ســــد مـروى واثارة الفـتن.... ( الجعليين على الـخـط ) .

Quote: السلام عليكم حيرتني عديل كده يا سيد عسكوري يا خوي انتو نكورك ليكم ما تجوا ، نجيكم تكوركوا هسه عليك الله في ذمتك الجاب سيرة اسرائيل والكنيسة دي منو؟ انت بتكتب كلام ماك عارفو ؟ ده كلامك كتبتو وفي فقرة واحدة رددتوا مرتين وبعدين خليك عارف حتي لو المناصير عملوا نفس الشيء انا برضه كنت حا اكتب نفس الكلام عنهم لانه الاحتكار بخلق مشكله... وبعدين نقع في ديل قطاعين طرق وداعماهم اسرائيل... والكنيسه والخ من الاسطوانات المشروخه... المشكله في الشمال واضحه ولازم يتلقي ليها علاج قبل ما تفلت.. لانه الناس ببساطه ما اعتقد انها ممكن تسكت اكتر من كده... ومع ضعف الدوله الحالي ومحاولة استخدام القوه لفرض اجندة مجموعه واحده عن طريق استخدام سلطة الدوله من شانه ان يخلق تفلتات... ونحن الان بنكتب عشان ننبه قبل ما الامور تفلت ونقع في اسرائيل والكنيسه وما عارف ايه.. ولما شفتك تكرر فيهو كدة قلنا نستفسر كتخريمة ساكت انت زعلت والا شنو؟ ...................... ياخوي موضوع تضليلكم ده هو داير اثبات؟ تكون فاكر الناس ساكتةعليكم مصدقاكم؟ الناس يا سيد عسكوري كراهية في الإنقاذ دي ساكتة الناس يا سيد عسكوري تنأى بنفسها عن مناقشة مثل هذه النتانة ، فلان منصوري وفلان جعلي وفلان شايقي ومن أصدق من رسول الله (لو كنت مؤمناً به) حينما يقول ( دعوها .. فإنها منتنة) وحتى لو لم تكون مؤمناً فيكفي العاقل رؤية ما تفعله بأرض دارفور حتى تريد أنت اشعال فتنة أول من تأكلهم فهم اهلك ( لو أخذنا بتفكيرك الضيق هذا) فنحن نعتبرهم أهلنا قبل أن يكونوا أهلك انت شغال بنظرية استنتاجات مضللة مبنية على أكاذيب وفي أحسن الأحوال اشاعات تاتي بها وكأن علينا أن نصدق أن حضرتك هو ملك الشارع والمتكلم (بما يردده الناس) الطريقة بتاعة والله الناس بتقول .... وود أخوي ضربلي تلفون دي والإشاعات طالعة .... الخ ما أساس لنقاش ولما ضربت ليك مثل انو الناس ممكن يقولوا حاجات كثيرة عن مشكلتك ( الوقفت حياتك عليها زي ماب تقول) وممكن يطلعوك ابتزازي وكذاب ومنتفع ومدعي ومتسلق بقيت تجقلب بس عشان اوريك تهافت الكلام البتجيبوا هنا وداير الناس يسكتوا عليهو ................ بجيك برواقة لباقي الكلام العشوائي البتكتب فيهو