جـــــــــــزيرة أبـــــــــا ....عقلاء....بهاليل...وظرفاء.....

Quote: الجزيراب..... العالم التنويرات السلام عليكم والتحايا الطيبات قصة جدي وأبوي وأنا زي قصة شمس الدين بن أبيه بس -طبعاً- قصتنا أنعم كتير بحكم إنها في أم درمان والأبيض والخرطوم وفي مواقع الطبقة العليا، فهم وأنا، كل زولاً في زمنه لمن شاف ظلم أهلهم الكبار للناس من طينة ناس جزيرة أبا أخد للشمال در وإتقدم برة حيشان اليمين لمن وصلت انا قبل كم وعشرين سنة الحزب الشيوعي مقبل شمال والحزب حزب مدينة زي ماقلتو والآيام دي بالذات كله مقبل يمين منتظر الخير في التطور التلقائي لقوى الإنتاج وما داير أي ثورة تغيرعلاقات الإنتاج عشان الناس والمكنات تتقدم!!!! المهم بوستكم وإيملاتكم في سودانيزأون لاين رجعت لي الذواكر الطيبة فقررت لزوم الإستغفار الإجتماعي أن أهديكم هذه الكتيبات التي وضعت قديمها التقيل الأساس تحت وجديدها الصغير الخفيف فوق وداير منكم توزعوها على كل زول مستنير في الجزيرة أبا في الجزيرة أو في أي حتة في العالم كنوع من رد الحقوق أو حتى عمل الخير الثقافي. والعربون البقدموا في شان ده هو أيضاً مكلف وهو مجرد تبليغ السلام وعنواني الإي ميل إلى 4 من أولاد الجزيرة أبا التنويرات ثلاثة منهم درسوا في مصر الإسكندرية زمان وهم: الهادي، وبشرى، وعبدالرحمن يعقوب إمام المعروف بلقب "الجوكر" وده بين 1984-1988 بعدين الجوكر ده قعد في مصر سنين بعد داك والثالث قرا في جامعة الخرطوم وهو المهندس آدم اللي إتخرج من هندسة مدنية 1987-1988 وأول شغل إشتغلوا كان في شركة دماع في أمدرمان وبعدين قد إلى ليبيا ورجع تاني وقد كانوا جميعاً نعم الإخوان ونعم الشباب الرفاق أصحاب المواقف المفعمة بالمعرفة والصبر والحساب والمثابرة والإقدام إزاء قضية أهلهم وشعبهم ضد الإستغلال وضد التهميش ومواقفهم دي نورت أفكارنا وخلتنا وأجيال كتيرة كانت داقسة خلتنا نعرف حاجات كتيرة في الدنيا دي، خلي أم حازم تحكي ليك رغم إنها دايماً كانت حزب تقدمي مستقل بحاله وفي كتير من المرات كان أحسن من حزبنا ومن ج.د، المهم يالجزيراب يدكم معانا اليمين كاسر شديد جوة الحزب وما في اليحلو منو إلا الناس البعانوا حقيقي أو كانوا بعانوا من الإستغلال والتهميش لوقت قريب، وبدون نفيركم ما في بناية بتقوم للحزب ده وهو حزب الجزيرة أبا من قبل أحداث جودة ومن قبل فاروق حمدالله وقبل ناس الهادي والجوكر. . وليكم السلام والتحيات و أشرقت الأنوار والنضال مستمر المنصور جعفر ، Al-Mansour Jaafar