انت أمير وأنا أمير..طيب مين يسوق الحمير.........؟؟؟!!!!

Quote: الاخ المثابر دينق فعلا نتمنى ان يقف الجميع ضد العنصريه’ بكافه اشكالها والوانها المعروف .ودا موضوع ما ساهل وخطير.والموضوع الاهم بعد العنصريه اللفظيه التى تستخدم فى اتجاه جماعات معينه’وقد سببت اضرار كبيره فى نفوس الناس.فالعنصريه اللفظيه دى مقدور عليها وهذا البوست واحد منها.لكن همناك عنصريه اخطر ومدمره من العنصريه المتمثله فى كلمه يا( عب وعبيد) بمعناها اللفظى والدلالى’وهى هنا العنصريه الهيكليه لما يسمى ب(الدوله السودانيه)عموما.ولو نظرنا للدوله دى نظره مجرده من غير عواطف-ولو صححى الناس دايره تعيش مع بعض- وبشكل عملى ومضوعى فلابد من الكلام عن الدوله اولا-وهنا بعنى ب الدوله( المؤسسات).وابسط مثال لعنصريه الدوله وجود مؤسسات تربويه وتعليميه يتم القبول فيها للطلاب السودانيين على اساس الدين وليست الكفاءه العلميه للطلاب.مثلا جامعات مثل امدرمان الاسلاميه وجامعه افريقيا العالميه وجامعه القرآن الكريم’يشترط القبول فيها حرفيا الديانه هى (الاسلام) فى تجاهل سارخ وواضح لمقوله التعدديه الدينيه والثقافيه.طبعا ومن حق الجماعات الدينيه ان تكون لها مؤسساتها الخاصه.لكن هذه المؤسسات التعليميه هى مؤسسات مملوكه للدوله ويتم تمويلها ماديا من وزاره الماليه وليست وزاره الاوقاف الاسلاميه؟.ومعروف علاقه كل الناس فى اى دوله بتحدد عبر دفع الضرائب وهذه الضرائب مفروض تنعكس فى شكل خدمات لكل الناس البدفعوها(مسلم-مسيحى-معتقد اديان افريقيه-لا اريد استخدام الكلمه الحقيره-كريم المعتقدات).ومش كدا بس بل هناك كليات بعينها مخصصه لطلاب الهامش(ماممكن يكون معظم طلاب المناطق الاقل نموا-يدرسو دراسات نظريه ماعندها اى علاقه بمناطقهم الاقل تنميه-مثل الدعوه واصول الدين و التربيه وعلوم الفقه وغيره من علوم غير معنيه بتنميه الانسان) وهنا ياهو العنصريه الجدد واداريا وهيكليا متثمل فى الدوله وغيره من مؤسسات اقتصاديه مثل البنوك.المهم دا موضوع كل الناس دى ماعاوزه تناقشه وتفتحو و كمان الجيش البيسمى سودانى دا والقضاء البرمى فى الناس فى السجون ساى(شوف اى سجن من السجون).المهم انا العنصريه اللفظيه دى بعرف بتعامل معها كويس لكن الدوله العنصريه المن سنه دوو مش هسه العنصريه من زمان الدوله بتعمل فيه على عينك ياتاجر. وتشكر على المثابره والاجتهاد . محسن طه