|
Re: آية اللؤم العظمى( محمد المكي إبراهيم ) (Re: محسن خالد)
|
محسن خالد أولا بالتبادي أنا بعرفك-يمكن اكتر منك- لمن تكون موجود في النت أو غائب، متابعك المداخلة بالمداخلة. وأثناء الليركس كنت حايص في دول العالم التالت، حتات النت ما بديك حسنة أكتر من تقراء، لكن تضغط الماوس، رد. وأضف رد. وشاهده قبل نشره. دي طينة لْكة ما تدخل فيها. لكن رغم كده كان الليركس بهار الإجازة المرقت ليها. المهم خلاصة الحديث مشتاقين وايد وايد وتلفونك عكران. بقي ما بوصل ليك. موضوع البوست يا سيدي زي ما قال عصام دي صراعات الأنا في بعضها البعض ولا يغرنك تلبسها ضمير الجماعة. وأنا ما عندي فيها دور. إهتميت بي الموضوع كنت بمني نفسي بمتعة في طريقة السرد لقيتو ليك يا كافي البلاء لا متعة سرد،لا صعلقة، خسارة الكوفي الشتتها في راسي. لكن وبما إنك هنا رايك شنو في نوع الكتابة (الكتابة) يعني المفردة بتاعة ود المكي الفوق دي؟ بإعتبارو بطل من العصر الذهبي. الأسافير خلقت نوع كتابة جديدة. المفردة وتذوق المفردة ذاتو إختلف. شفت لغة الخطاب بتاعة ود المكي الفوق دي رتيبة كيف؟ أها النبي فوقك اي واحد من أدباء الاسافير ديل لو إتعرض ليهو حسن موسى بالطريقة الهجم بيها ود المكي دي مش كان الرد بكون أمتع من كدة؟ والكوفي لامن تبرد ما أشربا (لكن طبعاً ما لدرجة سجيمان زي ما بقول عصام).
Quote: عن نفسي أنا مهتم فعلاً وجداً بقراءة تلك الأيام القديمة كصراعات على نحو معاصر. |
أها كلامك الفوق ده كلام زول تفتيحة، الصراعات القديمة بأدوات قديمة مزحومة بالمطايبة ونظرية لا يفسد للود قضية الكشحوها ناس موسى وبولا دي في وش القريب والغريب وهو الشرك الذي يقع فيهو ود المكي. ودي الحتة القلت لي عصام أنا شفقان عليهو فيها. محسن: الحاجات البتعمل فيها مع احمر كالخجل دي انا ما قدرا. خلينا نتناضم الخشم بالخشم
|
|
|
|
|
|
|
العنوان |
الكاتب |
Date |
آية اللؤم العظمى( محمد المكي إبراهيم ) | mutwakil toum | 01-29-08, 06:43 PM |
Re: آية اللؤم العظمى( محمد المكي إبراهيم ) | mutwakil toum | 01-29-08, 06:45 PM |
Re: آية اللؤم العظمى( محمد المكي إبراهيم ) | mutwakil toum | 01-29-08, 06:48 PM |
Re: آية اللؤم العظمى( محمد المكي إبراهيم ) | esam gabralla | 01-29-08, 10:49 PM |
Re: آية اللؤم العظمى( محمد المكي إبراهيم ) | محسن خالد | 01-30-08, 00:32 AM |
Re: آية اللؤم العظمى( محمد المكي إبراهيم ) | mutwakil toum | 01-30-08, 02:11 AM |
Re: آية اللؤم العظمى( محمد المكي إبراهيم ) | mutwakil toum | 01-30-08, 02:21 AM |
Re: آية اللؤم العظمى( محمد المكي إبراهيم ) | mutwakil toum | 01-30-08, 02:22 AM |
Re: آية اللؤم العظمى( محمد المكي إبراهيم ) | mutwakil toum | 01-30-08, 02:25 AM |
Re: آية اللؤم العظمى( محمد المكي إبراهيم ) | mutwakil toum | 01-30-08, 01:12 AM |
Re: آية اللؤم العظمى( محمد المكي إبراهيم ) | محمد حيدر المشرف | 01-30-08, 00:59 AM |
Re: آية اللؤم العظمى( محمد المكي إبراهيم ) | Emad Abdulla | 01-30-08, 03:20 AM |
Re: آية اللؤم العظمى( محمد المكي إبراهيم ) | سيف النصر محي الدين محمد أحمد | 01-30-08, 03:42 AM |
Re: آية اللؤم العظمى( محمد المكي إبراهيم ) | محمد حيدر المشرف | 01-30-08, 04:12 AM |
|
|
|