: أدب الرسائل زمان | Mohamed Abdelgaleel | 04-05-08, 08:28 AM |
Re: أدب الرسائل زمان | ALHALAWI | 04-05-08, 08:29 AM |
Re: أدب الرسائل زمان | Mohamed Abdelgaleel | 04-05-08, 09:25 AM |
Re: أدب الرسائل زمان | Mohamed Abdelgaleel | 04-05-08, 11:50 AM |
Re: أدب الرسائل زمان | Muna Khugali | 04-05-08, 12:49 PM |
Re: أدب الرسائل زمان | سلمى الشيخ سلامة | 04-05-08, 01:02 PM |
Re: أدب الرسائل زمان | Mohamed Abdelgaleel | 04-05-08, 01:20 PM |
Re: أدب الرسائل زمان | Mohamed Abdelgaleel | 04-05-08, 02:11 PM |
Re: أدب الرسائل زمان | سلمى الشيخ سلامة | 04-05-08, 02:52 PM |
Re: أدب الرسائل زمان | Mohamed Abdelgaleel | 04-06-08, 07:37 AM |
Re: أدب الرسائل زمان | Mohamed Abdelgaleel | 04-06-08, 01:50 PM |
Re: أدب الرسائل زمان | سلمى الشيخ سلامة | 04-06-08, 02:42 PM |
Re: أدب الرسائل زمان | Mohamed Abdelgaleel | 04-07-08, 07:15 AM |
Re: أدب الرسائل زمان | عبدالغني كرم الله بشير | 04-07-08, 08:03 AM |
Re: أدب الرسائل زمان | Mohamed Abdelgaleel | 04-07-08, 08:25 AM |
Re: أدب الرسائل زمان | Ahmed Yousif Abu Harira | 04-07-08, 08:51 AM |
Re: أدب الرسائل زمان | الطيب رحمه قريمان | 04-07-08, 09:44 AM |
Re: أدب الرسائل زمان | Mohamed Abdelgaleel | 04-07-08, 10:32 AM |
Re: أدب الرسائل زمان | Mohamed Abdelgaleel | 04-07-08, 12:49 PM |
Re: أدب الرسائل زمان | Mohamed Abdelgaleel | 04-07-08, 01:11 PM |
Re: أدب الرسائل زمان | Mohamed Abdelgaleel | 04-07-08, 02:49 PM |
Re: أدب الرسائل زمان | Mohamed Abdelgaleel | 04-08-08, 06:56 AM |
Re: أدب الرسائل زمان | Mohamed Abdelgaleel | 04-09-08, 10:07 AM |
Re: أدب الرسائل زمان | Mohamed Abdelgaleel | 04-09-08, 01:04 PM |
Re: أدب الرسائل زمان | مدثر محمد عمر | 06-04-08, 10:43 AM |
|
|
|