أتحدى الكذاب ربيب الإنقاذ الطاهر الساتي والحزب الشيوعي ..

Quote: الزمن بعد شهر من الآن : قرر كل بورداب سودانييز اون لاين بعد الاجتماع عدم كتابة اي موضوع عن عادل عبدالعاطي ، وعدم ذكره في اي بوست .... عادل عبدالعاطي يلاحظ ذلك ثم يتكلم مع نفسه : ياربي الناس ديل خلوني ليه .... (مكررا هذه الجملة اكثر من مائة مرة ) ترد نفسه متذمرة: ياخ كرهتنا ، ان شاء الله ما يكتبه عنك ح يحصل شنو يعني ؟ يرد عادل : انت اسه مالك ببتزهجي فيني ؟ نفسه: (بحده) ما كرهتنا العيشه عادل : احس ليك اتكلمي بادبك (يسكت ) ثم يقول : والله انا اسع اكتب فيك بوست ... نفسه : انا زاتتي بكتب فيك بوست ، انت قايلني روده ، ولا الطاهر ساتي .... عادل (مقاطعا) .. اها ح تعملي شنو ؟ نفسه : يازول انا ما حفظاك وعاجناك... عادل يضحك (بدون نفس) : اها طيب ح تجيب اليوزر نيم من وين نفسه (تضحك) : يازول انت ناسي انا نفسك ، مش الباسوورد بتاعتك دي ما انا الاخترتها ,,, عادل : شوفي مؤمرات الشيوعيين دي انا عارفه كلها ... نفسه : يازول قول الرحمن ، شيوعيين شنو ؟ انا نفسك عادل : طيب انا ما احرد عليك ، لكن امشي اقرئي سودانييز اون لاين نفسه (تضحك) رغم اني مش محتاجه اقرأ عشان اعرف ح تكتب شنو ؟ لكن ح امشي اقرأ ؟ عادل : طيب ح تشوفي والله انت والوراك ما تقدروا علي .... نفسه : وانا ح ارد وح تشوف (قال شيوعيين قال ) (فجأة تختفي نفسه ، وعادل يتجه الي الكمبيوتر ) يستغرق عادل في الكتابة ، ويظهر لون سودانييز اون لاين واضحا في شاشة الكمبيوتر . فجأة تظهر نفسه وتقف خلفه ، ثم تبتسم وتختفي ... (عادل يترك الكمبيوتر ، يذهب محاولا النوم ) ، تأتي نفسه ، وتجلس امام الكمبيوتر ، مبتسمه ، وتطالع ما كتبه عادل ، تتغير الابتسام رويدا رويدا لتتحول الي تكشيره ، تتأمل الكمبيوتر ، ثم تقول بصوت مسموع ) * اوكي ،وكمان عامل ليك بوست (لن يهزمني كذب الشيوعين ،حتي وان تحالف مع نفسى) حتشوف .... تكتب وتكتب ، تعمل (كوت ) وترد ، تفتح بوست جديد ، بعنوان (عادل في الماضي هل هو شيوعي ام ...) (تتثائب نفسه، وتطالع الموقع بشعور المنتصر ) قائله : يازول انا نفسك ، كيف تقدر علي .... ثم تذهب للنوم (عادل يتقلب في سريره ، ثم ينهض بعد ان يعجز عن النوم ) يفتح الكمبيوتر ، يطالع ردود نفسه ، ينفجر غاضبا ، ثم يبدأ في الرد ، ويفتح بوست آخر ، (اغتيال الشخصية لن يؤثر فيني ، يا نفسي ) ويكتب بوست آخر ، ثم آخر ،،،، (ويغلبه النوم فينام اما الكمبيوتر) ,,,, (تستيقظ نفسه ، وتجد عادل نائما علي الجهاز ، تحرك الشاشة في اتجاه آخر ، وتبدأ في القراءة مبتسمه ، وتتغير معالم وجهها ثم تستشيط غضبا ) وتبدا في الرد علي البوستات ، ثم تكتب بوست آخر وبوست ثالث ... تحس بالعطش تذهب لكي تشرب ) يستيقظ عادل يجد ما كتبته نفسه ، يضرب المكتب بيده غاضبا (ينتقل المشهد فجأة الي نفسه وهي تشرب ، وعندما تسمع غضب عادل تضحك بأنتصار) (عادل منهمك في الكتاب يرد في بوستات نفسه ، يعقب علي ما اوردته من نقاط في بوستاته ،،، ) ثم يكتب بوست عن نقطة معينة ، وآخر بعنوان (زكريات نفسي ، وتناقضاتها) ، ثم آخر بعنوان (اسأل نفسي هل اقلت من الحزب الشيوعي ، ام استقلت ،حان الآن شهادتك) ، ويكيل فيه لنفسه ,,, يضحك بعصبية ،ويذهب الي الحمام ،،،، تاتي نفسه وتقرأ في ما كتبه ، ترد ، ثم تفتح بوستات اخري ، تذهب وقد غلبها النوم ... ياتي عادل ، يرد علي نقاط نفسه ويكتب بوستات جديده تأتي نفسه وتكتب وترد وتفتح بوست جديد (يتعاقب المشهد بسرعه شديدة ، عادل مره ونفسه مرة متكررا بنفس الطريقة وهكذا حتي صباح اليوم الثاني ) مشهد مختلف : (كيكي يفتح المنبر يجد كل الصفحة الاولي باسم عادل عبدالعاطي شاتما نفسه . ثم يفاجأ ببوستات اخري باسم عادل ولكن الكاتب نفسه ، وتشتم فيه ، يضحك ، ويبدأ في مطالعة البوستات ، حتي يصاب بالمملل ، يقول ) * كفانا عادل عبدالعاطي ، كدي نمشي الصفحة الثانية ,,, ينقر علي الرقم 2 ادني المنبر يجد الصفحة الثانيه كلها عادل عبدالعاطي ، يجرب الثالثة والرابعه والخامسة يبدأ في اختيار صفحات عشوائية الصفحة خمسة وتسعين (عادل عبدالعاطي ) ينظر الي عدد الصفحات يجدها قد قاربت السبعه الف صفحة ) يتصل بعدالمنعم سليمان : يازول شفت المنبر ، امس كان عدد الفحات 150 صفحة اتخيل اليوم 3000 صفحة ، وكل المواضيع كاتبها عادل ... عبدالمنعم : ياخي ده كلو من خطة قيصل نوبي المهببه ... كيكي : اها الحل شنو ؟ عبدالمنعم : والله ما عارف (يسكت ثم يبتسم)، عندي حل ساهل . نجتمع مرة اخري ونقرر ان يقوم شخص واحد بمهاجمة عادل وبي كده نخلي ينشغل ... _يجتمع بورداب الدوحة ، ويجيزون الخطة الجديدة ) (بورداب الرياض يوافقوا علي الخطة الجديدة) (كندا ، امريكا ، هولندا ) (السودان ، الامارات ، السعودية المنطقة الشرقية ) ثم يتم اختيار احمد الريس لكي يكون (المهاجم الاول ) احمد الريس امام الكمبيوتر يفكر ، ثم يبدأ في كتابة البوست ، ويكتب في البوست ، يقوم بعمل (بولد) ثم (رد) علي البوست يضغط (شاهده قبل نشره ) يراجعه ، يعدل العنوان ، يم يعمل بوست .... يظهر شريط التحميل في الادني ، وياخذ زمن ، احمد الريس يولع سيجارة في انتظار (يور بوست هاس بين ) اخيرا يختفي البوست ، وتصبح الصفحة باللون البيجي الغامض ، ثم فجأة تتسع عيون احمد الريس وهو يطالع (يعتزر السيد بكري ابوبكر عن تقديم خدمة منبر الحوار ، نسبة للتكلفة العالية لآخر فاتورة وهي (فقط مائة ثلاثة وخمسون الف اربعمائة اثنان وعشورن دولار امركي ) ,,,,,