سيرة مدينة: شندي في سقف الذاكرة ....الاهداء لخالد المنسي

Quote: الاخ خالد (التحيات النواضر نبدأ بي مين الرسالة نبدأ من وين يا رفيق عازة في قيف البداية و إنت في أخر الطريق وإحنا بيناتكم محاصر شوقنا بالبون والحريق وإحنا بيناتكم نجابدلامني لاني عيدت زينا وزي الغريق) رغم عدم إشتراكنا في سودانيزأونلاين إلا وإننا كعادة الناس المتلفهمين لازم نخش نشوف الحاصل شنو وحقيقة الحديث عن شندي ليهو حلاوته ؛ فشندي مثل كل مدن البلد فيها أماكن وأشخاص يصبحون معالم للمدينة زي قهوة بابو وفول جاد وطلب ( متحصل البنطون) وسينما خالد (التي لم تشيد) والفكي الامين وترعة فرانكة والحاج ابوشعيرة وقبة ابوفراج ملين لكوندة العماوي وعباس الدبوس ومكتبة لطفي والسر محكمة ودكان أبونا ومصنع الصابون وميرغني اللوري ومحمود حنوت وبيت البنزين وعبدالمحمود الخواجة وسوق الديم وأولاد جفون وكوجا وعصام الجاك واسامة عجيب وفتاح الحلاق وخالكم الفليل ودكان محمد عبدة ؛ يا جماعة الناس في شندي كتار وكل واحد ممكن تفتحو ليهو بوست يعني بصراحة ممكن كل زول يكتب عن أول واحد يشوفو في الشارع تخريمة:- مرة رجعت شندي في يوم (التاسوعة) بالمناسبة كلمة تاسوعة دي شنداوية جدا لانو أولاد الخرطوم بيندهشوا لامن يسمعوها ، المهم في يوم تاسوعة رجعت شندي ولاقاني الاخ صلاح ود النزيهة في السوق وكانت الزحمة شديدة فلامني لاني عيدت عيد الفطر في الخرطوم وطبعا كان ذلك لاسباب قاهرة جدا ، صلاح قال لي بي نبرة حادة جدا (يا زول بتعيد العيد الصغير برة شندي والله انا مستغرب في ناس عطبرة ومدني ليه ما بيجوا يعيدوا في شندي وبعد العيد يرجعوا ) لكم الود وربنا يقدرنا نكتب عن أول زول أقابلو في الشارع وأنا إن شاءالله يوم الخميس الجاي ماشي شندي وقاعد فيها يومين اي زول عاوز حاجة معينة أصورها وأرسلها ليهو بكل سرور حسام عامر جمال الدين