دعوة لجميع أحزاب القوى الحديثة للتجمع والتوحد في (حزب العمل) في إطار السودان الجديد.

Quote: علي عبداللطيف ـ اخ عبيد نشوف اقتراحك لي تكوين جمعية جديدة بدل جعية الاتحاد التي حلت بعدما انكشف معظم اعضائها ومشروعاتها لمكافحة الاستعمار عبيد حاج الامين ـ تمام يأخ علي كلامك تمام وزي ماقلت نحن اختلفنا عن الرفاق في جمعية الاتحاد السوداني لانهم بفتكروا المسالة انكشفت وغالبا مايقوم الانجليز بالقضاء عليهم وعلي الفكرة وينتهي الكفاح المسلح دي وجهة نظرهم في اخر منشور وزع لينا. لكن انحنا بنفتكر انو لازم نواجه الانجليز مواجهة قوية ومهما كانت النتيجة ومهما كانت التضحية بالسجن او الموت عشان مايحاولو فصل قضية مصر لانو وادي النيل عندو قضية واحدة وكفاح مشترك والحرية للشعبين في مصر والسودان حسن المطبعجي ـ فعلا يأخ عبيد وكلامك معروف لدينا عبيد ـ انا عارف انك عارفو وكلنا عارفينو لكن جبت الموضوع ده بالتفصيل كده عشان نسجلو في اول محضر لاجتماعنا الاول من اجل الحقيقة وللتاريخ واننا لم نخرج من جمعية الاتحاد ولكنها فكرت في حل نفسها واختلفنا معها عشان كدة انحنا عايزين نعمل جمعية ثانية اولادنا بعدين في المستقبل يعرفوا الحقيقة والتاريخ علي عبداللطيف ـ طيب ياجماعة بعد كلام الاخ عبيد افتكر ممكن نبداء اجتماعنا وكلنا وصلتنا مذكرة الاخ عبيد حاج الامين واقتراحه في تكوين جمعية جديدة تعمل من اجل الكفاح المشترك لشعبي وادي النيل نحنا يارفاق نخطو اول خطوة في عمل الجمعية الفتية هذه اليوم نبداء اول عمل لينافي جمعينا الجديدة واكرر عاوزين نواصل العمل الوطني والكفاح ضد المستعمر ولا خلاف سياسي بيننا وبين الاخوان في جمعية الاتحاد السوداني وكلما كان هنالك اختلاف في اسلوب العمل بعد تفكيرهم في حل الجمعية واليوم نريد ان نحدد دستور الجمعية الجديدة

(عدل بواسطة Abdel Aati on 02-26-2008, 10:30 AM)