|
طـاحونة ومرة مجـنونةةةةة
|
الغيبوبة هي أستمتاع بالعالم حتي النفس الأخير !!! انت وهم ولا بتاع لجنة شعبية ؟؟؟؟؟ هسة الكلام دة داير ليه حصة عصر ؟؟؟ الحاصل ووجع المفاصل توازياً مع معطيات البهرجة الوجدانية بعكس لينا الحالة الظلامية الهلامية جوانا!! لكن كهربة الاحساس جمرة خبيثة ... زي فاتيّة حبشية خاشة البلد دي بي فيزة ربة منزل فاكي اول جملة تحفظا الدفع قبل عبد الرافع ,,, الكاش بقلل النقاش والأستاش البلاش بطفي الفلاش ويحرق الصورة ويحلج الماسورة !! أبقي مارق يا فردة وخليك حريف ,,, ما تجيب من جوة زي ابوبكر الشريف علشان الدوشة الحاصلة دي نشوق لينا منها مخارجة قبل ما يقولو لينا (كتمت) ونفتح الرادي نسمع بيان من بشير جديد!!
الواحد لو قلت ليه يا منقة وانت فرحك دسيس !! يامان انا جابو لي ولد يقول ليك أصلو ما ممكن ... ياخ انشاء الله عقبال الهمر !!!! معقولة انا متزوج معرض سيارات ؟؟؟؟؟
نعمل رايحين ونتجاوز حتة انو الكدايس خلت سكنة المستشفيات وسكنت في دماغنا لدرجة أننا أتحلينا عن حلمنا التأريخي (بيت ناصية ومرة دافية وعمارة في الصافية ,, طاحونة ومرة مجنونة) حتي تلقي ليك واحد يقول ليك يا أخينا الكيس الشايلو دة لو فيه سمك أديني منو موزة!!!
ناس دايشة وخاشة في غيبوبة غريبة وما عارفين هم شايتين وين والمصيبة الواحد لو لقي نقسو هو والقون يعمل تاني كسرة يا أبو علي اها يا لوراندينو!!!!
الغيبوبة هي الشعور ان اللاوعي دة زول تفتيحة ود قلبا وود حتّتا !!! لكن البهرجة لمن تكون خرمجة بتخرب البرمجة وتقطع الكهربة في بلد عايزة شيرنغ شان تطلع شمش شان تعمل النجوم طلب بوش في قدح السما الحلة بصل والمرة كرعين و الفرح بالدين والأمل بعدين ! وضحاكات الحزن كنجالات والفي النصيب هللات يا أصلي (السان) ديل عملو حمد لبد أحسن حاجة نشوف لينا (فايزة كمال) للسعودية أنشاء الله نشتغل حليب المراعي بدل البهدلة دي البلد دي لو ما عملنا منها(زغبير) بودونا الجنوب لحدي ما نعمل (الشهد والدموع) وتبقي يا الزينة لا شرفاًحفظتي ولا مالاً لميتي وكدة نكون مهدنا السبل لأدلجة الغيبوبة وبوتقة البهرجة في أطار ما يسمي بالمشروع الوطني الجديد الذي يخضع للتنفيذ في الخطة الخمسية القادمة التي يتم تنفيذها خمستاشر سنة!!!
ما قلت ليكم غيبوبة؟؟؟!!!
|
|
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
العنوان |
الكاتب |
Date |
طـاحونة ومرة مجـنونةةةةة | حبيب نورة | 03-03-08, 07:39 PM |
Re: طـاحونة ومرة مجـنونةةةةة | هاشم أحمد خلف الله | 03-03-08, 08:05 PM |
Re: طـاحونة ومرة مجـنونةةةةة | حبيب نورة | 03-03-08, 08:15 PM |
Re: طـاحونة ومرة مجـنونةةةةة | مجدي عبدالرحيم فضل | 03-04-08, 06:52 AM |
Re: طـاحونة ومرة مجـنونةةةةة | حبيب نورة | 03-09-08, 06:26 PM |
Re: طـاحونة ومرة مجـنونةةةةة | عبدالله كع | 03-04-08, 01:32 PM |
Re: طـاحونة ومرة مجـنونةةةةة | حبيب نورة | 03-09-08, 06:31 PM |
Re: طـاحونة ومرة مجـنونةةةةة | محمد الطيب يوسف | 03-04-08, 03:06 PM |
Re: طـاحونة ومرة مجـنونةةةةة | حبيب نورة | 03-09-08, 06:35 PM |
Re: طـاحونة ومرة مجـنونةةةةة | ismeil abbas | 03-04-08, 05:15 PM |
Re: طـاحونة ومرة مجـنونةةةةة | emad altaib | 03-04-08, 08:37 PM |
Re: طـاحونة ومرة مجـنونةةةةة | حبيب نورة | 03-09-08, 06:49 PM |
Re: طـاحونة ومرة مجـنونةةةةة | حبيب نورة | 03-09-08, 06:43 PM |
|
|
|