بعض مما للزغاوة علينا..

Quote: Quote: تراجي ... هل يمكن تعديل المجلة أعلاه لتصبح :- "فبكتابة تعميمية مخلة مثل تلك أنت شملت أي إمرأة حتى وطفل جلابي ووضعتهم كأنهم حكام وأمراء ومتنفذين كلهم ، وهذا ليس صحيح وبأي منطق وعقل ليس صحيح" عشان كده الناس بتنادي بالمبدئية وعدم الإزدواجية ... إنت بصحك كدي يا حاتم داير تراجي تعدل ليك الكلام دا يعني؟؟ ما تبالغ ياخي.. دا كتير جدا ياخي .. أنتو جلابة وتفضلوا جلابة كان عارضتوا الإنقاذ ولا واليتوها.. أختي تراجي دي يا حاتم في عرفها البيحكموا في تشاد ديل أقلية بل أفراد من قبيلة الزغاوة وبالتالي لا يمكن أن نعمم.. ولكن في السودان الشايقية والجعلية والدناقلة رغم إنهم 3 قوميات يمثلوا تقريبا ثلث السودان يعتبر كل المنتمي ليهم جلابي طالما بيحكموا عمر البشير وعبدالرحيم حسين والجاز و.. .. إنت حاتم يوسف المعارض للإنقاذ وبتكورك ضدها بأعلى صوتك دا برضك جلابي طالما أهلك البيحكموا في نظر تراجي.. في حالة السودان في تعميم ظاهر وواضح لكن في حالة تشاد لا.. ماممكن نعمم.. والسبب الله أعلم.. أهديك والقراء البوست دا.. مهمشي دارفور .. جلابة تشاد .. نماذج جديدة للجلبنة والتهميش.. -------------------- أشكرك يا حاتم على التغطية لأخوك في غيابه.. شايفك غزيت لي عودي في كم بوست كدي.