قناة هارموني وفلس أخواني !!

Quote: قلللللللللللللللللللت شنووووووووووووووووووووو؟؟ لالالالا بس ندى القلعة عندها شريط جدي... تييييييييت..تييييييييييييت ..تيييييييييييييت.. وبعد أقل من خمسة دقائق جاتني رسالة عبر الموبايل بتقول: غايتو معتصم الجعيلي ده ما كسب فينا خير ..إن شاء الله يقفلوا ليهو قناتو دي في أول قرار لوزراء الإعلام العرب بعد ما وافقو يراقبو الفضاء والفضائيات !!

الغرض منو استثمارو في وقت الحوجة .. في الحالات الزي دي .. حالات الشرائط .. (حلاوة) مولد مثلا .. (شبط) جديد طلع في السوق ..إلخ..
يعني بي وضوح أكتر:
إنت ما تشتغل كمان من طرف ساكت .. (تتخبط) .. يعني (تستقسط) ليك واحد فيهم .. اشفت واحد فيهم .. ويا حبذا لو كان عندك أخت .. ( الاخوات حنينات ) طبعا وما برفضو ليك طلب .. وحسب قناعاتي .. (قندوليات) .. بي فهم ..
المهم ..
البند المقصود أعلاه (بدل مصائب) .. تقوم ترسلو عبارة عن (صلاخية) .. يعني لما ترسل المصاريف تقوم تعمل فوق ليها ( طاقية ) بتاعت خمسين ستين الف كدا .. المهم اقل من مية ركز معاي اقل من مية .. علشان ما يعتبروهو داخل في بند .. بتاع مصاريف علاج .. يا طوب لي حمام .. يا اي حركة من الحركات دي .. الشخص البمشي يستلم مبلغ التحويل .. هو صاحب الطاقية الصلاخية دي .. تكون محدد بنود الصرف .. مثلا (الحاجة) مبلغ كدا .. (الحاج) مبلغ كدا .. المهم حسب بنود الصرف .. والطاقية الفوق ديك .. ما تهبشة خليها زي ما بكتبو ليك ناس السفارة اخرى وإنت هنا تكون ماسك العداد بتاعك تكون حاسبه طبعا بالملم المكعب حاصل جمع الصلاخيات دي في ضرب تلاتة (تطاتنيش) تحويل بتعمل ليك كم شريط كاسيت .؟! .. يعني عارف الصلاخيات ديل بجيبو ليك كم شريط .. وكم (شبط) بتاع جلد النوع المقفل من قدام داك .. وإذا سالوك الباقي دا بتاع شنـو .. (طنش) أعمل ما سامع .. كدا المصدر بفهمه طوالي ..
المهم بعد فترة تقوم تعمل مسالة الطلبات بتاعتك دي بعدما تدرس الحالة النفسية للمصدر ..ما تتخير اللحظة بتاعت ظهور الحاجة طوالي في التلفزيون .. وما ترميها طااخ كدا .. إذا عايز تتكلم عن شريط في قناة هارموني .. وبالذات مع اختك .. تقوم طوالي تدخل بي مدخل قناة النيل الأزرق .. وتجيب ليك اسم اي فنانة يا أي حلقة لي نجوم الغد .. وفي النص كدا .. تزلغ إسم الشريط بتاعك .. وتستعمل الخطة البديلة الكان كلمتنا عنها والمتلخصة في تيييييت .. وتطلق ليك دبل .. الووووو الوووو .. وطققق .. تقفل الخط .
وبالمناسبة:
دبل الووو دي لو ما كنت حريف فيها بينقشو نومتك وتاني احتمال في النص كدا يقولو ليك اهـا بطاقتك ح تقطع واللا شنـو ..؟ يا الحاجة تقول لي اختك هاكي اديهو لي ابوك قبال بطاقتو تقطع.. وهنا منظرك بيكون جبان جدا .. وبالتالي بتفقد مبلغ البدل مصائب .. واحتمال تطلع ليك بي (لغب) جديد ..
وأحتمال شديد لما تتصل يقولو ليك وين يا (اب صفارة ) ؟.. إشارة لي (اللغم) الجديد

ــــ
** مع الاعتذار لكل (المخلباتيه)..

(عدل بواسطة tmbis on 03-10-2008, 10:48 AM)