قومو بلا دارفور.. بلا كلام فارغ معاكم

Quote: اولك بالتبادي.... ما تلخبت الكيمان ... " والله لخبيت الكميان دا عاجبني عجب...منعامننا كلنا بنريد اللخبته والسواطة"...يا حامد يا اخوي....قدر مافي اربعة تنفار من دارفور اتعلمو وقرو وبقو يفكو الخط... اشترو نضارات شمش وشالو عكاكيزهم وقالو دايرين يحررو السودان.... يحرروهو من منو؟..اقول لك انا... خطابكم السياسي واضح وما داير لو رفع ضو.... دايرين تحرروهو من الجلابة.. والجلابة نحن.. ووليداتنا ونسلنا.. يعني يا حامد يا اخوي دايرين تقرضونا وتقطعو نسلنا..وبعد دا كلو دايرننا نربع ايدينا ونقيف نعاين لكم؟؟؟.... ونسكت؟" حامد انا ما عندي اي علاقة بالحكومة ولا بدافع عنها عشان لخبتت الكيمان.. انا بدافع عن بقائي وعدمو..".... قبال انسى يا حامد... دعوتكم وباسلوبكم دا دي دعوة عنصرية ان رضيتو وان ابيتو...عليك الله اقعد قلب المنبر دا .. وشوف كلمة جلابي اتقالت كم مرة؟؟.... وشوف الناس بيقولو حكومة الانقاذ كم مرة؟.... تلقى كلمة الجلابة اكتر من الف مرة والخطاب العدائي موجه للجلابة..ما موجه لنظام قائم... ما تقول لي النظام القائم نظام جلابة....واكان مكضبني اسعل محمد حامد جمعة...والنحدسك يا اخوي لو دعوتكم مشت في الاتجاه دا وتهددونا نحن معشر الجلابة" لا اقصدك في شخصك"....الغريبة في جلابة برضو قاعدين يجو ويكورك ويقولو عووك عووك الجلابة الجلابة .. عليك الله في عباطة اكتر من كدي؟... يعني قايل نضم زي دا بيشفع لو عند رافعي راية تحرير السودان"من الجلابة"... كزم حجر.. ... اصبر ما تمرق بجيك صادي.....نضمي ما كمل