قناة النيل الأزرق تحرج البروف معز وشروق ابو الناس وتنصفنا !!!

Quote: الف مبروك ونهنئكم بهذا الانتصار العظيم حيث ساندكم كبار النقاد وكبار المخرجين ونسيت ان ابارك للاخ فيصل نوبي علي هذا الفتح العظيم وسننزوي نحن من ساحة الابداع ليعيث فيا فيها الاجتراريون ابداعا الف الف مبروك

أما أيمن بخيت فبعاتب عكس الريح لأنها ما جابت ليهم مهندس صوت!!!!

وفي السهرة الأولى الإتكلم عنها أيمن و التي تم تسجيلها من منزل شروق كان في شخص مختص هو عبد الله ابو الناس ومعاهو المبدع مهند عبد المنعم هم العملوا ليهم التوصيلات..

نحن ما قلنا دي مشكلة مخرج او مصور لأنو ايمن مخرج ممتاز وعكاشة مصور فنان

دي مشكلة عدم وجود شخص متخصص في الصوت..

فما يلفوا ويدوروا ساكت

بتاع الساوند الكان موجود ما ليهو علاقة بهندسة الصوت التلفزيوني وبالتسجيلات الخارجية لتلفزيون بقامة قناة النيل الأزرق

فما تسمع كلام أيمن بخيت انو قناة النيل الأزرق ما ليها دخل

ليها مليون دخل

وأتحداهم لو ما كان عندهم مشكلة ينزلوا أغنيات الفنان حمزة سليمان الغنّى في نفس البرنامج وبنفس التوصيلات

..

تخريمة لطلال مدثر:

ما دام انت متابع وبتقرا سودانيز اون لاين وعكس الريح أها سجيمان كلمني.. وأداك التلفون..

واتلومت معاي جداً.. انت فاهم قصدي شنو (ما ليهو علاقة بموضوع شروق بالتأكيد)..

لكن فيما يتعلق بموضوع شروق فالأمانة الصحفية تلزمك وكما نقلت فقط آراء الضد كان تنقل الآراء التانية المساندة برضو


.. تخريمة للفنان عمر الفاروق:

أنا خايف بكرة طلال ده يلبّسك نمرة 7 في مانيو..