|
|
 قناة هارموني وفلس أخواني !!
|
يااااااااااااااا حليل مغتربين زمان !!!
عبارة داهمني بيها أخوي الكبير الموجود في السودان وبعدها إضنيني ما سمعت إلا الفارغة ..
والسبب بكل بساطة قناة هارموني وهي تعلن لشرائط الكاسيت الموجودة حالياً بالأسواق !!!
كل ما يجيبو دعاية شريط كاسيت ترررررن تررررن تررررررررن أضرب التلفون ..أول أيام كانوا بيرحبو بي تلفوناتي أيما ترحيب :
الو ..إزيييك يا ابو صلاح ..
أووووووووووو ..أهليييييييين يا أبو عمير كيفك وصحتك وأحوالك..امورك والله مشتااااقيييييييين ..وييييين يا زوووووووووول طولت مننا كده ..والله ليييييييييك وحششششششة ..
والله يا بي الأكتر كيف إنتو وناس البيت ؟
نحن كويسييييييين وما عندنا أي عوجة إنت كيف طمنّا عليك ؟ ما محتاج ليك حاجة من السودان ؟
اي والله بس لو ما فيها كلفة ليكم عليك الله يا صلاح في شريط بتاع الجيلي الصافي نزل جديد رسلوهو لي مع أقرب زول جاي السعودية ..
جددددددددا يا عمر ياخ نحن عندنا كم عمر أصلو ..أخونا الوحيييييد المغترب ولازم ندلعو ..والشريط كلها بي 5 الف جنيه ..
بعد إسبوع لمن ضربت أسمع ليك صوت أخوي بقا واطي شوية :
ألو..إزيك يا ابوصلاح ..
الو..أيوة يا عمر ..كيف تمام ..معاك صلاح ..
ايوة يا صلاح عشان بس رصيدي حا يقطع سريييع كده عايز أقول ليك حاجة ..
ايوة معاك قول..
ياخ في شريط طالع جديد بتاع محمود عبد العزيز إسمو الحنين و علوية دي جاية بعد كم يوم كده عليك الله أمشي ليهم في الحاج يوسف أديهم الشريط ..
كويس يا عمر ما مشكلة ..
بعد إسبوع تاني ضربت ..
الو أهليين صلاح..
أيوة..
كيفكم وكيف ناس البيت والله مشتاااااااااااق ليهم شديييييييييييييد..
كويسين ..
بالله كيفك يا صلاح وأمورك وأحوالك وصحتك والشغل معاك كيف وجري السودان داك ؟..
غايتو ..
صلاح ياخ معليش بس في شريط بتاع معتز صباحي إسمو يا محتار شايفو نزل في السوق فعليك الله لو لقيت طريقة تمشي تشتريهو لي من شارع الدكاترة ومن هناك تمشي المطار وتشوف لو في رحلة قريبة ترسلو مع اي زول ..
شوف يا عمر والله إنت كرهتنا عديييييييييل كده ..والموضوع ده شايفو جرّ ..وانا والله شرايط ساي لحدي أسة دافع 150 الف ..بعدين تعاااااااااااال هنا إنت البيجيب ليك أخبار الشرايط دي منو ؟ والله نحن القاعدين هنا ما بنعرف الشرايط دي نزلت إلا منك ووالله ..
انا(متظارفاً ) ..عليك الله يا صلاح ما شفت شريط محمود ده سمح كيف والعجب لمن غنّا بعد الغياب..
شوووووف يا عمر والله انا الشرايط دي مش انا الإشتريتا ؟ لكن والله ما سمعت فيها شي (لهجة حادة)..ومواصلاً :أها ما قلت لي ده منو البيوريك الأخبار دي ؟
والله يا صلاح في الحقيقة بشوف دعايتهم في هارموني ..
والله يا عمر غايتو ناس هارموني ديل بالجد ما عملوا فينا خير ..أسة تلقاهم كل المغتربين هارين أهلهم بي جنس عمايلك دي والواحد منكم كان قالوا ليهو رسل مايكرويف ولا جيب لينا غسالة يعمل فيها الشبكة كعبة والخط بيقطع ..
لالالا ماف مشكلة يا ابوصلاح الشهر الجاي برسل ليكم المايكرويف ..اها وبي مناسبة المايركويف دي ندى القلعة عندها شريط شكلو مبااااااااااااالغة إسمو إتفقنا لو لقيت طريقة فضلاً لا أمراً ترسلوا لي..
قلللللللللللللللللللت شنووووووووووووووووووووو؟؟
لالالالا بس ندى القلعة عندها شريط جدي...
تييييييييت..تييييييييييييت ..تيييييييييييييت..
وبعد أقل من خمسة دقائق جاتني رسالة عبر الموبايل بتقول:
غايتو معتصم الجعيلي ده ما كسب فينا خير ..إن شاء الله يقفلوا ليهو قناتو دي في أول قرار لوزراء الإعلام العرب بعد ما وافقو يراقبو الفضاء والفضائيات !!
|
|
 
|
|
|
|
|
| العنوان |
الكاتب |
Date |
| قناة هارموني وفلس أخواني !! | عمر الفاروق | 03-08-08, 07:24 PM |
| Re: قناة هارموني وفلس أخواني !! | gamal elsadig | 03-09-08, 07:24 AM |
| Re: قناة هارموني وفلس أخواني !! | جمال السنوسي | 03-09-08, 08:17 AM |
| Re: قناة هارموني وفلس أخواني !! | عمر الفاروق | 03-09-08, 08:01 AM |
| Re: قناة هارموني وفلس أخواني !! | gamal elsadig | 03-09-08, 12:13 PM |
| Re: قناة هارموني وفلس أخواني !! | احمد العمار | 03-09-08, 08:56 AM |
| Re: قناة هارموني وفلس أخواني !! | عمر الفاروق | 03-09-08, 09:06 AM |
| Re: قناة هارموني وفلس أخواني !! | abuguta | 03-09-08, 09:23 AM |
| Re: قناة هارموني وفلس أخواني !! | سامى عبد الوهاب مكى | 03-09-08, 09:24 AM |
| Re: قناة هارموني وفلس أخواني !! | ismeil abbas | 03-09-08, 10:49 AM |
| Re: قناة هارموني وفلس أخواني !! | gamal elsadig | 03-09-08, 12:25 PM |
| Re: قناة هارموني وفلس أخواني !! | عمر الفاروق | 03-10-08, 08:08 AM |
| Re: قناة هارموني وفلس أخواني !! | عمر الفاروق | 03-10-08, 08:56 AM |
| Re: قناة هارموني وفلس أخواني !! | maia | 03-10-08, 09:12 AM |
 Re: قناة هارموني وفلس أخواني !! | tmbis | 03-10-08, 10:26 AM |
| Re: قناة هارموني وفلس أخواني !! | maia | 03-10-08, 10:50 AM |
| Re: قناة هارموني وفلس أخواني !! | Ali Alhalawi | 03-10-08, 11:55 AM |
 Re: قناة هارموني وفلس أخواني !! | tmbis | 03-10-08, 12:08 PM |
| Re: قناة هارموني وفلس أخواني !! | عمر الفاروق | 03-10-08, 04:50 PM |
| Re: قناة هارموني وفلس أخواني !! | Bakhaf | 03-10-08, 05:27 PM |
| Re: قناة هارموني وفلس أخواني !! | عمر الفاروق | 03-10-08, 05:53 PM |
| Re: قناة هارموني وفلس أخواني !! | عمر الفاروق | 03-11-08, 06:47 AM |
| Re: قناة هارموني وفلس أخواني !! | عمر الفاروق | 03-11-08, 11:16 AM |
| Re: قناة هارموني وفلس أخواني !! | tmbis | 03-11-08, 11:46 AM |
| Re: قناة هارموني وفلس أخواني !! | humida | 03-11-08, 12:46 PM |
| Re: قناة هارموني وفلس أخواني !! | tmbis | 03-11-08, 01:22 PM |
| Re: قناة هارموني وفلس أخواني !! | nazar hussien | 03-11-08, 02:08 PM |
| Re: قناة هارموني وفلس أخواني !! | humida | 03-11-08, 02:34 PM |
| Re: قناة هارموني وفلس أخواني !! | محمد الطيب يوسف | 03-11-08, 03:19 PM |
| Re: قناة هارموني وفلس أخواني !! | عمر الفاروق | 03-11-08, 06:00 PM |
| Re: قناة هارموني وفلس أخواني !! | عمر الفاروق | 03-12-08, 06:17 AM |
| Re: قناة هارموني وفلس أخواني !! | عمر الفاروق | 03-12-08, 08:37 AM |
|
| |
عمر الفاروق
فيس بوك
تويتر
انستقرام
يوتيوب
بنتيريست