|
|
 Re: فيديو الأنبا ماكسيموس : بالوثائق مليون و 800 ألف قبطي إعتنقوا الإسلام! (Re: Frankly)
|
جوهر الخلاف مع الكنيسة القبطية
أحمد منصور: أهلا بكم من جديد، بلا حدود من القاهرة، ضيفنا ماكسيموس. موضوعنا عن خلافه ومستقبل كنيسته في ظل الأحكام التي صدرت ضده، ما هي الأشياء الأساسية أو جوهر ما تدعو إليه كما قلت لك؟
ماكسيموس: أولا عايز أؤكد وأحدد، أنا لست في خصومة ولا خلاف لا مع البابا شنودة ولا مع أساقفة مجمعه في كنيسة الإسكندرية. أنا في قضية مع شعبي، والقضية التي أكافح لأجلها مع شعبي تتضمن النقاط التالية، واحد أن مليون وربع على الأقل، ده نزلتهم مليون وربع علشان خاطرك، لكن...
أحمد منصور(مقاطعا): علشان خاطري ليه؟ حتبقشش علي...
ماكسيموس(متابعا): حأعمل لك إيه؟! قلت دول كثير، الـ (سي.دي) بيقول إنهم مليون و ثمانية من عشرة، مليون وربع...
أحمد منصور(مقاطعا): يعني حتبقشش علي بنصف مليون.
"
مليون وربع تركوا المسيحية وأشهروا إسلامهم بشهادة اللجنة الخماسية برئاسة الأنبا باخميوس مطران البحيرة بهدف الحصول على أحكام بالتطليق
"
ماكسيموس(متابعا): مليون وربع تركوا المسيحية وأشهروا إسلامهم بشهادة اللجنة الخماسية برئاسة الأنبا باخميوس مطران البحيره. اثنين، أن أعداد إحصائيات الأقباط الذين تقدموا، الإحصائيات الرسمية، إلى المحاكم علشان يحصلوا على أحكام بالتطليق وصلت إلى هذه الساعة إلى ثلاثمائة ألف حالة. ثلاثة..
أحمد منصور(مقاطعا): المحاكم العادية، ليست المحاكم الكنسية؟
ماكسيموس(متابعا): المحاكم العادية. ثلاثمائة ألف حالة من سنة 1971 لغاية النهارده. الثلاثمائة ألف دول حصل منهم على أحكام طلاق بناء على إحصائية ذكرتها صحفية قبطية معروفة، في كتابها...
أحمد منصور(مقاطعا): مين الصحفية دي؟ وما كتابها؟
ماكسيموس(متابعا): الصحفية كريمة كمال في كتابها عن طلاق الأقباط، أنه لحد سنة 2000 كان رقم اللي حصلوا على أحكام طلاق فعلية 160 ألف، وأن هذا الرقم زاد عشرين ألف أخريات، بقينا في 180 ألف حالة طلاق، وهؤلاء المطلقين مش عارفين يعيشوا، مش عارفين يلاقوا..
أحمد منصور(مقاطعا): ليه مش عارفين يعيشوا؟
ماكسيموس(متابعا): ممنوع الجواز للمطلقين، لسه..
أحمد منصور(مقاطعا): سواء للرجال أو النساء؟
ماكسيموس (متابعا): نعم. ثلاثة، لا أحد يعرف إحصائية حقيقية لعدد الأساقفة والكهنة والرهبان والخدام الذين طردوا من وظائفهم بدون محاكمة أو بمحاكمات تفتقر إلى أبسط قواعد العدالة. وعدد الرهبان اللي جاؤوني فعليا والقصص اللي سمعتها وتدمي القلب لرجال سابوا الدنيا كلها وشباب باعوا كل شيء وراحوا يترهبنوا ويصدر ضده الحكم بإيه؟ روح بيتكم. ويجيء شاب في ثلاثينات العمر يقول لي روحت بيتنا ما لقيتش بيتنا، لقيت البيت توزع فنزلت ضيفا على أخي وزوجة أخي. ومش حأقول طبعا هنا عالهوا المشاكل والمعاناة اللي عاناها هؤلاء الرجال...
أحمد منصور(مقاطعا): دول ما لهمش أي استئناف ولا أي مرجعية ولا أي شيء؟
ماكسيموس (متابعا): ولا أي شيء، أنت تطلع للشارع واللي معاك اعمله! خلاص صدر الأمر بإعدامك.
أحمد منصور: في عددها الصادر في خمسة يناير الماضي، "مصر اليوم" قالت إنه بعض المعترضين على قرارات البابا بعزل القمص بنيامين الأنبا بولا عن الخلافة لمدة عام وتحديد إقامته بدير الأنبا بولا في البحر الأحمر، تلقوا دعوة للانضمام إلى كنيستك أنت. ألست تثير الشقاق في الكنيسة؟ يعني أنت الآن قاعد..
ماكسيموس (مقاطعا): أنا لم أقدم دعوة لأحد!
أحمد منصور(متابعا): أنت قاعد الآن مستني كل اللي بيتطرد وكل اللي بيغضب عليه وكل اللي بيترفد وعايز تعمل مشاغبة وتعمل وتلم المشلوحين والمغضوب عليهم واللي كذا وتعمل مشاكل.
ماكسيموس: No, No أنا لم أقدم دعوة لأحد، ولكني أفتح أبواب كنيستي لكل مظلوم ولكل مستجير علشان أعينه على أن يعيش حياة كريمة ويواصل خدمته أو عبادته لله أو حياته بأي شكل من الأشكال. لسه ما قلناش بقية الحاجات...
أحمد منصور(مقاطعا): أنت الآن قلت لي ثلاثة حاجات، أول حاجة موضوع...
ماكسيموس (مقاطعا): الذين أشهروا إسلامهم...
أحمد منصور(مقاطعا): ثاني حاجة الطلاق..
ماكسيموس (متابعا): الذين تسربوا إلى الطوائف الإنجيلية..
أحمد منصور(مقاطعا): طيب وأنت حترجع دول ثاني ولا إيه؟
ماكسيموس (متابعا): لا إحنا بنحصي الكنيسة فقدت قد إيه، فقدت قد إيه..
أحمد منصور(مقاطعا): الطلاق.
ماكسيموس (متابعا): حالات الطلاق ومع..
أحمد منصور(مقاطعا): رابع حاجة المحاكمات الكنسية.
ماكسيموس (متابعا): المحاكمات الكنسية. خامس حاجة مأساة التعليم، أن..
أحمد منصور(مقاطعا): أي تعليم؟ التعليم الكنسي؟
ماكسيموس (متابعا): التعليم الكنسي. أن من يحمل لقب أستاذ اللاهوت في كليات اللاهوت غير حاصل على درجة بكالوريوس في اللاهوت. في الوقت اللي فيه المجمع بتاعنا، اللي بيوصف بكل الصفات اللي أنت سمعتها وقرأتها، ما بيرسمش الأسقف إلا إذا كان حاصل على درجة دكتوراه في اللاهوت.
أحمد منصور: ده مجمع مشلوحين، كلكم مشلوحين ومغضوب عليكم من كل حتة، وملمومين في نبراسكا وعاملين كنيسة.
ماكسيموس: كذب وافتراء. يعجز أي شخص عن أن يثبت بالدليل حرف واحد منه.
أحمد منصور: وماشيين في طريق ضلال ورايحين جهنم.
ماكسيموس: كذب وافتراء. يعجز، وأنا أتحدى الآن على الهواء، أن يقيم واحد ممن يدعون، الدليل على صدق ما يقول. في الوقت اللي فيه أنا مقدم شهادة من حاكم ولاية نبراسكا بقانونية المجمع اللي عنده وبأنه جزء من المجمع اليوناني للتقويم القديم وهو مجمع عالمي.
أحمد منصور: اللي أنت بتعمله ده أليس تشنيعا على الكنيسة القبطية؟
ماكسيموس: أنا ما جيتش ناحية الكنيسة!
أحمد منصور(مقاطعا): ما هو أنت عمال تقول أهه، محاكمات كنسية، تعليم، تطليق. مش ده تشنيع؟
ماكسيموس (متابعا): أنا بتكلم عن المتبهدلين مش عن الكنيسة.
أحمد منصور: وأنت حتنقذهم؟
ماكسيموس: نعم، أنا أسعى لإنقاذ...
أحمد منصور(مقاطعا): تنقذهم إزاي وأنت متهم أنك ماشي في طريق الضلال؟!
ماكسيموس: اتهام بلا دليل، بلا قيمة. مش أي حد يصدر اتهامات على عواهنها تصبح ذات قيمة.
أحمد منصور: الكنيسة الكاثوليكية والبروتستانتية غاضبة غضبا شديدا جدا لأن الأنبا بشويه أسقف دمياط، سكرتير المجمع المقدس واللي يقال إنه الأكثر ترشحا أو الأكثر نفوذا لخلافة الأنبا شنودة، في منتصف مارس من العام الماضي 2007 هجم على الأرثوذكس ووصف مذاهبهم بأنها كاذبة وأتباعها كفرة...
ماكسيموس (مقاطعا): عالبروتستانت قصدك، Sorry..
أحمد منصور(متابعا): ولن يدخلوا.. عفوا عالبروتستانت عفوا. ولن يدخلوا ملكوت السموات. حسب الفتوى دي الكاثوليك والبروتستانت مش حيدخلوا ملكوت السموات، أنت بقى حتدخل ملكوت السموات؟
ماكسيموس: طيب يا ريت على قد مش حيدخلوا ملكوت السموات! دي الفتوى أن زواج البروتستانت باطل وهو نوع من الزنا، ما تزعلش مني. وإذا كان زواج البروتستانت باطل، أمال يبقى زواجك أنت إيه؟
أحمد منصور: البروتستانت؟
ماكسيموس: أيوه. إذا كان زواج..
أحمد منصور(مقاطعا): لا لا أنا حاجة ثانية مالكوش دعوة بي، خليكو في بعض.
ماكسيموس: أمال زواج كل اللي بيشاهدونا إيه؟ إذا كان زواج البروتستانت باطل! وإذا كان الكلام ده بيتقال علانية وبحرية! وأنا اللي رايح جهنم!
أحمد منصور: ده أنت رايح جهنم يعني الحمرا (ضحك).
ماكسيموس: أنت كمان زواجك باطل زي البروتستانت، وزي..
أحمد منصور(مقاطعا): لا أنا بقى مالوش دعوة بي، هو يخليه في البروتستانت والكاثوليك.
ماكسيموس (متابعا): وزي كل اللي في كنيستنا ومجمعنا..
أحمد منصور(مقاطعا): هو يا ريت على حد الزواج..
ماكسيموس (متابعا): مش أنا لوحدي، وأنت كمان.
أحمد منصور: ده هو قال إن مذهبكم فاسد وأتباعكم كفرة.
ماكسيموس: أديني أثبت لك أهو، البروتستانت زواجهم زنا وجنابك وجميع المشاهدين وأنا ومجمعي زواجنا باطل!
أحمد منصور: الرجل ده مرشح يكون بابا! يكون بطريرك.
ماكسيموس: إزاي الكلام ده يتقال ويسمع ويسكت عليه، يعني إحنا فين؟!
أحمد منصور: ما هم الناس غضبوا وعبروا عن غضبهم.
ماكسيموس: يعني إيه غضب؟! غضب ده، ده كلام في الهواء. لازم يبقى في اعتذار رسمي عن هذا الكلام.
أحمد منصور: موضوع التكفير منتشر بشكل كبير، أنا كنت فاكره بس عند المسلمين، لقيت المسيحيين بيكفروا بعض تكفير على أعلى مستوى.
ماكسيموس (مقاطعا): طيب وتقول لي أنت بتسعى لإيه؟!
أحمد منصور(متابعا): يعني المجمع المقدس في 22 فبراير 2007 بحضور جميع أساقفته عددهم 95 أسقفا يمثلون جميع كنائس مصر أتباع للبابا شنودة، صدق على فتوى مجمع كهنة القاهرة التي اعتبرت جورج حبيب بيباوي عميد المعهد الإكليريكي للمسيحيين الأرثوذكس في إنديانا كافرا ولا يتبع للعقيدة المسيحية الأرثوذكسية بأي حال، وأوصوا بإخراج بيباوي من طائفة المؤمنين، على جهنم، واعتباره مطرودا من الكنيسة.
ماكسيموس: وبدون محاكمة، وبدون فرصة للرجل أن يدافع عن نفسه بكلمة!
أحمد منصور: إذا دول كفرة، أمال أنت إيه؟
ماكسيموس: ده إحنا مش عايشين في القرن 21، ده إحنا عايشين في القرن 21 قبل الميلاد. أنك تحكم على الناس وتكفّر الناس بدون محاكمة وبدون فرصة أن يدافعوا عن أنفسهم وأن الكلام ده يمر بهذه السلاسة..
أحمد منصور (مقاطعا): يدافع في الآخرة بقى.
ماكسيموس (متابعا): لا، هنا ماكسيموس بيدافع في الدنيا مش في الآخرة.
|
|
 
|
|
|
|
|
| العنوان |
الكاتب |
Date |
 فيديو الأنبا ماكسيموس : بالوثائق مليون و 800 ألف قبطي إعتنقوا الإسلام! | Frankly | 02-09-08, 03:36 PM |
| Re: فيديو الأنبا ماكسيموس : بالوثائق مليون و 800 ألف قبطي إعتنقوا الإسلام! | Frankly | 02-09-08, 03:40 PM |
| Re: فيديو الأنبا ماكسيموس : بالوثائق مليون و 800 ألف قبطي إعتنقوا الإسلام! | Balla Musa | 02-09-08, 05:27 PM |
| Re: فيديو الأنبا ماكسيموس : بالوثائق مليون و 800 ألف قبطي إعتنقوا الإسلام! | amir jabir | 02-10-08, 00:17 AM |
| Re: فيديو الأنبا ماكسيموس : بالوثائق مليون و 800 ألف قبطي إعتنقوا الإسلام! | Frankly | 02-10-08, 09:37 AM |
| Re: فيديو الأنبا ماكسيموس : بالوثائق مليون و 800 ألف قبطي إعتنقوا الإسلام! | Frankly | 02-10-08, 02:12 PM |
| Re: فيديو الأنبا ماكسيموس : بالوثائق مليون و 800 ألف قبطي إعتنقوا الإسلام! | Frankly | 02-11-08, 00:26 AM |
| Re: فيديو الأنبا ماكسيموس : بالوثائق مليون و 800 ألف قبطي إعتنقوا الإسلام! | Frankly | 02-11-08, 01:25 PM |
| Re: فيديو الأنبا ماكسيموس : بالوثائق مليون و 800 ألف قبطي إعتنقوا الإسلام! | Frankly | 02-11-08, 05:57 PM |
| Re: فيديو الأنبا ماكسيموس : بالوثائق مليون و 800 ألف قبطي إعتنقوا الإسلام! | Frankly | 02-12-08, 02:52 PM |
| Re: فيديو الأنبا ماكسيموس : بالوثائق مليون و 800 ألف قبطي إعتنقوا الإسلام! | الصادق الخليفة | 02-12-08, 02:59 PM |
| Re: فيديو الأنبا ماكسيموس : بالوثائق مليون و 800 ألف قبطي إعتنقوا الإسلام! | Frankly | 02-12-08, 05:37 PM |
| Re: فيديو الأنبا ماكسيموس : بالوثائق مليون و 800 ألف قبطي إعتنقوا الإسلام! | Frankly | 02-12-08, 09:36 PM |
| Re: فيديو الأنبا ماكسيموس : بالوثائق مليون و 800 ألف قبطي إعتنقوا الإسلام! | Frankly | 02-13-08, 11:43 AM |
| Re | Waeil Elsayid Awad | 02-13-08, 03:24 PM |
| Re | Waeil Elsayid Awad | 02-13-08, 03:27 PM |
| Re: Re | Frankly | 02-13-08, 07:27 PM |
| Re: فيديو الأنبا ماكسيموس : بالوثائق مليون و 800 ألف قبطي إعتنقوا الإسلام! | fadlabi | 02-13-08, 07:34 PM |
| Re: فيديو الأنبا ماكسيموس : بالوثائق مليون و 800 ألف قبطي إعتنقوا الإسلام! | Frankly | 02-14-08, 08:32 AM |
| Re: فيديو الأنبا ماكسيموس : بالوثائق مليون و 800 ألف قبطي إعتنقوا الإسلام! | Frankly | 02-14-08, 11:06 AM |
| Re: فيديو الأنبا ماكسيموس : بالوثائق مليون و 800 ألف قبطي إعتنقوا الإسلام! | Frankly | 02-14-08, 09:26 PM |
| Re: فيديو الأنبا ماكسيموس : بالوثائق مليون و 800 ألف قبطي إعتنقوا الإسلام! | Frankly | 02-15-08, 00:12 AM |
| Re: فيديو الأنبا ماكسيموس : بالوثائق مليون و 800 ألف قبطي إعتنقوا الإسلام! | Frankly | 02-15-08, 09:24 AM |
| Re: فيديو الأنبا ماكسيموس : بالوثائق مليون و 800 ألف قبطي إعتنقوا الإسلام! | Frankly | 02-16-08, 09:42 PM |
| Re: فيديو الأنبا ماكسيموس : بالوثائق مليون و 800 ألف قبطي إعتنقوا الإسلام! | Frankly | 02-19-08, 04:29 PM |
| Re: فيديو الأنبا ماكسيموس : بالوثائق مليون و 800 ألف قبطي إعتنقوا الإسلام! | Frankly | 02-20-08, 03:53 PM |
| Re: فيديو الأنبا ماكسيموس : بالوثائق مليون و 800 ألف قبطي إعتنقوا الإسلام! | Frankly | 02-24-08, 08:25 AM |
|
| |
Frankly
فيس بوك
تويتر
انستقرام
يوتيوب
بنتيريست