|
Re: إذا انهزم المنتخب هل فى الأمر من عجب؟ (Re: ABDELMAGID ABDELMAGID)
|
كلنا ممغوصين يابو سندرلا
الاخ هشام لو شفت برنامج عالم الرياضة يتاع يوم الجمعة , سيد سليم قال يكفى ان علمنا رفرف بعد 32 عام انظر للفريق التونسى ثانى مجوعتنا,,كيف تغلب ليلة امس على نسور السنقال ب 3 اهداف لانهم حين تدخلو المنافسة استعدو لها بمدرب اجنبى وكان الوقت كافى,,,انظر لانقولا التى استقالت فى التسعينات بها 9 معترفين ,فلابيو وحده كان فريق باكمله,,وكان بطلب الكرة من الوسط عشان يحرز اهداف كانه يريد ان يسوق نفسه,,لان هذه الدورة سوق للعيبة,,لكن نحن لم يكن هنالك لاعب واحد يمكن لكشيف ان يختاره غير هيثم مصطفى لكن عمره قد فات حد الاعتراف,,اسى مازدا دا حارم كرنقو من الاعتراف مالو,,,كرنقو دا ممكن يشوفو اى كشيف اوروبى ويقوم يسجلو فى اى نادى تلى اوربى,,عشان نسمع اخونا حاتم التاج يعلق ان هذا اللاعب معترف فى صفوف فريق ابقوتا الاوربى,,,
نجى لشداد وزمرته الاوتاد الذين خربو البلاد فلا كرة ولا عتاد كل رئساء الاتحادات يحرصون على موازرة فرقهم الا السيد المنظر شداد بقول انه مشغول,,زول قاعد فى كوماسى,,مشغول بشنو يعنى , انت اصلا الجابك شتو, وجائى لشنو وشغلك شنو,, لابد من تصحيح فى الوضع اغالة الوزير ودى تجى بعد اغالت الانقاد وكيل الوزارة رئيس الاتحاد مجدى شمس الدين
اما الاخيران اصلا مغالين ومدة صلاحيتهم ستنتهى بنهاية الدورة مازدا واسماعيل عطا المنان ,لكن الاخير دا درب وين , حصل لعب كرة وكان فى ياتو رابطة ويجيك واحدة زى طلحة يقولك الا شداد,,,ليه شداد يافالح يقولك لانه دكتور وعندو عقل طيب العقل الما بطور الكرة دا فايدتو شنو,,شداد بقى عندو راس كتير خراب,,ودكتوراه بقت out of date ديل ناس يتحافظ على رواتبها وبس,, والشعب السودانى بقت عندو غباوة العاطفة,,يحكى لى فى اجازتى الاخيرة احد الشباب الممغوص من جماعة الانقاذ ,عندنا واحد موتمرجى مسيطر فى المنطقة وراه نفعيين بجمعو الجبايات وبقسمو ليه وللوالى,,قلنا للجماعة نغيرو بانقاذى تانى , ودى الموضة المتفششية الايام دى اضرب الانقاذى بالانقاذى ,,جونا اهلنا الكبار وقالو لينا لو شلتو الزول دا تانى بشتغل شنو,اولادو يعيشهم من وين لو بتدبرو ليه شغل ومصاريف للعيال غيروه ,,اها اسى شداد دا لو شالوه من الاتحاد تانى بشتغل شنو واولادو يعيشهم من وين ويلبس اقمصة ملونة من وين,,اها لازم نخليه يربى عيالو ..ان شاء الله الكرة ما تطور , زولنا دا مش ببعرف ناس عيسى حياتو وناس بلاتر , طيب بالله دى مش نعمة,,,
خلاص
|
|
|
|
|
|