|
Re: يا يا سر مبيوع ...... أجمع هنا سريعاً !! (Re: عثمان دغيس)
|
الدغيس..حبابك
صحيح مصيرو الحي بيلاقي..
لمحتك في منزلة الفقيه ..(The jurist ) احمد عثمان..الذي استنطق سجيله .. صديق محمد عثمان.. في مناظرة فريدة في نوعها.. في محاولة فهم ما كان..و قلت نسلم عليك.. لكن ..! تكالبت على جيوش الذكرى.. و استحضرت كل الوجوه.. ياخي لغاية فرح محمد احمد (فرح العريبي)..و مابين ذلك من اسامي جكس صارت طشاش طشاش..و لكنها تعرف كيف تكتب حضورها بوسائلها الخاصة جدا..انت الجكس النضيف بعد ما يتخرج بيمشي وين يا الدغيس؟
ياخي ..كان السودان بلد حدادي مدادي.. و بره وحيد فقط .. بر السودان يا عتمان.. سره باتع.. فهو شرقا..و نحن للصلاة نيمم شرقا..و للحج نيمم شرقا.. و للإغتراب نيمم شرقا و الدغيس من ضمن خلق الكريم.. ايضا .. كانت حضرته ان يا دغيس يمم شطر شوقك شرقا.. فسبحان الذي جعل لنا من بعضه منهل الحنين شرقا (دي مخصوصة عشان نسطح باستاذنا ابو ساندرا..و حرم ما نديه سر الصلاة الدغيسية دي الإ بعد أن يدفع بياضا)..
ذهبوا في زحمة السنين العتية..و تبقت منهم وجوههم الخواطر.. غتاتة خالد بله.. اسكت ساكت خليها.. ياخي عمك عثمان حسين بيغني في البزنس اسكول.. و خالد يزحف..و يزحف.. لغاية ما لقى ليهو فرقة سلم على الأسطين العملاق..و قالو.. غني لي غنية بعينها.. اطرق الأسطين..و نزلة منو دمعة (على غرار تلك التي لم يمنعها حضور الأمة مجتمعة)..و امتشقى صالة المسرح..و و لملم خالد بله حنينه..و يمم شطر البركس..فكانت سماء السودان .. رغم كثافة الغبار.. تجود بهالات القمر .. البهية.. فيضحك خالد بله بكية..و نحاول نحن أن نستعدل الحال بالتصبير على نائبات الحنين..
محمد هاشم.. ياخي ناس الحاج يوسف ديل غايتو عندهم جنس محن.. نقول ليهم البحر درويش.. يقولوا ليك (الوليد)..و في معمعمة غلاطنا ذاك.. تسرقنا السنين ..و يسخر المولي (بسبب البحر درويش حسب قولنا..و الوليد بحسب قول محمد هاشم) لعبد العظيم أن يفك كفة بنطلونه التي قصرها سنة..ثم يبذل كفه مصافحة بعد أن كاد يصيبها الصدأ ..و صمت السنين..وقتها اعلن حامد الطيب (الجعلي) انه اتهزم (على غرار مرسي الزناتي)..وخرج مغلوب اربعة صفر.. فصابته ام هلا هلا..فاختار بر السودان.. و هو يحرم (كجعلي قح)..البيخلي الدغيس يشرق.. اشمعنا ما يشرق بي.. ها ناس الله هو .. دي مراكب الحنين حكمت.. شنو قولكم معاها؟..
و محمد هاشم محنو محن ياخي..يومو الحفظ ليهو حديث نبوي شريف.. حفظ حديث الكراع..و جا يقشر بيهو.. وفي منو؟.. في ناس واحدين كده.. فيهم غنة و لجنة .. تودي العالم كلو التوج..و لأن اخوك سيد هذا الحديث .. بدوي و زول الله ساكت.. كان له حس تجاه الخطر المحدق.. فنظر.. و رأي ..يا لهول ما رأي ..قدم لامع مجهبذ.. يتنصل عن الحذا ء اب كعبا مسمار..و سحبه اخوك.. و قال ليهو قدامي يا محمد هاشم.. ياخي ربك ستر..و كان وشه ح يتشوه..و نبقى في غاغة مخطط يساري..و ما شابه..
و في حضرة التياب البهية نقيف.. كما خلق الله..اجملها توب الدويمات..و توب مدني السني..و اخر من دنقلا..و توب دنقلا يا الدغيس.. اذكر له في قاعة بابكر عبد الحفيظ.. أن صابته زهجة تجاه أنس الكافر.. فلم يمنعه الوقار من أن يقول لأنس (انعل دينك يا انس)..ياخي دي أجمل سبة دين على وجه الأرض .. حتى الآن.. لم يكسرها رقم جديد.. و انا ارى فيها جمال السوداني العادي..و تلقائيته التي لا تمنعه أن يعبر عن ذاته.. حتى لو كان ..محكوما بالحجاب مظهرا..و بالتوب جوهرا..و بنون النسوة قهرا..و بالكوزنة نهجا.. عالم جميلة بشكل..ياخي..
و نصر الله.. تبهره العوالي حينما تشمخ بمقدماتها.. فيصير يتغبى فينا العرفة.. حينما نشاركه الرؤية.. نقول ليهو يا نصر الله خلى بالك من الضحكة الرنانة..و جرسها الصهيل.. يقول ليك شن عرفكم.. البحب العالي .. الله بيعلي مقامو..و صار يحلم بالعلو.. حتى صابته حسرة..و بقينا نحن في موقف الشامتين.. نكتب تأريخ الضحكة الرنانة..
عبد الباقي الجزولي.. ياخي ده زول جميل بشكل..في البركس شيخ الساخرين الجميلين..و في الكلية مسكين مسكنة السنين.. عندو ليك تجليات شديدة بشكل.. يا عبد الباقي شن لاماك في الأسامي..؟ يقول ليك الأسامي خلوها.. اسمعوا اللجنات..ياخي انا لمن مرقت من الجامعة.. كنت عارف عشرومية لجنة بسبب عبد الباقي.. اها .. غراموا بالأسامي مرة دخلو ليك في حيص بيص..لأنو القائمة فيها ملوك..و يشيل و يغني لينا في غنية الكابلي يا بت ملوك النيل...وواحدة تانية لخضر بشير..و لمن شاف الشغلانة.. ياخي زولك كفر بالقوائم ..و الأسامي كلها.. ووكتها كان ابكر ادم يباصر قصيدته صوت الوتر السادس..و يقول ليك لا تثق بالجامعة..و اللافتات اللامعة.. عبد الباقي يهرب لنا في غابة البركس..و كانت دار درك وكتها يا الدغيس..قصايد ازهري شرشاب..اها نحن قامين واقعين (احتاج امرأة مبدأ.. تبقى بالداخل لا تصدأ) لمن مرقنا في ام طرقا عراض..
صحيح الحي مصيرو بيلاقي..
و اقول لإبراهيم الشيوعي..و احمد ضي النور.. كيتا فيكم.. سبحان الذي اسكن الموج سر البراءة..و منحه ثوبا منقى من لمعة الفرح الطفولي العجيب.. فضاع نصف الأمة..و صار نصفها الأخر مشتتا في فلوات الكون يكتب معلقة الأشواق الحادية عشر..
ا..زول.. جنس كلام كتير في الراس..من زمن قبيل .. لغاية زمن سرقة ياني للدليب..
يا زول الكلام كتر..
حبابك..و مبروك الزواج ..و الخلفة كمان..
و سلام لعلي سند..عتمان الجعلي..جمال على التوم..عبد الباقي الجزولي.. و غالب..و خالد بله..و انس ..محمد هاشم..وحامد الطيب..و كل الأصدقاء و الصديقات هناك.. و سلام لأحمد عتمان عمر..و الأستاذة منال..و قول لأحمد .. كعهدك انت الوحيد من الموحدين الشديدين..
نقرئك السلام يا الدغيس..
و نعتذر لصديقنا ياسر و زوار البوست على البهلة..
كبر
|
|
|
|
|
|
|
العنوان |
الكاتب |
Date |
يا يا سر مبيوع ...... أجمع هنا سريعاً !! | عثمان دغيس | 01-28-08, 06:39 AM |
Re: يا يا سر مبيوع ...... أجمع هنا سريعاً !! | عثمان دغيس | 01-28-08, 06:54 AM |
Re: يا يا سر مبيوع ...... أجمع هنا سريعاً !! | عثمان دغيس | 01-28-08, 06:55 AM |
Re: يا يا سر مبيوع ...... أجمع هنا سريعاً !! | أبو ساندرا | 01-28-08, 07:32 AM |
Re: يا يا سر مبيوع ...... أجمع هنا سريعاً !! | عثمان دغيس | 01-28-08, 08:46 AM |
Re: يا يا سر مبيوع ...... أجمع هنا سريعاً !! | مبيوع | 01-28-08, 09:16 AM |
Re: يا يا سر مبيوع ...... أجمع هنا سريعاً !! | مبيوع | 01-28-08, 07:56 AM |
Re: يا يا سر مبيوع ...... أجمع هنا سريعاً !! | أبو ساندرا | 01-28-08, 08:20 AM |
Re: يا يا سر مبيوع ...... أجمع هنا سريعاً !! | haroon diyab | 01-28-08, 08:24 AM |
Re: يا يا سر مبيوع ...... أجمع هنا سريعاً !! | عثمان دغيس | 01-28-08, 08:50 AM |
Re: يا يا سر مبيوع ...... أجمع هنا سريعاً !! | مبيوع | 01-28-08, 09:28 AM |
Re: يا يا سر مبيوع ...... أجمع هنا سريعاً !! | عثمان دغيس | 01-28-08, 09:40 AM |
Re: يا يا سر مبيوع ...... أجمع هنا سريعاً !! | مبيوع | 01-28-08, 09:55 AM |
Re: يا يا سر مبيوع ...... أجمع هنا سريعاً !! | أبو ساندرا | 01-28-08, 10:02 AM |
Re: يا يا سر مبيوع ...... أجمع هنا سريعاً !! | مبيوع | 01-28-08, 10:13 AM |
Re: يا يا سر مبيوع ...... أجمع هنا سريعاً !! | أبو ساندرا | 01-28-08, 10:22 AM |
Re: يا يا سر مبيوع ...... أجمع هنا سريعاً !! | مبيوع | 01-28-08, 11:44 AM |
Re: يا يا سر مبيوع ...... أجمع هنا سريعاً !! | عثمان دغيس | 01-28-08, 10:42 AM |
Re: يا يا سر مبيوع ...... أجمع هنا سريعاً !! | أبو ساندرا | 01-28-08, 11:17 AM |
Re: يا يا سر مبيوع ...... أجمع هنا سريعاً !! | انعام حيمورة | 01-28-08, 12:30 PM |
Re: يا يا سر مبيوع ...... أجمع هنا سريعاً !! | مبيوع | 01-28-08, 12:51 PM |
Re: يا يا سر مبيوع ...... أجمع هنا سريعاً !! | عثمان دغيس | 01-29-08, 08:23 AM |
Re: يا يا سر مبيوع ...... أجمع هنا سريعاً !! | مبيوع | 02-09-08, 07:01 AM |
Re: يا يا سر مبيوع ...... أجمع هنا سريعاً !! | Alsa7afa_30 | 01-28-08, 12:43 PM |
Re: يا يا سر مبيوع ...... أجمع هنا سريعاً !! | عثمان دغيس | 01-29-08, 08:29 AM |
Re: يا يا سر مبيوع ...... أجمع هنا سريعاً !! | مبيوع | 02-01-08, 10:41 AM |
Re: يا يا سر مبيوع ...... أجمع هنا سريعاً !! | kamal ali | 01-28-08, 01:18 PM |
Re: يا يا سر مبيوع ...... أجمع هنا سريعاً !! | عثمان دغيس | 02-03-08, 11:08 AM |
Re: يا يا سر مبيوع ...... أجمع هنا سريعاً !! | مبيوع | 02-06-08, 08:20 AM |
Re: يا يا سر مبيوع ...... أجمع هنا سريعاً !! | Kabar | 01-28-08, 03:25 PM |
Re: يا يا سر مبيوع ...... أجمع هنا سريعاً !! | عثمان دغيس | 02-03-08, 11:21 AM |
Re: يا يا سر مبيوع ...... أجمع هنا سريعاً !! | مبيوع | 02-06-08, 08:23 AM |
Re: يا يا سر مبيوع ...... أجمع هنا سريعاً !! | Alsa7afa_30 | 01-29-08, 09:42 AM |
Re: يا يا سر مبيوع ...... أجمع هنا سريعاً !! | مبيوع | 02-06-08, 08:27 AM |
Re: يا يا سر مبيوع ...... أجمع هنا سريعاً !! | haroon diyab | 01-29-08, 02:14 PM |
Re: يا يا سر مبيوع ...... أجمع هنا سريعاً !! | عثمان دغيس | 02-04-08, 06:30 AM |
Re: يا يا سر مبيوع ...... أجمع هنا سريعاً !! | معتز جعفر الحسن | 02-03-08, 01:09 PM |
Re: يا يا سر مبيوع ...... أجمع هنا سريعاً !! | عاصم الطيب قرشى | 02-04-08, 07:30 AM |
Re: يا يا سر مبيوع ...... أجمع هنا سريعاً !! | عثمان دغيس | 02-04-08, 07:39 AM |
Re: يا يا سر مبيوع ...... أجمع هنا سريعاً !! | عاصم الطيب قرشى | 02-05-08, 09:50 AM |
Re: يا يا سر مبيوع ...... أجمع هنا سريعاً !! | عثمان دغيس | 02-05-08, 10:37 AM |
Re: يا يا سر مبيوع ...... أجمع هنا سريعاً !! | مبيوع | 02-06-08, 08:32 AM |
Re: يا يا سر مبيوع ...... أجمع هنا سريعاً !! | عثمان دغيس | 02-04-08, 07:34 AM |
Re: يا يا سر مبيوع ...... أجمع هنا سريعاً !! | مبيوع | 02-06-08, 08:34 AM |
Re: يا يا سر مبيوع ...... أجمع هنا سريعاً !! | عثمان دغيس | 02-05-08, 07:58 AM |
Re: يا يا سر مبيوع ...... أجمع هنا سريعاً !! | مبيوع | 02-05-08, 09:46 AM |
Re: يا يا سر مبيوع ...... أجمع هنا سريعاً !! | عثمان دغيس | 02-06-08, 06:54 AM |
Re: يا يا سر مبيوع ...... أجمع هنا سريعاً !! | مبيوع | 02-06-08, 10:24 AM |
Re: يا يا سر مبيوع ...... أجمع هنا سريعاً !! | عثمان دغيس | 02-07-08, 07:57 AM |
Re: يا يا سر مبيوع ...... أجمع هنا سريعاً !! | مبيوع | 02-07-08, 09:28 AM |
Re: يا يا سر مبيوع ...... أجمع هنا سريعاً !! | عثمان دغيس | 02-11-08, 08:14 AM |
Re: يا يا سر مبيوع ...... أجمع هنا سريعاً !! | haroon diyab | 02-06-08, 06:27 AM |
Re: يا يا سر مبيوع ...... أجمع هنا سريعاً !! | عثمان دغيس | 02-06-08, 09:34 AM |
Re: يا يا سر مبيوع ...... أجمع هنا سريعاً !! | مبيوع | 02-06-08, 01:41 PM |
Re: يا يا سر مبيوع ...... أجمع هنا سريعاً !! | عثمان دغيس | 02-14-08, 09:00 AM |
Re: يا يا سر مبيوع ...... أجمع هنا سريعاً !! | عثمان دغيس | 02-17-08, 11:35 AM |
|
|
|