|
Re: ما هو مصير حزب المؤتمر الوطني اذا انتهي حكم الرئيس البشير العسكري ؟ وما هي مرتكزاته الفكري (Re: JOK BIONG)
|
ود الزاكى
مساك الله بالخير
يأخى ماهو ده نفس الحزب القام ورفع راسو بعد حكومة عبود, وطلع لينا
مره تانيه من الفمفم ايام حكومة اكتوبر , واحتال على نميرى وحكمنا
بقوانين سبتمبر , وفى الديمقراطيه الثالثه لعب بناس الصادق لعب الكوره
لمن غفلوا الناس بالليل وحكومنا 19 سنه ومازالوا , يانس انتو بقيتو تنسوا ولاسنو !
يبقى مفروض يكون عنوان البوست كالتالى ( ماهومصيرنا نحن اذا انتهى حكم حزب المؤتمر
الوطنى البغيض ) ياربى حيحكومنا ناس من شاكلة مبارك الفاضل وغازى سليمان ومنصور خالد
ولا الديناصورات الليهم مية سنه ناس ( سلم تسلم ) اللايصين حتى الان من فندق لفندق وماعاشوا
معاناة 19 سنه من البطش والذل والهوان . ياخى والله الا ناجر لينا حكومه من الصين ولا ماليزيا
بعد ده عشان المطحونين الفى السودان ديل يشموا ليهم شوية هواء كان باقى زمن , لانى شايف
علامات الساعه بدأت تظهر , والله يكضب الشينه ,
مع كل الود والتقدير كمال سالم
|
|
|
|
|
|