|
|
 Re: مقاييس جمال المرأه السودانية وانوثتها (Re: محمد صباحى)
|
محمد صباحي
ازيك
وين يا زول من ديك وعيك
Quote: ما زال لكل مجتمع مقاييسه التي يقيم على أساسها جمال المرأة وأنوثتها.
قد تتغير هذه المقاييس داخل المجتمع بين جيل وآخر ولكن تبقى لكل
مجتمع خصوصيته في الجمال.
تتعامل المجتمعات البشرية مع قضية الجمال بصفة عامة بطرق مختلفة تتسم بالنسبية
فلا توجد مقاييس ثابتة للجمال، فهو يخضع للأذواق الشخصية والموروثات الاجتماعية
وفي كثير من الأحيان يخضع للصورة الذهنية المنطبعة حول الجمال ومبرراته.
والمرأة أحد تلك الأمور التي تتناولها مسألة الجمال إن لم تكن هي الأهم
والملاحظ أن النظرة الجمالية للمرأة في أغلب المجتمعات الحالية تتعلق
بجمال الجسد دون الروح.. |
اييك انت فتحت لينا باب ما ساهل
اولا السؤال الذي يطرح نفسه لماذا هذا السؤال في حد ذاته؟؟ بمعنى لمذا نركز على جسد المراة وتقييمه وفق منظرونا دونما سائر الخلوقات؟ افتكر من حقنا كنساء ان نطرح هكذا تساؤلات لان مبدا طرح السؤال في حد ذاته فيه تهميش وتغييب لانسانيتنا ، مع انك اشرت الى انك تود مناقشة الجوانب الحسية وتبعد عن اللا حسي ، ولكن هذا لا يمنع ان نرفض نحن هذا التساؤل لانه كما اسلفت فيه اشارة لتنميط نرفضه ، تنميط يحتو ي فما يحتوي ان النساء خلقن فقط ليعجب بهن الرجال وبالتالي من حق الرجال ان يفكروا ويصيغو المعايير الجسدية التي يريدونها في المراة.
كلامي بايخ مش؟
طيب وبعدين ، اذا اخذنا مدخلك حول عدم الخوض في مناقشة اللا محسوس ، هل نفس الاسئلة بتوجه للرجال هل النساء عندهن معايير جسدية فقط لتقييم الآخر؟؟؟ سؤال يطرح نفسه
وفوق كل ذا وذاك هو اصلا الغرض شنو من وضع المعايير هل هو من اجل اختيار شريكة حياة ام ماذا؟؟
اذا كانت الاجابة الاولي سبق وان طرحت استاذة سلمى بوست قريب من هذا واذكر انني حينها قلت لها
| Quote: طبعا انا السؤال ما موجه لي لكن لو عكست السؤال ووجهته لنفسي فبقول ليك اختياري بيختلف على حسب وعي (عمري) بافتراض ان الوعي يزداد بازدياد العمر فان كنت في الخامسة عشر فاكيد حاقول ليك احبه وسيما يجيد التغزل والكلام المعسول وانا في الخامسة والعشرون اقول احبه فاهما وواعيا وناضجا يحترمني كانسانا وابادله الاحترام كذلك واحب اكثر التفافنا على اسس مبداية ومنطلقات ايدولوجية و.... اما بعد ذلك ..... |
ما اردت الاشارة اليه هنا هو علاقة الرجل بالمراة تحكمها عوامل ومتغيرات كثيرة وعلى راسها سياقهم الثقافي ومنطلقاتهم الايدولوجية بالاضافة الي موازين القوى بينهما والتي في راي يلعب الدور الاقتصادي فيها الدور الاكبر.
كلا م ممل وبيشبه الكتب مش؟؟؟
هوي يا محمد اظني شطحت بعييد من بوستك كدي النرجع تاني ونفند معاييرك
Quote: أنا شخصياااااااااااااااااا بحب المراة
العيون الواسعه الكحيله
والعنق الصافي الطويل
والجسم الممتلئ
والشعرالأسودالطويل
والبشرة البيضاء الصافيه |
اووه يا محمد لكن النسوان العيونن صغارولا ضعاف ولا رقبتهن قصيرة حيلقوا زباين ولا حيروحو فيها ؟
اها جيتني للون
غايتو نحن قصتنا قصة مع اللون الابيض يا ربي هي عقدة مستعمر يعني رسخت في اذهاننا ان الابيض هو الاجمل؟ ولا شنو هل هذا يدخل في باب التمييز العنصري وثقافة الحداثة ووضع معايير التصنيف في ثنائيات متضادة ابيض اسود طويل قصير غربي شرقي رجل امراة ودوما المفردة التي تاتي اولا هي الافضل اكيد هذا المنحى الفيلوسفي لديه منتقدين كثر الذين يرون ان الثقافة الغربية ونظرياتها باي حال من الاحوال لا تصلح لتقود العالم ولا لوضع اسس له ولا معايير له ويجب لنا البعد عن الثنائيات المتضادة ونركن الى نظرية انا والآخر دونما وضع معايير قيمية على الاخر بمعنى سيادة قيمة الاختلاف من غير تقييم سلبي او ايجابي.
جنس وجع راس
اها عشان لونك الابيض البتحبو دة البنات هاريات روحن وصحتن بالكريمات عشان دايرات يبقوا بيض عشان يعجبو الرجال غايتو جنس محن
والقصة كلها في اللا محسوس يعني كدي قول لي حسع المراة سودا مالا عيبا لي شفت بيونسي ما هي سمرا فيها كلام وكتاار زيها ولكن هي ثقافة رسخت في اللا وعي لدينا ونترجمها لافعال واحاسيس نحب هذا ونكره ذاك.
سوري يا محمد على الاطالة لكن حسع انا بكلامي الكتبته دة كلو لو جيت سالتني اولادك كيف حا اقول ليك اي والله بتي الصغيرة حلاتا لونا ابيض وشعرا اصفر وطويل لو كان اسود كان اقول ليك نخطبا ليك لكن فطت ببنط
خلاصة القول هذه المعايير محفورة في الا وعي لدينا نحتاج لدرجة كبيرة من النقد والنقد الذاتي وتغيير مفاهيمي حول اسس تقييم الجمال اطلاقا واسس او معايير تقييم المراة لنركز عليها انسانا اولاواخيرا
فتك بعافية
اعذرني على الاطالة
صفية
|
|
 
|
|
|
|
|
| العنوان |
الكاتب |
Date |
 مقاييس جمال المرأه السودانية وانوثتها | محمد صباحى | 02-20-08, 03:19 PM |
| Re: مقاييس جمال المرأه السودانية وانوثتها | shammashi | 02-21-08, 05:33 AM |
| Re: مقاييس جمال المرأه السودانية وانوثتها | سميح جمال | 02-21-08, 06:17 AM |
| Re: مقاييس جمال المرأه السودانية وانوثتها | tasneem | 02-21-08, 09:20 AM |
| Re: مقاييس جمال المرأه السودانية وانوثتها | بشير جبريل علي | 02-21-08, 03:20 PM |
| Re: مقاييس جمال المرأه السودانية وانوثتها | محمد صباحى | 02-21-08, 10:22 AM |
| Re: مقاييس جمال المرأه السودانية وانوثتها | طارق زروق | 02-21-08, 12:49 PM |
| Re: مقاييس جمال المرأه السودانية وانوثتها | Safia Mohamed | 02-21-08, 11:10 AM |
| Re: مقاييس جمال المرأه السودانية وانوثتها | محمد صباحى | 02-21-08, 12:51 PM |
| Re: مقاييس جمال المرأه السودانية وانوثتها | Shayma | 02-21-08, 01:25 PM |
| Re: مقاييس جمال المرأه السودانية وانوثتها | محمد صباحى | 02-21-08, 01:59 PM |
| Re: مقاييس جمال المرأه السودانية وانوثتها | Safia Mohamed | 02-21-08, 02:33 PM |
| Re: مقاييس جمال المرأه السودانية وانوثتها | محمد صباحى | 02-21-08, 02:57 PM |
| Re: مقاييس جمال المرأه السودانية وانوثتها | محمد الامين محمد | 02-23-08, 01:56 PM |
| Re: مقاييس جمال المرأه السودانية وانوثتها | العوض المسلمي | 02-21-08, 02:04 PM |
| Re: مقاييس جمال المرأه السودانية وانوثتها | محمد صباحى | 02-24-08, 11:01 AM |
| Re: مقاييس جمال المرأه السودانية وانوثتها | بدرالدين كاجوري | 02-21-08, 02:43 PM |
| Re: مقاييس جمال المرأه السودانية وانوثتها | محمد صباحى | 02-21-08, 03:06 PM |
| Re: مقاييس جمال المرأه السودانية وانوثتها | Safia Mohamed | 02-21-08, 03:23 PM |
| Re: مقاييس جمال المرأه السودانية وانوثتها | Ishraga Mustafa | 02-21-08, 03:58 PM |
| Re: مقاييس جمال المرأه السودانية وانوثتها | محمد صباحى | 02-21-08, 04:16 PM |
| Re: مقاييس جمال المرأه السودانية وانوثتها | Mohamed Kheir | 02-21-08, 06:13 PM |
| Re: مقاييس جمال المرأه السودانية وانوثتها | محمد صباحى | 02-23-08, 10:59 AM |
 Re: مقاييس جمال المرأه السودانية وانوثتها | عبد الناصر الخطيب | 02-21-08, 10:32 PM |
| Re: مقاييس جمال المرأه السودانية وانوثتها | محمد صباحى | 02-23-08, 11:55 AM |
| Re: مقاييس جمال المرأه السودانية وانوثتها | ابوبكر يوسف إبراهيم | 02-23-08, 01:06 PM |
| Re: مقاييس جمال المرأه السودانية وانوثتها | محمد صباحى | 02-23-08, 01:28 PM |
| Re: مقاييس جمال المرأه السودانية وانوثتها | عبدالله كع | 02-23-08, 12:50 PM |
| Re: مقاييس جمال المرأه السودانية وانوثتها | محمد صباحى | 02-23-08, 01:39 PM |
| Re: مقاييس جمال المرأه السودانية وانوثتها | Mohamed E. Seliaman | 02-23-08, 02:02 PM |
|
| |
Safia Mohamed
فيس بوك
تويتر
انستقرام
يوتيوب
بنتيريست