|
|
 Re: من انت لتحكم علي احد اعمدة المسرح بالسودان؟....قال زعيم سياسي قال... (Re: Mohamed Ahmaed Olyesh)
|
من هو ؟؟
فعلا من هو ؟؟
اقول ليك من هو ..
انسان عامل فيها مثقف ومستنير
وهوفي حقيقة الأمر ..أمي ..
أمي جماليا ،،وفنيا ..
وده النوع المتعالي على خلق الله
وبشوف في الناس الزي ابوقبورة
ديل عورة لانو بكون سمع واحد من انصاف المواهب اتكلم عن ابوقبورة
والشخصية النمطية ، وطوالي مسك في الكلام ده وهو بكون ما شاف ابوقبورة بمثل
الحاجة التانية الزول البتكلم عن رائد من رواد حركة الثقافة بي قلة الأدب دي
ده ما بحترم الشعب الغلبان الكان ملتفي حول ابوقبورة وكان رمز النكته ليهم
وشيال همهم ومفرحهم في الأمسيات الكالحة ..
ده من النوع البشوف الناس البتمشي الكورة ناس اي كلام وبشوف دايما انو في فن هم الحيجوبو
لي باقي الناس واشيلوهم من العباطة والعوارة ولحدي ما يموت وتفوت الدنيا لا يعملوا فن ولا
حيبدعوا ثقافة لانو فاقد الشئ لا....
انا ما بهمني هو منو !!ولا حزبو شنو ؟؟
لانو هو ما بعرف جيل ابوقبورة عمل شنو ؟
ابوقبورة ــ الفنان العبقري
محمود سراج هذا الفنان الحساس ، الأنسان الراقي ، المهذب والمطلع ـ ( صاحب اكبر مكتبة للمسرح ))
ظهر في فترة الخمسينات بالتحديد العام 55 ـ 56 ظهروا مع الأستقلال وقبلهم كان المسرح يلعب دوره
السياسي بمحاربة المستعمر من 1903 الى 1950ـ
وتكونت الفرق المسرحية وناضل الشرفاء من فناني المسرح المستعمر والجهل ا/ثال الشيخ بابكر بدري
والأستاذ صديق فريد ، وعبيد عبد النور ، وخالد ابو الروس ، والعبادي ،وميسرة السراج والخ
في نهاية الخمسينات ومع تقرير المصير ظهر المسرح الغنائي مجموعة الفنان أحمد عاطف والمغني محمد
احمد عوض وفلاح وأصبحت هناك اشراقات استقرار الحركة وترك المسرح النضالي واتجاه المسرح نحو مسرح
يقلد المسرح الوافد لكنه سوداني ..
ومع بداية بواكير الأستقلال ظهرت الفرق الشبابيةوهم لم يأتو من فراغ او كانو نبتا شيطانيا
هولاء الفنانين كانوا يعملوا مع الأستاذ خالد ابوالروس ومع فناني تلك الفترة في الأدوار الصغيرة
وحينما تكونت فرقة الكشافةبقيادة الرائد الفاضل سعيد وشاركوا معه ابطالنا الرواد محمود سراج
وعثمان احمد حمد وبقية العقد الفريد كان اول اعمالهم مع اتحاد المرأةوعملوامن اجل التعليم ومحاربة العادات الضارة وتوعية المرأة واشتهرواوكونو فرقهم الصغيرة التي بحثت عن الهوية
السينما جلبت الشخصيات الكوميديا وكان اثرها واضحا على فناننينا ولكنهم لم يقلدوها وانما بحثوا
عن الشخصية السودانية وهنا عظمة محمود سراج ابوقبورة الفكي الدجال البقلب الطرورة وكان الواضح للعيان ان هذه الشخصية بدت لمحاربة الجهل ةالدجل والشعوزة في زمن لم يكن فيه موجههولا واعظ يعظ الناس ولا سياسي له علاقة بالناس التحت كله من ذالك الوقت كانو ا مستلبين غربيا احلامهم غربية
والساسة في ذالك الوقت حتى الذين كانوا يعملوا في المسرح تركوه وهاجروا الى العمل السياسي
والجادين منهم الذين وقفوا مع المسرح ودعموه قليلين وصاحبك هذا ياعليش ليس منهم ..
مجموعة الكوميديين في ذالك الوقت هم الدعامة الحقيقية لوجود مسرح سوداني لحما ودما موضوعا وشخصيات وافكار واهداف رغم ان ألأفكار بدت صغيرة لكنها تتطورت من الأسيكتش الى المسرحية الكوميدية
الى تكوين الفرق الكوميدية الجادة بل ما يفعله نجوم الهيلا هوب والهيلاهوبا وتيراب هو نتاج
بلبل وضربة وخالد ابوالروس وسمارة وابوقبورة والفاضل سعيدنوع الفن ده قديم المنوعات الدرامية
تعاملوا معها وحاربوا من خلالها العديد من المظاهر السالبة لقد كانوا في وقتهم فنانيين بدون مراجع بدون تجارب سابقة هم الذين صنعوا هذا الفن هم الذين وضعوا البصمات الأولىوأضحكوا جمهورا لم
يكن الضحك ضمن قواميسهم بل كان الضحك بدون سبب قلة ادب ومن يضحك يستغفر لنفسه والأخرونفي مثل هذا المناخ ظهر ابوقبورةليعلم الناس بالضحك ما عجز عنه الساسة امثال صاحبك يا عليش
هولاء ساسة يعيشون في برج عاجي يعتقدون انهم لايشبهون شعبهم وانهم متميزون حتى على فنانيه ويمكن بجرة قلم يحددون مدى قدراتهم ومدى صلاحيتهم في الوقت الذي انتهت فيه صلاحيتهم مثل صاحبك هذا
محمود سراج المكتبة التي يقتنيها يمكن ان توثق للمسرح السوداني منذ بداية المواسم المسرحية
ماذا قدمت له الدولة غير انها اعطته وظيفة عمالية يسكن بها في الوقت الذي منذ زمن نطالب فيه بتفرغ الفنانين الرواد ماذا فعلت السياسة لفنانين مثل ابوقبورة وبقية الرواد منحة التفرغ فيها تقدير وكرامة للمثل الراقي والمبدع من امثال محمود سراج الذي علم الناس بالمسرح في وقت لم يكن فيه هناك معاهد ولا كليات دراما ولا يوجد دراماتورجية ليضعوا خطط المستقبل كانوا ،، محمود سراج
وصحبه يجوبون البلاد يعرضون فنونهم زاروا مناطق لم يزرها الساسة المزيفين مثل صاحبك يا عليش
يكفي ان محمود سراج وحد الوجدان السوداني بفنه الفطري التلقائي العفوي وحد الأمة التي فرتقها
الساسة امثال صاحبك الوهم ده يا عليش ...
|
|
 
|
|
|
|
|
| العنوان |
الكاتب |
Date |
| من انت لتحكم علي احد اعمدة المسرح بالسودان؟....قال زعيم سياسي قال... | Mohamed Ahmaed Olyesh | 01-13-08, 07:34 PM |
| Re: من انت لتحكم علي احد اعمدة المسرح بالسودان؟....قال زعيم سياسي قال... | Mohamed Ahmaed Olyesh | 01-13-08, 07:41 PM |
| Re: من انت لتحكم علي احد اعمدة المسرح بالسودان؟....قال زعيم سياسي قال... | Mohamed Ahmaed Olyesh | 01-13-08, 08:02 PM |
| Re: من انت لتحكم علي احد اعمدة المسرح بالسودان؟....قال زعيم سياسي قال... | سلمى الشيخ سلامة | 01-13-08, 08:21 PM |
| Re: من انت لتحكم علي احد اعمدة المسرح بالسودان؟....قال زعيم سياسي قال... | Mohamed Ahmaed Olyesh | 01-14-08, 04:34 AM |
| Re: من انت لتحكم علي احد اعمدة المسرح بالسودان؟....قال زعيم سياسي قال... | محمد سنى دفع الله | 01-14-08, 06:59 AM |
| Re: من انت لتحكم علي احد اعمدة المسرح بالسودان؟....قال زعيم سياسي قال... | Mohamed Ahmaed Olyesh | 01-14-08, 09:07 PM |
| Re: من انت لتحكم علي احد اعمدة المسرح بالسودان؟....قال زعيم سياسي قال... | أبوبكر أبوالقاسم | 01-14-08, 06:35 AM |
| Re: من انت لتحكم علي احد اعمدة المسرح بالسودان؟....قال زعيم سياسي قال... | اسعد الريفى | 01-14-08, 07:59 AM |
| Re: من انت لتحكم علي احد اعمدة المسرح بالسودان؟....قال زعيم سياسي قال... | اسعد الريفى | 01-14-08, 08:09 AM |
| Re: من انت لتحكم علي احد اعمدة المسرح بالسودان؟....قال زعيم سياسي قال... | Mohamed Ahmaed Olyesh | 01-14-08, 09:31 PM |
| Re: من انت لتحكم علي احد اعمدة المسرح بالسودان؟....قال زعيم سياسي قال... | سميح جمال | 01-14-08, 08:10 AM |
| Re: من انت لتحكم علي احد اعمدة المسرح بالسودان؟....قال زعيم سياسي قال... | سميح جمال | 01-14-08, 08:11 AM |
| Re: من انت لتحكم علي احد اعمدة المسرح بالسودان؟....قال زعيم سياسي قال... | Mohamed Ahmaed Olyesh | 01-14-08, 09:34 PM |
| Re: من انت لتحكم علي احد اعمدة المسرح بالسودان؟....قال زعيم سياسي قال... | عصام علي أحمد | 01-14-08, 09:07 AM |
| Re: من انت لتحكم علي احد اعمدة المسرح بالسودان؟....قال زعيم سياسي قال... | Mohamed Ahmaed Olyesh | 01-14-08, 08:52 PM |
| Re: من انت لتحكم علي احد اعمدة المسرح بالسودان؟....قال زعيم سياسي قال... | امانى عثمان حامد | 01-15-08, 03:05 AM |
| Re: من انت لتحكم علي احد اعمدة المسرح بالسودان؟....قال زعيم سياسي قال... | محمد سنى دفع الله | 01-15-08, 05:18 AM |
| Re: من انت لتحكم علي احد اعمدة المسرح بالسودان؟....قال زعيم سياسي قال... | اسعد الريفى | 01-15-08, 06:28 AM |
| Re: من انت لتحكم علي احد اعمدة المسرح بالسودان؟....قال زعيم سياسي قال... | Mohamed Ahmaed Olyesh | 01-15-08, 04:51 PM |
| Re: من انت لتحكم علي احد اعمدة المسرح بالسودان؟....قال زعيم سياسي قال... | Abdelmoniem ALHAJ | 01-15-08, 07:52 PM |
| Re: من انت لتحكم علي احد اعمدة المسرح بالسودان؟....قال زعيم سياسي قال... | Mohamed Ahmaed Olyesh | 01-15-08, 11:31 PM |
|
| |
محمد سنى دفع الله
فيس بوك
تويتر
انستقرام
يوتيوب
بنتيريست