|
|
 Re: يا ناس وزارة الخاجيه... الحقوا موقعكم...! (Re: النصرى أمين)
|
يا النصري
كيفك
تقول
Quote: احد المهندسين (العباقره) قام بتصميم اشاره مرور ضوئيه فى احدى الشوارع الرئيسيه فى مدينه بحرى ..
المشكله ان الاشاره تقع خلف العربات ... |
تعرف من اكبر مظاهر التخلف في السودان هي عدم إلتزام السائقين ( بمختلف مشاربهم) بقواعد المرور خاصة الاشارات... حصل لي كتير جدا... تلقي النور اخضر يجيك واحد من الاتجاه التاني وبعد ده يشتمك ولا علي كيفك... مجموعه من الشباب البكونوا معاي في السياره كتير جدا يقولوا لي ( انت ما بتعرف تسوق في الخرطوم) وعندما اقول ليهم يا اخوانا الإشاره حمراء يقوليك ( يا اخي ما تشتغل بيها... هنا ما في زول شغال بقصة الاشاره دي)... الحكاية دي حصلت لي مع العديد من الاشخاص بفوارق عمريه مختلفه...
غايتو الواحد في السودان بندهش لجراءة الناس علي كسر حتي ابسط قواعد القانون والسلامه...
المهندس ده بكون طبعا عارف إنه اشارته ما في زول حا يشتغل بيها... عشان كده ما بكون اهتم بيها كتير...
مثال اخر للتخلف الهندسي والمروري... لو مشيت بشارع المطار ( شارع افريقيا) او الشارع البمر بين المطار والرياض وينتهي في الصينيه قدام كبري بري بالقرب من نادي الشرطه... مثلا في الشارعين ديل لو عايز تعمل ( يو تيرن) روحك ا تطلع... تعرف في الشارع المحازي للمطار ( ويمر امام بري وامتداد ناصر) من صينية الكبري الي ان تصل قريب شارع المشتل بتاع الرياض حتي تلقي ( يو تيرن)... غايتو ما عارف بكون في ظروف (أمنية) اقتضت التصميم ده او غيرها... لكن المهندس او الشركه العملت الشارع بالصوره دي المفروض تعاقب وتغرم وتتطالب بإصلاح الشارع.. لانه تعرف كمية البنزين البصرفوها الناس لحدي ما يصلوا محل ال ( يو تيرن) بتكون بعشرات الملايين من الجنيهات كل سنه) لانه المسافه دي انا جربتها بتكون قريب الاتنين كيلوا لو ما اكتر.. الاتنين كيلوا بتكون في المتوسط زي ( واحد علي عشرين من جالون البنزين لانه الجالون في المتوسط بمشي زي اربعين كيلو) ولو ضفت ليها الرجعه بعد الزول ما يلف بالناحيه التانيه بتكون عشر جالون. الجالون بي سته الف جنيه(بالقديم)... يعني اي سائق عربيه يتورط هناك حا يخسر ستمائه جنيه في الفاضي نتيجه للخطاء الهندسي..... وتقريبا نفس الشيء في شارع المطار ( شارع افريقيا). لو بس افترضنا انه متوسط عدد الأشخاص البعملوا ( يو تيرن ) في اليوم في الشارعين ديل بكون 100 و هو اكثر من ذلك بكثير بتلقي انه في حوالي 22 مليون جنيه في العام رايحه ساكت... اهدار فظيع للموارد وتلويث للبيئه بدون اي سبب! ده كله طبعا بجانب الزمن المهدر في اللفه الخ...
المشكله في السودان إنه مافي زول بحسب...! انا ما مهندس لكن بستغرب انه المهندسيين ما قاعدين يحتجوا علي الاخطاء الهندسيه ليه!
في العالم كله الشعوب بتعمل كباري طايره وانفاق وخلافها لتقصير المسافه وتسهيل انسياب الحركه... ( حركة المرور مش الحركه الشعبيه)... في السودان بحصل العكس تماما..! ده طبعا بصوره عامه بوضح ليك ليه الشعوب مشت لي قدام والسودان ماشي لوراء... المنطق الوحديد للتخلف في الناحيه دي هي انه الحكومات والمسؤولين لمان يفكروا يعملوا حاجه... واضح انهم ما قاعدين يفكروا انه الحاجه العايزين يعملوها بتسهل حياة الناس ولا بتصعبها... لانه ببساطه اغلب الحاجات بتتعمل بدون دراسه وبدون تحليل كافي... والسبب في نهايته يعود للشموليه... لانه لو في شخص وقف قال الشارع ده بالصوره دي غلط... طوالي بيصنف علي انه معارض وضد الثوره وخائن وعميل لاسرائيل وما ادراك وممكن يتموها ليه انه كافر وكذا... وباقي القصه انت عارفه
|
|
 
|
|
|
|
|
| العنوان |
الكاتب |
Date |
| يا ناس وزارة الخاجيه... الحقوا موقعكم...! | Asskouri | 03-21-08, 01:12 PM |
| Re: يا ناس وزارة الخاجيه... الحقوا موقعكم...! | saif massad ali | 03-21-08, 01:19 PM |
| Re: يا ناس وزارة الخاجيه... الحقوا موقعكم...! | أسامة خلف الله مصطفى | 03-21-08, 01:41 PM |
| Re: يا ناس وزارة الخاجيه... الحقوا موقعكم...! | Asskouri | 03-21-08, 02:27 PM |
| Re: يا ناس وزارة الخاجيه... الحقوا موقعكم...! | Asskouri | 03-21-08, 02:12 PM |
| Re: يا ناس وزارة الخاجيه... الحقوا موقعكم...! | Mannan | 03-21-08, 03:16 PM |
| Re: يا ناس وزارة الخاجيه... الحقوا موقعكم...! | Asskouri | 03-21-08, 03:59 PM |
 Re: يا ناس وزارة الخاجيه... الحقوا موقعكم...! | بكري الصايغ | 03-21-08, 04:23 PM |
| Re: يا ناس وزارة الخاجيه... الحقوا موقعكم...! | Asskouri | 03-21-08, 05:20 PM |
| Re: يا ناس وزارة الخاجيه... الحقوا موقعكم...! | Magdi Ahmed Elsheikh | 03-21-08, 05:43 PM |
| Re: يا ناس وزارة الخاجيه... الحقوا موقعكم...! | Asskouri | 03-21-08, 06:29 PM |
| Re: يا ناس وزارة الخاجيه... الحقوا موقعكم...! | Mannan | 03-21-08, 08:27 PM |
| Re: يا ناس وزارة الخاجيه... الحقوا موقعكم...! | النصرى أمين | 03-21-08, 08:45 PM |
| Re: يا ناس وزارة الخاجيه... الحقوا موقعكم...! | Yasier Elsayed | 03-21-08, 09:06 PM |
| Re: يا ناس وزارة الخاجيه... الحقوا موقعكم...! | Asskouri | 03-22-08, 06:47 PM |
| Re: يا ناس وزارة الخاجيه... الحقوا موقعكم...! | Asskouri | 03-22-08, 04:32 PM |
| Re: يا ناس وزارة الخاجيه... الحقوا موقعكم...! | Asskouri | 03-22-08, 12:13 PM |
| Re: يا ناس وزارة الخاجيه... الحقوا موقعكم...! | النصرى أمين | 03-21-08, 09:44 PM |
| Re: يا ناس وزارة الخاجيه... الحقوا موقعكم...! | Asskouri | 03-22-08, 10:07 PM |
| Re: يا ناس وزارة الخاجيه... الحقوا موقعكم...! | النصرى أمين | 03-21-08, 10:44 PM |
| Re: يا ناس وزارة الخاجيه... الحقوا موقعكم...! | Mannan | 03-22-08, 01:03 AM |
| Re: يا ناس وزارة الخاجيه... الحقوا موقعكم...! | Omer Abdalla | 03-24-08, 02:18 PM |
| Re: يا ناس وزارة الخاجيه... الحقوا موقعكم...! | Asskouri | 03-24-08, 05:51 PM |
| Re: يا ناس وزارة الخاجيه... الحقوا موقعكم...! | بشير أحمد | 03-24-08, 06:15 PM |
| Re: يا ناس وزارة الخاجيه... الحقوا موقعكم...! | Asskouri | 03-24-08, 08:52 PM |
|
| |
Asskouri
فيس بوك
تويتر
انستقرام
يوتيوب
بنتيريست