التحية للدنمارك وصحفها وهى تضرب أروع مثل فى حرية التعبير رغم أنف المهاويس..

Quote: الأخت آمنة, التحية لك وأنت تقفى مع حرية التعبير. أويدك تماما, الجماعات التى تمارس العويل والصراخ لا تعرف شيئا عن قيم الديمقراطية وحرية التعبير التى تسمح بنقد الحكام والأديان بغير حدود طالما لم تحجر الآخرين من الرد فى حدود القانون الذى يشرعه الشعب عبر ممثليه فى البرلمانات الديمقراطية.

Quote: أغلبهم لايستطيع حتى شراء هذةالجبنة

..
السادة / طيور الظلام ..
السادة / عصافير الخريف .. عشاق الحرية ..
Cc To: الخواجة عــادل اسحق ..

واغلبهم ايضا يمكنهم أن يعيشون بكسرة الزرة وعجين الفتريته .. أو الدامرقه .. أو العصيدة وفي واحدين بتاعين قراريص ساكت ..
أهـا
الدنماركيين ديل في واحد فيهم بياكل (كمونية) يا اي حاجة من الاكسسوارات الجوانية دي يا ( اب غازي ) يا ( ام فتفت عليها اتيي ) يفك بيها طشمة الصباحية .. بالذات لما تكون بايته معاهـو ..؟
بعدين تعال عييب لي جبنة الدويم القاعدين يجيبوها في الجوالين المضروبة بوهية لونه كحلي ديك ..؟
طيب ( لافاش كيري ) الفرنسية دي مالا ..؟ العيب فيها شنـو ..؟
جبنة ابو الولـد .. المش المصري .. يعني لازم يكونو قادرين يشترو جبنة دنماركية علشان يعبرو عن شعورهم ..؟
بلاي ناس جبال الانقسنــا.. والحلالال البعد الدمازين .. وإنت ماشي على الكرمك وقيسان كدا .. الواحد فيهم.. يضرب في (بليلة) (العيش ) التلاتة وجبات .. كان بالغ خلاص .. بليلة (عدسي) .. يزرعو الزرة .. ويطحنوهو في (المرحاكة) ويضربون (البوزا) ويرضعونها لصغارهم .. ومافي شافع قال وااك .. أنا عايز (قشطــة) لورباك..
أو
جبنة مضفرة .. يضربون (الدقة) ويتبولون في جدار صمتهم الطويل .. وصريف مبني من قش النــال .. وقايم فيهو شجـر العوير .. الواحد فيهم لونو (كحلي) عديل كدا .. مش اسود .. كحلي عديل عديل كدا ..وسنونو بيضاااااء .. أبيض من جبنة (التلاتة بقرات الدنماركية) .. لكن كان ضحك في وشــك .. ينسيك حتى اسمك .. .. إذا زرتهم في بيتهم .. تجدهم هم الضيووف وانت رب المنزل .. الواحد كان ما عندو حاجة ممكن يضبح ليك ولدو .. لا يجيدون فن التصوير ولا الرسم ولا النحت .. ولا حتى الشعـر .. لكن يعرفون أن الله ربهم ومحمد (ص) رسولهم ..
وبي طيبتهم دي .. وضحكتهم السمحة دي .. وضبحانهم لي (حملانهم) دا ..
الواحد فيهم كان غلطت عليهو .. ممكن يركب فيك (بدينقه) .. كان حسبو ليك لحدي مية ما تقوم..
يا يلحقك (سفروق) غلا يكبو ليك موية حتين يفرتقوك من اللولوه الاتلولوتها من شدة اندفاع (السفروق) مع رد الفعل بتاع أم فتفت المذكورة اعــلاه ..
الناس دي ما بتاكل جبنة .. ولا بتقدر تشتريها .. لكن بتخاف الله ورسولو وما بتغلط ليها على زول..
اهــا
زي النوعية دي .. علاقتة بي عمر البشير شنـو ..؟ وعلاقته بالكيزان شنــو .. وعلاقته بي حرية نقد الاديان وديمقراطيتكم دي شنــو؟


تمبــس
الايامات دي خبير اقتصادي ..