الديكتاتور محمد طاهـر آيـلا .. البحر الاحمر .. المعاناة والقبضة الحديــدية

Quote: أنور كنج.. شوف يا اخوى.. أول حاجة أسلوب الجلابة الاستعلائى ده خليهو عشان ما نقول عليك بلويت وانت الظاهر الكلمة دى بتزعلك مع انو الكلمة التانية ( جلابة) ماعندك فيها مانع!!!!!!!! ولاية البحر الأحمر الآن هي الولاية النموذج، مش الآن بس.... في كل الأوقات هي كده ، لكنها تحتاج لعون ابناء المدينة قاطبة، وليس تمزيق المدينة بدعاوي مدعي نضال آخر زمن!!! لا للعنصرية وان جاءت في شكل رطانة!....و دي عقلية رجعية ولا تمت بصلة لمدينة بورسودان...!!! وأعنى بأسلوب الجلابة: 1- الخطاب الاستعلائى وتحقير المخاطب. 2- احتكار النضال( يعنى نضال الناس التانين يبقى خرمجة ..ونضال آخر زمن وهلم جرا..) مع ان كلمة نضال دى زاتها بقت ممجوجة وخليناها ليكم انتو ( البلويت). 2- اللعب على الحبلين ( عند اللزوم) ..مرة ضد الانقاذيين ..ومرة مع الانقاذيين لمن مصلحتكم تكون معاهم. 4- استخدام الارهاب فى الحوار وأسلوب التهديد والوعيد( الذى يستدعى ارهابا مضادا) 5- احتكار الحقيقة والعلم ورمى الخالفين بالقصور فى الرأى ( فقط لأن أسلوبهم مختلف عن اسلوب الجلابة المعتاد فى نظم الكلام الأجوف ورصرصة التعابير الكبار كبار والدوران حول الموضوع الأساسى دون النفاذ اليه مباشرة) ويعلم الله هذا الأسلوب شبعنا منو وبطننا طمت خلاص وقلنا الروب. 6- عدم القدرة على الاحساس بالآخرين..(طالما أهلهم بخير وفى أمان فعلى الدنيا الطوفان) 7- رمى المحتجين على الواقع( المرير) بالعنصرية ( رمتنى بدائها وانسلت) وده أسلوب مضحك جدا لأن الحقيقة معروفة للجميع. بعدين كلامك أعلاه تجاهلت فيهو حقائق اساسية وأنكرتها ..ولا أدرى هل الأمر نابع عن جهل بالواقع..ولا كلام ساى فى مقام الشكر للانقاذى ايلا. أولا: ايلا مجرد تابع انقاذى شئت أم أبيت...وهو فاشل جدا فى التعاطى مع أهله..وفى النهاية جاى عشان ينفذ سياسة الانقاذ( وهذا واضح جدا لكل ذى عينين وأذنين) ( شوف مثلا أقرب مثال اغالاق صحيفة بورتسودان مدينتى وحظر الجمعية) ثانيا: انا بجاوية ( أصيلة) رغما عن أنفك ..زيى وزى زولك ابو على مجذوب الذى وصفته بالبجاوى ( الأصيل)كأن من حقك تصنيف البجا أصلاء وما اصلاء ...ودى حركات الجلبنة زاااتها. ثالثا: ابو على مجذوب بالرغم من بجاويته ليس من بورتسودان كما ادعيت..اضافة الى انه تابع ( ضعيف) للمركز ( ايلا أخير منو). رابعا: أنكرت ان أهلنا البجا يموتون من الجوع!! وهذا لعمرى هو الجهل بعينه!! يا زول انت متأكد انك عايش فى شرق السودان؟؟؟؟ أهلنا البجا هم أكثر شعب مهضوم الحقوق فى السودان ويموتون يوميا من الجوع والعطش والمرض وبطش السلطة..انت يا زول قايل الناس حملوا السلاح ترف ساكت؟ وخرمجة وادعاء نضال ( زى ما بتقول)؟؟!! خامسا: ان الاستهزاء واللعب والاستهوان بآلام الناس ومعاناتهم وأسلوب ناس مارى انطوانيت ولويس السادس عشر ده ما حلو منك.. شخصيا كنت متوقعة منك موقف افضل من كده. سادسا: هل تظن انك ستلغى معاناة انسان الشرق بكلمة تطبيل منك لفتى الانقاذ ( المهمش هو ذات نفسه) ايلا. سابعا: حقيقة ان الناس المهمشين صاروا يعبروا عن نفسهم بأسلوبهم الخاص ( الذى لا يعجب الجلابة لصراحتة ومباشرته) فى كل مكان متاح ولن يستطيع أحد اسكاتهم أو هز ثقتهم فى انفسهم ( ورحم الله امرئ عرف قدر نفسه) ( وكل فولة وليها كيال). ثامنا: نحن المنبوذون من قبل أمثالك لنا قراءنا من أصحاب الوجعة...انتو خليكم فى طرحكم المزخرف وتنزيل الأغانى والونسة وخلونا نحنا فى خرمجتنا الأساسا ما موجهة لأمثالكم من مترفى الجلابة. وأخيرا وليس آخرا... تعلموا من دروس التاريخ خير لكم.. واذا كنتم تعتقدون اننا سنسكت للأبد على استعماركم لأرضنا وازدراءكم لانسانها وحقارتكم بينا فده بعدكم..عشم ابليس فى الجنة.. ولكل دور اذا ما تم نقصان فلا يغر بطيب العيش انسان ملحوظة: الكلام ليس موجه لك كأنور كنج كشخص ولكن لنوعك ده فى كل زمان ومكان.