|
Re: الدنيا سمع وشوف (Re: إسحاق بله الأمين)
|
الأخت الكريمة / منى سلام أهلنا الكبار( الأجداد والجدات)، هم منبع الحنان ومصدر الحنية، وهم مدرسة قائمة بذاتها، نجد عندهم ما لا نجده في قاعات الدرس. وكلامهم مليء بالحكم. "حبوبة" التومة لمن قالت الكلام دا كان عمرها ما يقارب الثمانين سنة ، وبالرغم من صرامتها إلا أنها كانت حنونة، وكان مرض زول من أهلها من جنبو ما بتقوم،وكان في زولاً عرس، يا ها هي البتعمل ليهو العديلة والجرتق، وتسيرو للبحر وتغسل ليهو وشو وكرعينو نفضاً للسبر، وكان زولاً مات من أهل الفريق، تقوم بتجهيز عنقريب الجنازة والبرش والحنوط .
كنا نجد للحياة طعماً خاصاً بجوار الحبوبة والجد، وبعدأن غادرنا الوطن واتشتتنا في بلاد الله الواسعة وطالت بنا سنوات الإغتراب، وأنجبنا أولادنا في بلاد المهجر، فقدنا الكتير وفاتنا الكثير، فقدنا حنان أهلنا الكبار وافتقدنا محنتهم وحرم أولادنا من حنان حبوباتهم وأجدادهم، "مساكين وليداتنا لا يعرفوا جد ولا جده ( ديل غير مامي ودادي ما بعرفو زولا تاني)، وكانت جيتي للجد، نحنا الأجرمنا في حقهم. شكراً يا منى على المرور والمشاركة بالتعليق.
"غيابي سببه" الدرفن" يا منى، وعشان نقدر نلبي ليهم رغباتهم اللا ليها حد ولا عد، لازم نشتغل 12 ساعة متواصلة، ودا برضو "ما جايب مريسة تامزينو". وربنا يهون.
|
|
|
|
|
|
|
العنوان |
الكاتب |
Date |
الدنيا سمع وشوف | إسحاق بله الأمين | 02-28-08, 04:03 PM |
Re: الدنيا سمع وشوف | خدر | 02-28-08, 04:07 PM |
Re: الدنيا سمع وشوف | Muna Khugali | 02-28-08, 04:21 PM |
Re: الدنيا سمع وشوف | محمد الطيب يوسف | 02-28-08, 04:13 PM |
Re: الدنيا سمع وشوف | محمد الطيب يوسف | 03-01-08, 01:03 PM |
Re: الدنيا سمع وشوف | إسحاق بله الأمين | 03-01-08, 01:39 PM |
Re: الدنيا سمع وشوف | إسحاق بله الأمين | 03-01-08, 02:34 PM |
Re: الدنيا سمع وشوف | إسحاق بله الأمين | 03-01-08, 02:51 PM |
Re: الدنيا سمع وشوف | مهدى الصادق السيد | 03-01-08, 04:17 PM |
Re: الدنيا سمع وشوف | إسحاق بله الأمين | 03-02-08, 03:24 PM |
|
|
|